Imatiwu 4:10 - IWE ỌNỊNỊ

¹⁰ Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Imatiwu 4:10 Iomraidhean Croise

1 Ịtọpa 21:1

 nyị ụmẹ ọnya ọnị Echu sì ka ọnị ọ̀ kụ ẹngụkata tu Anisirẹrị nịnị. Dị ọ mẹ ka Idevidi ọ̀ kà a ka à za aza ịrịka nị.

Ijoovu 1:12

Dị Ẹnẹyịmavara kà ooho! Echu ọ na mẹ ogu Ijoovu o me zee eyi, ama asị ọ sị ụvọ kanyị ọ. Dị Echu hụrị ịzọọ aa na nị.

Ijoovu 1:6

 nyị ẹkụhị ọnya aanị ọnị anggẹẹrị nịnị kụ ẹngụ gụ ọvịdị Ẹnẹyịmavara, dị Echu odu ọza ọnị rẹ nọ nị.

Ijoovu 2:1

 nyị ẹkụhị ọsa ọnị anggẹẹrị nịnị rẹ kụ ẹngụ gụ ọvịdị Ẹnẹyịmavara dị Echu ene du ọza ọnị rẹ nọ ịzọọ nị.

Ahẹ Ụgama 109:6

Navọ wa sị ọza ana vaa kwẹẹtẹ tù ọ, dị ahịka ọnịvị anị ee pè e kụ́ ịrẹka nị.

Ọyịkụra 23:25

Waa hẹkẹ ẹmị Ẹnẹyịmavara ana vị Ohomorihi awụ. Ịjọnọọ mị vaa mẹ ka wàa rị ịsa, wèe hú enyi, ò zee yị wụ. Mẹ yị vaa zẹẹ ka ụkụ ọ̀ za wụ nịnị.

Ayịsaya 30:22

Ịjọnọọ ụ vaa kụ́ ori ụ bẹ dị u kụ́ ẹkẹhị ọnịrị igooru kú ọ, dị ụ kụ́ wa aa và ha anka ụsẹ ana aa nyị ọza ịhyẹrẹ avọọ. Dị ụ ka, “Nyaanyị, mẹ yị kụkụ nyị!”

Imatiwu 16:23

Ama dị Ijeesu vara eyi dị ọ kà a yị Ipita ka, “Ẹwụ echu, và ị́rẹma amị! Ariro ọza ụ nyị nị, ẹ yị vị ariro Ohomorihi.”

Ịmaakị 1:13

Ijeesu ộ yà ịzọọ pooro, ộ mẹ̀ ẹkụhị ẹbẹẹva ịzọọ. Dị Echu na zama a re nị. Uye ịnị avị nịnị vị ana rẹ yà ịzọọ bẹẹ, ama anggẹẹrị nịnị aa mẹ ozi ahụụ yị Ijeesu nị.

Iruuku 10:18

Dị Ijeesu ka, “Mê re, Échu mẹ̀ hụrẹ ẹbẹẹba anka ịnyanya avọọ.

Iruuku 11:18

Echu ọ̀ọ rẹ kwẹẹtẹ tù ẹngụ anị, ị́jọva anị mẹmẹ zụ kwẹẹtẹ? M maanị aa kà, agụvị ka waa kà a nịnị ka ụkata Ịbẹẹrịzẹbụ m maa sịị dụ ụhwẹ echuu jịnẹ hụụnị ẹngụ aza nị.

Iruuku 13:16

Ọnẹẹ ọnọnị vị ozi Abụrahamị. Echu ọ sị ọọ sụ́ hụrẹ ịrayị ẹwụrịhịnta. Wéé ro ka ẹ yị vọrọ ka à ngwa a ịnị ẹkụhị ụhwọtụ?”

Iruuku 22:3

Di Echu sị ngụ ịnị ayị Ijudasi ọnị ịrẹha ẹtẹ anị rị Isikarịyọtị nị. Ọnị rẹ vị ọnya ini ezirẹma ẹwụrẹva.

Iruuku 22:31

Dị Ananyị yị ka, “Ịsayịmọnị, Ịsayịmọnị! Re, Echu ee sì ka ọnị ọ̀ sị wụ nịnị, di oni ò pehe wu nịnị, dị à zụ yẹ aza ana vị azịzẹ ọnịrị akụ.

Iruuku 4:8

Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”

Ịjọọnụ 13:27

Íjudasi mẹ̀ yị rị ịsa ọnọọ kẹnẹ, di Echu ngụ ọọ ayị nị. Dị Ijeesu kà a yọ ka, “Ịsị ụ wàaa mẹ, u jintu mẹ̀ ẹ!”

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Odeyi 5:3

Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

1 Anịkọrịntị 5:5

dị ụ sị ẹngụ ọza ọnọọ chire Echuu ụvọ, dị ẹngụ anị ò du ha, ịsavọọ Ohomorihi ọ̀ dọ ụhwẹ anị há ịnị ẹkụhị ana Ananyị yị vaa sị mẹ̀ ọkarẹyị.

1 Anịkọrịntị 7:5

Asị ẹvarose yi ka ẹnị ẹ yị kanyị ẹngụ, ẹ̀ yị vị ẹ hụhụ dọ ka ẹnị aa sị ụmẹ chee tịtẹ, dị ẹnị ẹ̀ẹ mẹ̀ aduwa. Ẹ̀ẹ vavọọ sị ọ mẹ, ẹ̀ rẹẹ mẹ ẹvarose ẹnịnị, agụvị asị Echu ne re oze za wa mẹ ịvị, agụvị ka ẹ yị zụ sị ụvọ za ẹngụ ẹnịnị.

2 Anịkọrịntị 11:14

O yi hi ọza irenu, agụvị ka Echu ụvọta ộ hyakụ nyẹngụ vara ẹngụ anị anggẹẹrị ẹtohweyi.

2 Anịkọrịntị 12:7

Agụvị asị ẹtẹ ọbanyị oni mi re avọọ na mẹ ka maa sị ẹngụụ tụ́ ẹba baaba, Ohomorihi ộ navọ ka ma nyị ẹngụkata tụ́ ọchẹngụ amị anka ikeyi avọọ. Ọnị ọ vị ọnụtụ Echu ene ee tụ́ mi ka asị mị sị ẹngụ tụ́ ẹba baaba nị.

2 Anịkọrịntị 2:11

Ẹ̀ yị vị avọọ, Echu sị yị huna. Yáa yẹ irikichi ana aa mẹ.

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Ijemiisi 4:7

Agụvị avọọ ká ịrẹsụ hi yị Ohomorihi nịnị! Asị ụ sị oze yị Echu nịnị, ka o vee zwèe kà naa wụ nịnị.

Ijosuwa 24:14

Dị Ijosuwa ka yị wa ka ẹnịnị e hí angwahi Ẹnẹyịmavara dị ẹ sị ịzẹyịza saasa a ịnị ụmẹ tụra ụmẹ. Dị asị ẹnịnị kụkụ mẹ ori ọnị ohiku ẹnịnị vịdị mẹ̀ akẹnẹ Okuha Ịjọdanị ọnịrị Ijipiti.

1Ipita 5:9

Jẹẹ geri-geri nịnị ịnị ẹdọwụ awụ nịnị, asị u si oze yi Echu nịnị. Tamayị ka avọọ ọdọwụ ana vọ avaba ẹhẹ ẹnị mẹ̀ raa rị ụya nị.

1 Ịsamụwẹrị 7:3

Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.