Imatiwu 3:8 - IWE ỌNỊNỊ

⁸ Mẹ ịsa ana vọrọ kẹ, ana vaa sị zụ ka we reè ro ịnẹ varẹma nịnị.

Imatiwu 3:8 Iomraidhean Croise

Ijeremaya 26:13

Ọ kà, aa nyị ka wa vara ẹhẹ ọnị waa ra nịnị ọnịrị ịsa ọnị waa mẹ nịnị, dị waa saasa ịrẹyị Ẹnẹyịmavara Ohomorihi awụ nịnị. Wàa vavọọ mẹ nịnị, ẹ́ yị kuku vee vu u nịnị ẹtẹ anka ọ mẹ kà a.

Ijeremaya 36:3

Ẹnẹyịmavara kà, ẹyịyara, ịjị avaba Anijuda ẹẹ wụ avaba ụya ọnị ọnị ka ọnị vaa sịị rị wa, ọzọza vaa vàa hụụnị ẹhẹ odivi ẹnịnị. Ịjọnọọ ọnị rẹ vaa vagu avaba ebira odivi ẹnịnị ọnịrị ịvị ẹnẹ ẹ rị yị wa.

Imatiwu 21:32

Ịjọọnụ ọhwọzenyi ộ vẹ ịdị awụ nịnị, ộ sị oze ana vọrọ zụ̀ wụ nịnị; ama ẹwụ nịnị ẹ yị dọ ọ wụ́. Ama aza edivi ọnịrị ọsẹrẹka nịnị ẹnị ệ dọ ọ wụ́. Ụ mẹ̀ daka yi re ọsọnị nịnị, we yi ro ịnẹ varẹma nịnị dị ụ wa dọ wụ́ nịnị.”

Iruuku 3:8

Mẹ ịsa ana vọrọ nịnị kẹ, ana vaa sị zụ̀ ka we reè ro ịnẹ varẹma nịnị! Asị u ne ro o, dị ụ waa kà a ịnị ayị awụ nịnị ka: ‘Ị yàaa nyị Abụrahamị ana vị ada ayị nị,’ Dị ma kà a yị wụ nịnị ka Ohomorihi ọ zụ sị ịrẹta vara ezi, dị ọ sị yị Abụrahamị.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Anẹhwẹsọsị 5:8

Ẹwụ nịnị ọ rẹ vịdị zị ụsẹ ịrahụ da, ama booro aanị wa va sị ngụ ini ẹtohweyi nịnị, agụvị ka ẹwụrị Ananyị yị ọ sị vị ọnya nịnị. Agụvị avọọ, waa mẹ̀ ebira aza na yà ini ẹtohweyi nịnị!

Anẹhwẹsọsị 5:9

Etohweyi ọọ̄ mẹ̀ ka aza ẹ̀ẹ mẹ̀ ebira ene zoza, dị ọ vọrọ, ọnịrị ịzẹyịza nị.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.