Imatiwu 3:7 - IWE ỌNỊNỊ

⁷ Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Imatiwu 3:7 Iomraidhean Croise

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ụhịrẹyị 28:4

Aza ẹnẹ ẹ yị saasa ọda Ẹnẹyịmavara vị anaa tụ́ aza ọhịmị ụka. Ama aza anaa saasa ọda anị vị ana va eyi ịrazị ka aza ọhịmị.

Ayịsaya 59:5

Ịrẹyị ẹnịnị divi anka ajẹ ẹwụ ana a hị́ ụ̀hị̀ avọọ nị. Wàa rị ọ vị ịrẹyị, ọ̀ọ chaka dị ọ chị ibe. Ebira ẹnịnị vị ana sị mẹ anka ịta arahị avọọ.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ijeremaya 6:10

Dị ọnị tụ́ ohi ka, ọnị ọ̀ọ kà ịrẹyị yị wa, è naa wụ? Ayị ẹnịnị ọọ katẹngụ, ẹnịnị ee yi ka ẹnị ẹ yị wụ ụtụ ọnị ụ tụ. Ịrẹyị awụ vị ọnị ọnị ọ̀ọ sị ka, dị eyee sịị nyinyi.

Imatiwu 12:24

Ịjị Anihwarisi nịnị sị wụ́, dị ẹ ka, “Ụkata Ịbẹẹrịzẹbụ, ọga ụhwẹ echu nịnị ọ́nọrụ ọnọnị aa sịị dụ ụhwẹ echuu jịnẹ nị.”

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Imatiwu 15:12

Dị ezirẹma anị kà vẹ, dị ẹ ka, “Wáá yẹ ka ịrẹyị ọnị ụ kà, ộ kụ́ Anihwarisi nịnị ayị, ẹ mẹ̀ wụ́?”

Imatiwu 16:1

Anihwarisi nịnị ẹnịrị Anisadusi nịnị ệ ká Ijeesu vẹ ka ẹnị ẹ̀ va zama a re. Dị ẹ ka ọ̀ sị ụkọrọ ohyozirenu hụụnị ihinẹba zụ̀ ẹnị nị.

Imatiwu 16:6

Dị Ijeesu kà a yị wa ka, “Sị eyi pe ẹngụ awụ nịnị agụvị òwù Anihwarisi ọnịrị Anisadusi nịnị.”

Imatiwu 22:15

Anihwarisi nịnị ệ hụụ ịzọọ, dị ẹ na gẹ eyi ka ẹ́nị mẹmẹ va mẹ ka Ijeesu ọ̀ kà ịrẹyị dị ẹnị ẹ̀ za a nị.

Imatiwu 22:23

Ịhị ọnọọ gẹdẹ-gẹdẹ Anisadusi ẹnyị ệ ká Ijeesu vẹ. Ẹnịnị ẹẹ̄ kà a ka oku ẹ yị vaa haa hụụnị isu nị.

Imatiwu 22:34

Ịjị Anihwarisi nịnị wụ́ ka Ijeesu ọ raà sị ịrẹyị za Anisadusi nịnị irenu kú oku, dị ẹnịnị na kụ́ gụ nị.

Imatiwu 23:33

Ẹwụ nịnị ẹwụ ana rẹ vị ezi ibe, wéé ro ka wa zụ jị ọkarẹyị ẹkụra nyee nịnị?

Imatiwu 5:20

Maa kà a wụ nịnị ka ẹ̀ yị vị ịzẹyịza awụ nịnị huna ọ́ọzwọzọda nịnị ọnịrị Áanihwarisi nịnị, wẹ yị va nyẹngụ ngụ ịzị Ada ayị ẹbẹẹba yà aa mẹ ịjọva nịnị.”

Ịmaakị 12:13

 tụ́ Anihwarisi nịnị ẹnyị ọnịrị aza Ịhẹrọdị nịnị nọ ịdị Ijeesu ka ẹ̀ na sị ịrẹyị za a.

Ịmaakị 12:18

Aza ẹnyị aanị ana aā hị́ Anisadusi nịnị, ệ ká Ijeesu vẹ. Ẹnịnị ẹẹ̄ kà a ka oku ẹ yị vaa haa hụụnị isu nị. Ệ họ̀ Ijeesu use ka:

Ịmaakị 8:15

Dị Ijeesu kà wa ọnọ ka, “Sị eyi pe ẹngụ awụ nịnị agụvị òwù Anihwarisi nịnị ọnịrị òwù Ịhẹrọdị, oo!”

Iruuku 16:14

Ánihwarisi nịnị mẹ̀ wụ́ ịrẹyị ọnọnị, dị ẹyaa sị Ijeesu mẹ̀ isiya nị, agụvị ka ẹnịnị ê sì ịrẹyị ẹkẹhị.

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

Iruuku 7:30

Ama Anihwarisi nịnị ọnịrị ọzwọzọda nịnị ẹ yị dọ ịsa oni Ohomorihi sì ka ọnị ọ̀ mẹ yị wa; ẹnịnị ẹ yị zẹẹ ka Ịjọọnụ ọ̀ mẹ̀ ọyịhwọzenyi yị ẹnị.”

Ịjọọnụ 1:24

Anihwarisi nịnị ẹ maanị tụ́ aza ne tù Ịjọọnụ nị.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Ịjọọnụ 9:40

Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?”

Odeyi 15:5

Ama dị aza ẹnyị ini ogu Anihwarisi nịnị ana va dọ wụ́ kwẹẹtẹ, dị ẹ ka, “Â nyị ka à jị wa ụvẹvẹnẹ, di è re hú wa ụvọ ka è sị eyi pe ọda Imosiisi!”

Odeyi 20:31

Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.

Odeyi 26:5

Ẹ̀ẹ ka ẹnị aa dọ ivenu, ệ yẹ ka hụrẹ ụmọrụmọ mị hụrẹ sị ụvọ za ahẹkẹ ayị ẹtẹẹtẹrẹ nị. Ogu Anihwarisi mị hyakụ vị nị.

Odeyi 5:17

Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị.

Aniroomi 1:18

Ohomorihi ọ raà sị zụ̀ hụrẹ ẹbẹẹba ọnị mẹmẹ vaa sị ọyịkụ-ọyịkụụ mẹ̀ ọkarẹyị yị aza agụvị ebira odivi ẹnẹ ẹyaa mẹẹ hi Ohomorihi ọnịrị aza. Ebira odivi ẹnẹ ẹyaa mẹ, ẹ yị zẹẹ ka aza ẹ̀ yẹ ịzẹyịza Ohomorihi.

Aniroomi 5:9

Agụvị anya oni o si che sẹ ẹtẹ o mè sú, Óhomorihi sị jị ịhị yị booro aanị nị. Yâ yẹ ka ọ hyakụ vaa dọ yịị háa hụụnị ọyịkụ anị ịnị ẹkụhị ọdịrẹma.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.