Imatiwu 3:2 - IWE ỌNỊNỊ

² Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 3:2 Iomraidhean Croise

1 Ohinọyị 8:47

Ẹnịnị e zụ ro ịnẹ ịnị ẹtẹ ana a za wa ọrịhị nọ, dị e hi ịzọọ dị ẹ vara ebira ẹnịnị, dị ẹ da ịpẹ wụ dị ẹ ka ẹnị ẹ si ebira odivi mẹ.

Ijoovu 39:12

Di ọ rẹ ka, Ijoovu ọ́ọ́ zụ sị eyi tụra ẹya ka ọ kụ ịsa ịnị aarẹ hụụ ịzị ee tụ́ ayị ve echi yị ọnị kẹ?

Ijoovu 42:6

Ịrẹyị ọnị ọnị vịdị ka ộ sị vara ụhị yị ọnị. Agụvị avọọ ọnị kụ́ atịtọ ọnịrị edudu ku ẹngụ aa pa ẹvagu aanị nị.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Imatiwu 10:7

Na kà a yị wa nịnị ka ụmẹ ana Ada ayị ẹbẹẹba aa sịị mẹ ịjọva ọ sị gụrị ẹtẹ.

Imatiwu 11:20

Dị Ijeesu nyima, dị aa tụ́ anẹkụra ịzị ọ yà zẹẹẹ̄ mẹ̀ ụkọrọ ohyozirenu ọrụrụ-ọrụrụ anị ohuvọ agụvị ka ẹnịnị e yi ro ịnẹ varẹma:

Imatiwu 12:41

Ịnị ẹkụhị ọkarẹyị, Anininivẹ vaa kwẹẹtẹ, dị ẹ jị ịvị yị anụmẹ ọnọnị; Íjona mẹ̀ kà ịrẹyị Ohomorihi yị aza ẹnẹẹ, ée ro ịnẹ varẹma hụụnị ebira odivi ẹnịnị. Di u we re ka ọza ene ve huna Ijona, ọ yà ịzẹnị aanị nị.

Imatiwu 13:11

Di o tụ́ wa ohi, dị ọ ka, “Ohomorihi ọ raà mẹ ka wa yẹ nịnị ịrẹyị ịjọva Ada ayị ẹbẹẹba oni iruvo anị nyịnẹ. Ama ọza ẹ yị zẹẹ ka ẹnị ẹ̀ yẹ.

Imatiwu 13:24

Ijeesu o re che ụhịrẹyị ọnya yị wa; ọ ka, “Oze ana Ada ayị ẹbẹẹba aa zịị mẹ ịjọva vị ana sị mẹẹ anka ọnọrụ ọnya aanị, ana sị ihu ozoza, dị ọ na tụ́ ọ tụ́ ịnị aarẹ nị.

Imatiwu 13:31

Ijeesu o re che ụhịrẹyị ọsa yị wa, ọ ka, “Ịjọva Ada ayị ẹbẹẹba vị ana sị mẹẹ anka ihu oweyi ọnya kiiki aanị ọnị ọza ịnya sị, di o ne chiree tụ́ ịnị aarẹ anị.

Imatiwu 13:33

Ijeesu o re che ụhịrẹyị ọsa yị wa, ọ ka, “Ịjọva Ada ayị ẹbẹẹba vị ana sị mẹẹ òwù avọọ. Ọnẹẹ ọnya ộ sị ọ, ô si hura ayị ọyịkwọ ịchacha ọnya, dị ọ kụkụ si oo wù gwẹtẹ nị.”

Imatiwu 13:47

“Oze ana Ada ayị ẹbẹẹba aa zị mẹ ịjọva vị ana rẹ sị mẹẹ anka ọha enee ne ngụ ini irehu, dị ọ za ivovo irenyi-irenyi avọọ.

Imatiwu 13:52

Dị Ijeesu rẹ kà a yị wa ka, “Avaba ọzwọzọda ana àa raà sị ịrẹyị ịjọva Ada ayị ẹbẹẹba zụ̀, vị ana sị mẹẹ anka adarehi ana nyẹngụ kụ́ ịsa ọwọọwa ọnịrị ọkụkụ hụụnị ụhwọ anị vẹ.”

Imatiwu 18:23

Oze ana Ada ayị ẹbẹẹba aa zịị mẹ ịjọva vị ana sị mẹẹ anka ịsị ohinọyị ọnya aanị mẹ. Ẹkụhị ọnya ohinọyị ọnọọ ee sì ka ọnị ọ̀ yẹ ẹkẹhị ọnị ọnị sị yị ezi ahụ anị.

Imatiwu 20:1

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka adarehi ọnya aanị, ana kwẹẹtẹ ẹnẹnẹ viri-viri ka ọnị ọ̀ na dọ anụkọrọ, dị ẹ̀ va mẹ̀ ụkọrọ yị ọnị ịnị ụbazị anị.

Imatiwu 22:2

“Oze ana Ada ayị ẹbẹẹba aa zịị mẹ ịjọva, vị ana sị mẹẹ anka ohinọyị ọnya aanị, ana aa nyị ọnẹẹ yị ozi anị, di ee tenyi ẹngụ eche anị.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Imatiwu 25:1

Dị Ijeesu rẹ ka, “Ịhị ọnọọ, oze ana Ada ayị ẹbẹẹba aa zịị mẹ ịjọva vị ana va sị mẹẹ anka ezwoorihi ẹẹwụ ana sị ozotupa ẹnịnị, dị ẹyaa nọ ụgẹrị ọza ana aa nyị ọnẹẹ avọọ.

Imatiwu 25:14

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka ọza ịnya aanị ana aa hụrẹ eehi. Ộ hị́ ezi ahụ anị, dị ọ kụ́ ogu chire wa ụvọ nị.

Imatiwu 4:17

Hụrẹ ụmẹ ọnọọ, dị Ijeesu nyima dị aa kà ịrẹyị Ohomorihi nị. Dị ọ ka, “Ro ịnẹ varẹma hụụnị ịvị awụ nịnị, agụvị ka ụmẹ ana Ada ayị ẹbẹẹba vaa sị mẹ ịjọva aa gụrị ẹtẹ.”

Imatiwu 4:23

Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.

Imatiwu 5:10

Aza ana àaa sị ụyaa rị agụvị ịrẹyị ịzẹyịza vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Imatiwu 5:3

“Aza ana yẹ ka ẹnị ẹ̀ yị yẹ Ohomorihi a mẹ̀ vọrọ, vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Imatiwu 6:10

ọyịrị ohinọyị awụ ọ̀ vẹ Dị à mẹ̀ ịsị u wee sì ịnị ẹhẹ ọnọnị, anka a maā mẹẹ ẹ́bẹẹba.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Ịmaakị 1:15

dị ọ ka, “Ụmẹ o si tù, ọ sị vọ chee, dị ịjọva Ohomorihi ọ̀ vẹ. Ro ịnẹ varẹma hụụnị ebira odivi awụ nịnị, dị ụ wa dọ enube ọyịza wụ́ nịnị!”

Ịmaakị 1:4

Ịjọọnụ ọhwọzenyi ọ vavẹ, ộ nọ ịnị ụnọmị, dị aa kà ịrẹyị Ohomorihi yị aza nị, dị ọ ka, “Ro ịnẹ varẹma hụụnị ebira odivi awụ nịnị, dị ma mẹ̀ ọyịhwọzenyi yị wụ nịnị, dị Ohomorihi ọ̀ vagu wu ịnị ịvị awụ nịnị!”

Ịmaakị 6:12

Dị ẹ jịnẹ na, dị ẹyaa kà ịrẹyị Ohomorihi ka aza è ro ịnẹ varẹma nị.

Iruuku 1:16

Ọ vaa kụ́ Anisirẹrị ọrụrụ-ọrụrụ vaavẹ ịdị Ananyị yị ana vị Ohomorihi ẹnịnị.

Iruuku 11:20

Ama àa vị ụkata Ohomorihi m maa sịị dụ ụhwẹ echuu jịnẹ nị, ọnọọ ộ sị zụ̀ ka ịjọva Ohomorihi ọ sị gụrị ẹwụ nịnị.

Iruuku 13:3

Jẹẹ ma kà a wụ nịnị ka ẹ yị vị avọọ. Ama ẹ̀ yị vị ụ ro ịnẹ varẹma nịnị, avọọ ẹwụ nịnị mè re vee vu ẹtẹ nị.

Iruuku 13:5

Jẹẹ ma kà a wụ ka ẹ yị vị avọọ. Ẹ̀ yị vị ụ ro ịnẹ varẹma nịnị, avọọ ẹwụ nịnị mè ree vu ẹtẹ nị.”

Iruuku 15:10

Dị ma rẹ kà a wụ nịnị ka avọọ gẹdẹ-gẹdẹ anggẹẹrị Ohomorihi màa jẹ ịrajẹ agụvị ọnịvị ọnya ene ro ịnẹ varẹma nị.”

Iruuku 15:7

Dị ma kà a wụ nịnị ka avọọ gẹdẹ-gẹdẹ ị́rajẹ ọyịjẹ mẹ̀ yà ẹbẹẹba agụvị ọnịvị ikonya ene ro ịnẹ varẹma hu aza ọ jị ọnya ha ịnị ẹchẹhị ana vị ọnịzẹyịza, ẹnẹ ẹ̀ yị nyị ka è ro ịnẹ varẹma nị.”

Iruuku 16:30

Dị ọnyẹkẹhị ọnọọ ka: ‘Eyiye de, Abụrahamị ada ayị, ọza ọ̀ọ hụụnị eku na kà ịrẹyị yị wa, e vee ro ịnẹẹ varẹma.’

Iruuku 21:31

Avọọ gẹdẹ-gẹdẹ wèe re ka ịsa ẹnẹẹ aa mẹ nịnị, yẹ nịnị ka ụmẹ oni Ohomorihi vaa sị mẹ ịjọva aa vaa vẹ.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Iruuku 6:20

Ijeesu ộ kụ̀rà eyi re ezirẹma anị, dị ọ kà a yị wa ka, “Ẹwụ nịnị onosiye ẹnẹnị vaa daa jẹ, agụvị ka ụ vaa ngụ ịzị Ohomorihi yà aa mẹ ịjọva nịnị.

Iruuku 9:2

Ộ tụ́ wa ka ẹ̀ naa kà enube ọyịza, Óhomorihi mẹmẹ aa mẹ ịjọva, dị ẹ̀ rẹẹ mẹ aza ụkụ.

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 17:30

Ụmẹ ana aza ẹ̀ yị sị yẹ ịsa ẹnẹnị, Ohomorihi ọ raà sị eyi jịnẹ ẹ. Ama booro aanị, ọ raà mẹ ọda ka avaba aza avaba aha è ro ịnẹ varẹma.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

2 Anịkọrịntị 7:10

Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị.

Anikorasi 1:13

Ohomorihi ộ dọ yị hụụnị ụkata ịrahụ, ọ raà sị yị va ngụ ịzị Ozi anị oni o sì ịrẹyị anị yà aa mẹ ịjọva.

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

Anihiburu 6:1

Agụvị avọọ, à vẹ yaa kà a tụ́ ọvịdị ịnị ịsa ana a vọrọ ka aza ana vịra ẹ̀ẹ kọ! Asị i re kuku ne nyima dị yaa zụ̀ wụ nịnị ịsa ịpaapa ini oze ịrẹyị Ikirisiti! Asị ị rẹ varẹma nyima dị yaa kà a ka we ro ịnẹ varẹma hụụnị ụkọrọ anaā wụ̀ ọza, dị ụ wa sị ayị tụra Ohomorihi nịnị!

2Ipita 3:9

Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.

Ẹtore 2:21

Ọnị ô sị oze yọ ka ò ro ịnẹ varẹma hụụnị ịrẹkọyịsẹ anị, ama ọ yị dọ ka oni ò ro ịnẹ varẹma.

Ẹtore 2:5

Tamayị ịzị ụ yà nyeeyi nịnị. Ro ịnẹ varẹma, dị ụ waa mẹ ịsị ụụ̄ vịdịị mẹ nịnị! We yi ro ịnẹ varẹma nịnị, m maa vẹ dị mị va sị aha ozotupa awụ nịnị hụrẹ aha anị nị.