Imatiwu 3:12 - IWE ỌNỊNỊ

¹² Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Imatiwu 3:12 Iomraidhean Croise

Ijoovu 21:18

Ohomorihi ẹ sị ahị kụ wa anka azịịzẹ, a vị anka opomi mẹẹ kụ edudu avọọ.

Ahẹ Ụgama 1:4

Ama ẹhẹ aza edivi ẹ yị vavọọ vee zoza! Ẹnị vị ana sị mẹẹ anka azịzẹ ana ahị ee hiraa zị avọọ.

Ahẹ Ụgama 35:5

Ẹnẹyịmavara, navọ dị anggẹẹrị awụ ọ̀ọ dụ wa di ee zwe anka azịzẹ ana ahị aa kụ́ avọọ.

Ayịsaya 1:31

Aza awụ nịnị ana nyị ụkata vị ana vaa sị mẹẹ anka avị ana sị wụ avọọ. Ogu ọnị ọ kụ́ gụ vị ana vaa sị mẹẹ anka ịra avọọ. Dị ẹnị ẹyịva rị ịra va ha, dị ẹ yị nyị ọza ene zụ mi ọ.

Ayịsaya 17:13

Ịzẹyịza aza ẹnẹẹ vi ene ee nowuu vẹ anka enyi mẹ̀ẹ dà avọọ, ama Ohomorihi mẹ̀ yị kara eyi hi wa kẹnẹ, e kú zwe varẹma. Ẹnịnị vi ene zwe anka azịzẹ ana ahị aa kụ́ iruvo ataba avọọ. Vị ẹ sị mẹẹ okoruwa mẹ̀ẹ kụ́ ẹchịchị avọọ nị.

Ayịsaya 27:4

Ayị ụbazị amị ọ yị kụkụ kụ́ mị ama mèe re ikeyi ịnị anị ana vọrọ ka ẹmịrịị ọ̀ kụ̀ ịrẹkụ, dị mị rị ikeyi ẹnẹẹ ịra va ha.

Ayịsaya 28:28

Ọza ọ mā sị arubebe chaka akụ anị và ha. Â nyị a mẹmẹẹ sị ọchịị tụ́ ini umaata dị a tangwa si tụ́ ọ, dị asị ọ chaka và ha. Òo si o tụ́, dị ọ va na kụ̀ ọ, dị ọ̀ sị mẹ ịbụrẹẹdị.

Ayịsaya 30:24

Imaaru ọnịrị ịkẹrịkẹtẹ awụ ọnị ụ sị mẹ̀ ụkọrọ ịnị aarẹ vị ana vaa rị avị ene zoza hu.

Ayịsaya 41:16

di o hira a hi ịnị ahị, dị ahị kụ ọ ne hu, di opomi gara a hi ozi. Ịjọnọọ ayị ẹnịnị vee hine agụvị ka ọnị ọ vị Ohomorihi ẹnịnị nị. Ẹnịnị vaa ga ọnị, Ẹnẹyịmavara Ohomorihi ọnịnị Anisirẹrị.

Ayịsaya 5:24

Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.

Ayịsaya 66:24

Ẹnịnị maa jịnẹ tụ ẹhẹ, e vee re oku aza ana mẹ̀ akamawụ hi ọnị. Ikukurumi ana aa rị wa ẹ yị vee su, dị ịra ana aa rị wa ẹ yị vee mi. Oyn re wa vị ana vaa nyị aza ịhyẹrẹ.

Ijeremaya 15:7

Ọ kà ọnị ộ tụ ụ nịnị ahị anka azịzẹ avọọ ịnị avaba ẹkụra. Ọnị ô vu ẹwụ nịnị aza anị ẹtẹ, ọnị ộ wụ ezi ewu nịnị agụvị ka wẹ yị hụụnị ịsị edivi ọnị waa mẹ nịnị.

Ijeremaya 17:27

Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Ijeremaya 4:11

Ụmẹ aa vẹ ana a vaa kà a yị Anijerusarẹmị ka aa nyị ahị ịrịịra ana tụ́ hụụnị ụnọmị aa ka wáa vẹ. Ẹ yị vị ahị ana vaa kụ ẹchịchị kwooze kẹnẹ ọ́ vaa vị.

Ijeremaya 51:2

Ọnị vaa tụ́ anẹkụra ọsa ka è ve vu Ịbabịrọnị ẹtẹ anka ahị mẹẹ kụ ẹchịchị avọọ. Ịhị ẹkụhị ẹngụkata ẹnịnị oo tu, ẹ vaa kwẹẹtẹ tù waa zị oze ụvọnị-ụvọnị, dị ẹ tụ́ ọ ahwaahụ.

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ihoseya 13:3

Avọọ, ẹnịnị vị ene vee vú ẹtẹ anka ọyị mẹẹ̄ wụ́ eguhi ẹnẹnẹ, a vị ewuri avọọ nị. Ẹhẹ ẹnịnị sị mẹ anka azịzẹ ana ahị aa kụ́ para ịzị eē tụ́ ayị avọọ, ọ rẹ sị mẹ anka areyi ọnị ahị aa kụ́ avọọ nị.

Emọsị 9:9

Ọ kà ọnị vaa mẹ̀ ọda, dị ọnị ziizi Anisirẹrị nịnị beri avaba anẹkụra ana vọ anka aā mẹ sị ọbanyịsa banyị ịsa avọọ. Ẹ yị vaa nyị ọza ọyịza ikonya ene ve che ne ta.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Imatiwu 13:30

Navọ wa, è duduu hụ ne tù ụmẹ anaa sịị̄ mẹ̀ ẹ! Ụmẹ anaa sịị̄ mẹ̀ ẹ òo si tù, dị mị kà a yị aza ana aa mẹ̀ ẹ ka: ‘Vịdị hu ebe ẹnẹẹ nịnị, dị ụ wa sụ́ wa hi ẹtẹ, dị à kụ́ wa na và hi ịnị ịra! Dị ụ wa mẹ akụ amị nịnị, dụ wa kụ́ ọ hi ịnị ụhwọ!’ ”

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

Imatiwu 13:42

Dị ẹ kụ́ wa na và hi ịnị ịra ọbanyị. Dị ẹ yà ịzọọ, dị ẹyaa jị òrèrè, dị ẹ rẹ yaa rị anyị.

Imatiwu 13:43

Dị ọnịzẹyịza nịnị ẹnị aa zẹtẹ anka ọyị avọọ ịzị Ohomorihi Ada ẹnịnị yà aa mẹ ịjọva. Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Iruuku 3:16

Agụvị avọọ dị Ịjọọnụ kà a yị avaba ẹnịnị ka, “Ịzẹyịza, ẹmị aa sị enyi mẹ̀ ọyịhwọzenyi yị wụ nịnị, ama â nyị ọza ịnya ana vaa vẹ ị́rẹma amị, ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana a vọrọ ka ò nyima, dị ọ̀ ngwa adava hụụnị ahụ anị. Ọnị vị ana vaa sị Ụhwẹ Ọnịnị beri ịra hụ́ nịnị enyi

Iruuku 3:17

Aa vaa tụ́ azịzẹ ahịị hụụ nị akụ obooro, di asị a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịnị ụhwọ, ama dị ọ kụ́ azịzẹ hi ịnị ịra ene è yi mē mi pooro.”

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.