Imatiwu 3:11 - IWE ỌNỊNỊ

¹¹ Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Imatiwu 3:11 Iomraidhean Croise

Ayịsaya 4:4

Ananyị yị vaa nyịna avaba ebira odivi ana yà ịnị ẹhẹ anẹẹ Anịzayọnị. Ọkarẹyị ịrịịra ọnị ọ vaa mẹẹ yị wa ọ vavọọ vaa sị nyịna Anijerusarẹmị hụụnị ịvị aza ẹnẹ sị wụ nị.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Imatiwu 3:6

Ệ dọ irenu ebira odivi ẹnịnị, dị ọ́ mẹ̀ ọyịhwọzenyi yị wa ịnị Okuha Ịjọdanị nị.

Ịmaakị 1:4

Ịjọọnụ ọhwọzenyi ọ vavẹ, ộ nọ ịnị ụnọmị, dị aa kà ịrẹyị Ohomorihi yị aza nị, dị ọ ka, “Ro ịnẹ varẹma hụụnị ebira odivi awụ nịnị, dị ma mẹ̀ ọyịhwọzenyi yị wụ nịnị, dị Ohomorihi ọ̀ vagu wu ịnị ịvị awụ nịnị!”

Iruuku 1:17

Ụkata Erija ọnịrị ebira anị ọ vaa nyị nị. Ọnị ọ vaa dọ ọvịdị Ananyị yị nị. Ọ vaa mẹ ka ada ọnịrị ezi è ze. Dị ọ rẹ mẹ ka anakamawụ nịnị ẹ̀ varẹma va zị oze ọnịrẹyịzẹyịza. Dị ọ re tenyi aza ẹngụ tịtẹ yị Ananyị yị.”

Iruuku 3:16

Agụvị avọọ dị Ịjọọnụ kà a yị avaba ẹnịnị ka, “Ịzẹyịza, ẹmị aa sị enyi mẹ̀ ọyịhwọzenyi yị wụ nịnị, ama â nyị ọza ịnya ana vaa vẹ ị́rẹma amị, ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana a vọrọ ka ò nyima, dị ọ̀ ngwa adava hụụnị ahụ anị. Ọnị vị ana vaa sị Ụhwẹ Ọnịnị beri ịra hụ́ nịnị enyi

Iruuku 3:3

Dị Ịjọọnụ kwẹẹtẹ, dị aa ngụ avaba ẹkụra ene hi ụtọ Okuha Ịjọdanịị zị, dị aa kà ịrẹyị Ohomorihi nị. Dị ọ ka, “Ro ịnẹ varẹma hụụnị ebira ọhịmị awụ nịnị, dị a mẹ̀ ọyịhwọzenyi yị wụ nịnị, dị Ohomorihi ọ̀ vagu wu ịnị ịvị awụ nịnị!”

Ịjọọnụ 1:15

Ịjọọnụ ộ vịdị kà ịrẹyị anị yị aza. Aa nọọ ka, “Ọza ọnị mị vịdị aa kà ịrẹyị anị yị, ka aa vẹ ị́rẹma amị, ama ọnị o huna mị nị, agụvị ka o si kù ọnị ọnị hụrẹ yà ịzọọ, dị a va yẹ ka aa ma mị.”

Ịjọọnụ 1:30

Ọza ọnị mị vịdị aa kà ịrẹyị anị yị ka: ‘Â nyị ọza ana aa vẹ ị́rẹma amị; ama oni o huna mị nị, agụvị ka o si kù ọnị ọ hụrẹ yà ịzọọ dị a va yẹ ka aa ma mị.’

Odeyi 1:5

Ịyẹẹyẹ, enyi obooro Ị́jọọnụụ̄ sịị mẹ ọyịhwenyii yị aza nị. Ama yị ẹwụ nịnị, ọ̀ọ na aa mẹ ẹkụhị chee, Ohomorihi vaa sị Ụhwẹ Ọnịnị hụụ wụ nịnị enyi.”

Odeyi 19:4

Dị Ịpọọrụ ka, “Ịjọọnụ vị ana aa mẹ̀ ọyịhwọzenyi yị aza ene èe ro ịnẹ varẹma hụụnị ịvị ẹnịnị. Dị aa kà a yị Anisirẹrị ka ẹ̀ dọ ọza ana aa vẹ ịrẹma anị wụ́. Ọza ọnọọ ọ vị Ijeesu Ikirisiti nị.”

Odeyi 8:36

Ẹ màa na óze, e ve tù aha ọnya aanị, ịzị enyi yà. Di osuretu ọnọọ ka, “Enyi yọ, sị a vọrọ ka ọ̀ za mị ka asị a mẹ̀ ọyịhwọzenyi mị?”

Odeyi 8:38

Di osuretu ọnọọ ka ịkẹkẹ ọ̀ọ jẹẹ nị. Dị ẹnị ẹyịva chí ngụ ịnịnẹ enyi, Ihwiripi ọnịrị osuretu ọnọọ; di Ihwiripi mẹ̀ ọyịhwọzenyi yọ nị.

1 Anịkọrịntị 12:13

Yàa vị Aniju, yẹ̀ yị vị Aniju, yàa vị ọrịhị, yàa vị ozi; avaba ayị ọ sị vị ẹngụ ọnya, a mẹ̀ sị Ụhwẹ Ohomorihi mẹ̀ ọyịhwọzenyi yị. Ụhwẹ Ohomorihi ọnọọ ọnyọọnya ọ yà ịnị ayị avaba ayị nị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

Ịtayịtọsị 3:5

Ộ dọ yị há. Ẹ́ yị vị agụvị ka ẹyị ụvọta ọ́ọ mẹ̀ ịsa ana vọrọ, ọ sị dọ yị há, ama agụvị ayamva anị kẹnẹ yọ nị. Ộ vavọọ mẹ ịnị ka ộ nyịna yị, dị ọ vara yị ọza ọwọọwa nị. Ụhwẹ Ọnịnị anị ọ vavọọ sị vara yị aza ọwọọwa nị.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.