Imatiwu 3:10 - IWE ỌNỊNỊ

¹⁰ Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Imatiwu 3:10 Iomraidhean Croise

2 Ịsamụwẹrị 23:7

Wèe si ka wa kanyị aza ẹnẹẹ, enyusẹ ụ waa sị nị. Ẹ̀ yị, vị avọọ ahịka ọpa ụ sị nị; ịra a va sị rị wa nị, ịzị e hi ẹtẹ hi avọọ.

Ahẹ Ụgama 1:3

Ọza ana vavọọ aa mẹ̀ ebira ẹtẹẹrẹ, vị ọnị ẹngụ anị vee hunẹnẹ pooro. Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha, anaā tụ ẹtụtụ anị ịnị ụmẹ anị, avị anị ẹ yị maa wọ̀rọ̀. Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ vị ene ee zozaa yọ.

Ahẹ Ụgama 140:10

Navọ ịra ọ̀ gara kú wa. Navọ è ne wa ngụ ịnị ahata dị asị ẹ kụkụ zụ kwẹẹtẹ.

Ahẹ Ụgama 92:12

Aza ana aa mẹ̀ ebira ana vọrọ ịnị eyi Ohomorihi vị ẹnị ẹhẹ ẹnịnị vee zoza anka ọsọchị avọọ, dị ẹ yaa yara anka ọchị ọbanyị ene hi Ịrẹbanọnị.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ijeremaya 17:8

Ẹngụ ọza ọnọọ vị ene vee hunẹnẹ anka ọchị ene e chire tụ ụtọ okuha dị ọ hà ẹpa na ngụ ịnị enyi avọọ. Ô me hí angwa ka ẹtẹ ọngụra aaa vẹ, agụvị ka avị anị vanaa yịị vị ohwoohu. Ọ́ ma hụrị ayịnẹ ụmẹ ọnị ọyị ọọ jị, agụvị ka vị aa yịị tụ́ ẹtụtụ nị.

Ịdanịyẹrị 4:14

Anggẹẹrị ọnọọ ô nowu, dị ọ nọ̀ ọ ka, à má ọchị ọnọọ nyẹtẹ, di è che avaba avọ anị ha nị. Ọ kà à wọ̀rọ̀ avaba avị anị ọnịrị ẹtụtụ anị va ha. Dị à dụ uye nịnị hụrẹ ẹ iruvo, dị à rẹ dụ inomi nịnị hụụnị avọ anị.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Imatiwu 21:19

Ô re ọchị ọnya aanị anka ọchị ezu óze. Ộ nọ ịnị ọchị ọnọọ, ẹ yị nyị ịsị o re ị́rẹsụ anị, ẹ̀ yị vị avị kẹnẹ. Dị ọ kà a yọ ka, “Wa mā vana tụ́ ẹtụtụ pooro hụrẹ ọyaanị na.” Obooboro ọnọọ, dị ọchị ọnọọ wụ nị.

Imatiwu 7:19

Avaba ọchị ẹnẹ ẹ̀ yị tụ́ ẹtụtụ ozoza vị anaa vaa má, di e nee ngụ ịra.

Iruuku 23:31

Ẹ̀ẹ maanị mẹ hi ọchị ohwoohu, u mè ro ka ẹ vaa mẹ ọchị ọyịwụ nịnị?”

Iruuku 3:9

Booro aanị, a raà sị ịraga pe ọchị nịnị iruvo, agụvị avọọ avaba ọchị ẹnẹ ẹ̀ yị tụ́ ẹtụtụ ozoza, vị ana a vaa má, di ee ne e ngụ ịnị ịra.”

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Ịjọọnụ 15:6

Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 6:8

Ama àa vị ikeyi ọnịrị avị kẹnẹ-kẹnẹ e nyị hi ịnị anị nị, ẹ́ yị nyị ịsị aa sị ẹtẹ ọnọọ mẹ, Ohomorihi ọ́ọ hyakụ nyayịnẹ chì hi ọọ, dị a vana rị ọ ịra ọdịrẹma.