Imatiwu 27:6 - IWE ỌNỊNỊ

⁶ Dị ohirẹsụ ẹbanyị irehi Ohomorihi kụ́ ẹkẹhị ẹnẹẹ, dị ẹ ka, “Ẹkẹhị enee si sí ọza ana wụ̀ ọza ụta yị; ọda ayị ọ yị zẹẹ ka à sị tụ́ ini irehi Ohomorihi.”

Imatiwu 27:6 Iomraidhean Croise

Ayịsaya 61:8

Ẹnẹyịmavara kà a, oni o sì ịrẹyị ịzẹyịza, dị ọnị nyị ịhyẹrẹ àko ọnịrị ebira odivi. Ọnị vaa sị ịzẹyịza si aza anị ụta ụya ọnị ẹ rị Ọnị vee wo oto ẹnẹ ẹ yị nyị ẹhwị yị wa

Imatiwu 23:24

Ẹwụ nịnị ọzwọzoze ene gu eyi, ụụ̄ tọ̀ọ́ ẹchịchị eweyi-eweyi hụụnị enyi nịnị di u we ve hú ọọ, ama di u wee hú enyi ọnịrị ịnyaakụmị ọyịvụrụ!

Imatiwu 27:5

Dị ọ và ẹkẹhị ẹnẹẹ hi ẹtẹ ini irehi Ohomorihi, dị ọ na, di o ne zù obo yị ẹngụ anị nị.

Imatiwu 27:7

Dị ẹ gẹ eyi, dị ẹ sị ẹkẹhị ọnọọ na hị́ ẹtẹ ọnụnọkọ, ka èe ne azọgaa tụ́ ịzọọ nị.

Ịmaakị 7:11

Ama ẹwụ nịnị ka: Ọza ọ̀ọ kà a yị ada anị, àa vị ọnyị anị ka: ‘Ikobani yọ nị’, ọnọọ vị ka ịsa ana vọrọ ka ma yaanị sị mẹ ọgụvọ wụ, maa sị naa yị Ohomorihi;

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.

Iwe Ọhụhị Imosiisi ana aa hị́ Ọyịvatụrọda 23:18

Ọza ọ̀ọ na sẹ̀ ịrẹka, ọ̀ọ vị ọnẹẹ, ọ̀ọ vị ọnọrụ, dị ọ dọ ẹkẹhị ịnị anị nị, a sị ụ sị ẹngụ ẹkẹhị ọnọọ vẹ ini irehi Ẹnẹyịmavara Ohomorihi awụ. A sị ụ sị ve sí ụta ịsa ọnị ụ vịdị wo oto ka ụ vaa mẹ. Ẹnẹyịmavara ộ nyị ịhyẹrẹ ọsẹrẹka ini irehi Ohomorihi.