Imatiwu 27:51 - IWE ỌNỊNỊ

⁵¹ Dị achị ọratụpọ anaa sị che irehi Ohomorihi, há hi ẹẹva hụrẹ ẹbẹẹba na ngụ ụvẹtẹ waara nị. Dị ẹtẹ henyi, dị ịrẹta nịnị há hi ẹẹva nị.

Imatiwu 27:51 Iomraidhean Croise

2 Ịtọpa 3:14

Isoromọnị ộ mẹ̀ achị ọnị uvuru ọnịrị ọdọzeeyirị ne beri ovivi, vaka achị ọhẹhẹ jị oze. Achị ẹnẹẹ vị ana a va uhwoto icherubi nịnị tụ́.

Ahẹ Ụgama 18:15

Ẹnẹyịmavara, ịjị ụ kụ́ ayị dị ụ kara eyi hi ọnịvị awụ òkū vị ana maanị tịnọ yaara dị aza ee re iruvo enyi Ẹtẹ vi ana ha hi, dị aza ee re iruvo ẹtẹ nị.

Ahẹ Ụgama 18:7

Ịjị Ẹnẹyịmavara nyima aa kụ́ ayị, ẹtẹ vi ene ee henyi jigi-jigi dị ataba nịnị ee zizi di e yee hu iruvo nị.

Ọyịkụra 40:21

Dị ọ sị apoti ọnọọ va tụ́ ịnị ajẹngụ, dị ọ sị ịta dị ọ sị jị ọ nị. Avọọ Ẹnẹyịmavara mẹ̀ kà a ka ọ̀ mẹ̀ ẹ nị.

Ayịsaya 25:7

Ịrẹsụ ataba ịzọọ Óhomorihi vaa yà dị ọ kụ́ ayodu kwooze yị avaba aza nị.

Ireevi 16:2

Ọ̀ kà a yị ọyịnyara anị Eerọnị ka, à sị ọ sị avaba ụmẹ ngụ aha ọnịnị ịzị a sị ịta jị, agụvị ka ịzọọ ọnị yaā sị ẹngụụ zụ̀ ịnị eguhi, akẹbẹẹba oku apoti oto nị. Ẹ̀ yị saasa ịrẹyị ọnọnị vị ọnị aa wụ̀ ọ nị.

Ireevi 21:23

Asị ọ ka gụrị ịta ana a sị jị oze a vị ka ọ gụrị ụta ịsọvọ. Asị o du ịsa ọnịnị ẹnẹnị ẹngụ agụvị ka Ẹnẹyịmavara ộ raà mẹ wa ọnịnị.

Ihabaku 3:10

Ataba nịnị e re Ẹnẹyịmavara, di ee ziizi, dị eguhi aa zụ́ orihi hị́ ẹtẹ. Dị ẹnyị ịnị oku aa da gụgụrụgụ.

Ihabaku 3:13

Ẹnẹyịmavara ộ jịnẹ na dọ aza anị ọnịrị ọza ọnị ọ nyị ha. Ộ wụ̀ ọdọvịdị anẹkụra odivi, di o vu aza ene hi ịzọọ ẹtẹ nị.

Ịrịka 4:5

Àaa nyị ka ẹyaa kwẹẹtẹ hụrị aha ọnyị ngụ ọsa, Eerọnị ọnịrị ezi anị ẹ vịdị va ngụ ịnị ajẹngụ na tụ achị ịnị akakana ne ku apoti oto da nị.

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Imatiwu 28:2

Re, dị ẹtẹ henyi jigi-jigi nị. Anggẹẹrị Ananyị yị ọnya ô chí hụrẹ ẹbẹẹba vẹ, di o ve zina ịrẹta ene gù ụsị ọnọọ irenu kwooze, dị ọ yaayịtẹ tụ́ ịrẹsụ anị nị.

Ịmaakị 15:38

Dị achị ọratụpọ anaa sị che irehi Ohomorihi, há hi ẹẹva hụrẹ ẹbẹẹba na ngụ ụvẹtẹ waara nị.

Iruuku 23:45

Ọyị o si hozi, dị achị ọratụpọ ana a sị che irehi Ohomorihi, há hi ẹẹva nị.

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Anihiburu 6:19

Ịsa ọnị ị sị eyi tụra, ọ za ayị ayị jẹẹ geri-geri nị. Agụvị avọọ, ọyịtureyi ayị ọ́ọ para ịzị a sị ịsa jị hu na huuu na ngụ aha ọnịnị keekere.

Anihiburu 9:3

Ịnịnẹ anị, â nyị aku ana a sị ịta ọsa ana ratụpọ jị oze anị. Ịzọọ aā hị́ Aha Ọnịnị keekere nị.

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.

Ẹtore 11:19

 na irehi Ohomorihi ana yà ẹbẹẹba. Ini irehi ọnọọ, ê re apoti ana aā hị́ apoti oto. Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa sụ́ wara-wara nị. Ẹtẹ ee henyi jigi-jigi, dị ata ihinẹba aa sụ̀ nị.