Imatiwu 27:2 - IWE ỌNỊNỊ

² Ệ sụ́ Ijeesu orupa, dị ẹ và a tụ́ ọvịdị, dị ẹ sị ọọ na yị Ipayireti ana vị ịgọvọnọ ịzọọ nị.

Imatiwu 27:2 Iomraidhean Croise

Oyinyima 22:9

Ịjị e tù ịzị Ohomorihi kà yị Abụrahamị, dị Abụrahamị mẹ aha ụta ịsọvọ ọnya tụ́ ịzọọ nị. Dị ọ tụ́ ọkụ ọnọọ hi ọ, dị ọ sị Ayiziiki ozi anị dị ọ sụ́ ọ dị ọ sị ọ tụra ụta ọnọọ nị.

Imatiwu 20:19

dị ẹ sị mị chire anarịmadọwụ nịnị ụvọ. Aza ẹnẹẹ vaa sị mịị mẹ̀ isiya, dị ẹ jị atẹ kú mi, dị ẹ rẹ kanyị mị za ọchị apavahị. Ama ịhyẹgwẹta anị, mị vaa haa hụụnị isu.”

Imatiwu 28:14

Ịgọvọnọ ọ̀ọ wụ́ ọọ, i vee pe e kà ịrẹyị, dị ụ wẹ yị nyị ịrẹyị nịnị!”

Iruuku 13:1

Ịnị ụmẹ ọnọọ, â nyị aza ẹnyị ana yà ịzọọ. Dị ẹ kà a yị Ijeesu, Ípayireti mẹmẹ wụ̀ Anigariri ẹnyị, ẹ màa mẹ ịsọvọ hi Ohomorihi nị.

Iruuku 20:20

Dị ẹnịnị kuku ee be e nị. Dị ẹ tụ́ aza ana aa mẹ apẹ ka ẹnị ệ nyị ịzẹyịza ka è ne be Ijeesu ịnị ịrẹyị ana aa kà nị, agụvị dị ẹnị ẹ̀ zụ za a, dị ẹnị ẹ̀ sị ọọ ne chire ọda ịgọvọnọ ụvọ. Ịgọvọnọ ọnọọ vị Aniroomi; ộ nyị ọda ọnịrị ụkata.

Iruuku 23:1

Dị avaba ọkọnị aza ẹnẹẹ kwẹẹtẹ, dị ẹ sị Ijeesu nọ ịdị Ipayireti nị.

Iruuku 23:12

Ịhị ọnọọ dị Ipayireti ọnịrị Ịhẹrọdị sị vara ọta nị; agụvị ka ọnịvị ẹngụ ẹ vịdị vị nị.

Iruuku 3:1

Ọ sị gụ ịrayị ẹwụrẹhị oni Itiberịyọsị sị rị ohinọyị Iroomi. Ịpọntụsị Ipayireti ọ vị ịgọvọnọ tụ́ Ijudiya nị. Dị Ịhẹrọdị ọnị vị ọnọba tụ́ Igariri nị, di Ihwiripi ẹnẹbẹnị anị ọnị rẹ vị ọnọba tụ́ Ituriya ọnịrị Itirakoniti nị. Dị Irisaniyasi ọnị rẹ vị ọnọba tụ́ Abirene nị.

Ịjọọnụ 18:12

Di isoja nịnị ẹnẹẹ beri ọga ẹnịnị ọnịrị iporisi Aniju nịnị za Ijeesu, dị ẹ sụ́ ọọ nị.

Ịjọọnụ 18:24

Di Ihanasi rẹ sị Ijeesu, a mẹ̀ yị sụ́ ọọ, dị ọ ka à sị ọọ na yị Ikayahwasi ana vị ohirẹsụ ọbanyị irehi Ohomorihi nị.

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.

Odeyi 12:6

Ịnị ịrahụ ịhị ọnị Ịhẹrọdị ro ka ọnị aa sị Ipita nee tù aza aanị, dị Ipita ọnị aa sụ̀ ara ịnị akakana isoja ẹẹva nịnị nị. Dị a sị ẹba ẹẹva sụ́ ọọ, di oserẹtẹ nịnị jẹẹ oze, di eyee sere ẹngwa nị.

Odeyi 21:33

Dị ọga ọbanyị ọnọọ wụsẹ na za Ịpọọrụ, dị ọ ka à sị ẹba ẹẹva sụ́ ọọ nị Di o ve họ̀ use ka, “Ẹnẹ ọza ọnọnị vị? Sị ọ mẹ?”

Odeyi 22:25

Ẹ mẹ̀ sị Ịpọọrụ sụ́ orupa ka eni è ve tụ́ ọọ, dị Ịpọọrụ kà a yị ọga isoja nịnị ẹchẹhị ana jẹẹ ịzọọ, dị ọ ka, “Áá vọrọ ka è tụ́ Aniroomi ịjapa, ịrẹma ọnị ọza ọọ̀yị hyakụ sì iruvo ịrẹyị anị?”

Odeyi 22:29

Dị ẹnị anaa ka ẹ̀ na họ̀ ọ use ịrẹyị, wụsẹ sị varẹma nị. Dị angwa kuku ee hí ọga ọbanyị ọnọọ nị, agụvị ka ọ sị yẹ ka Ịpọọrụ vị Aniroomi, dị ọnị na sụ́ ọọ orupa nị.

Odeyi 24:27

Ị́rayị ẹẹva mẹ̀ sị mẹ para hu, dị Ịpọkịyọsị Ịhwẹsịtọsị dọ Ịhwẹrịsị ịrẹsụ nị. Ịhwẹrịsị ô sì ka ọnị ọ̀ mẹ ịsị Aniju nịnị sì, agụvị avọọ dị ọ navọ Ịpọọrụ tụ́ ịnị ẹngwa nị.

Odeyi 28:20

Ọ kà agụvị avọọ ọnị hị́ wa, ka ọnị o re wa, dị ọnịrị wa è dudu kà ịrẹyị nị. Ịrẹyị ọza ana Anisirẹrị aa tụra eyi, ọ mẹ ka à kụ́ ẹba tụ́ ọnị aanị nị.”

Odeyi 3:13

Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Odeyi 9:2

ka ọ̀ sị iwe yị ọnị, dị ọnị ọ̀ sị na yị irehi ahẹkẹ Aniju nịnị ene hi Ịdamasịkọsị nị. Ọ kà oni òo re ọza ana aa saasa oze Ikirisiti ịzọọ, dị ọnị ọ tụ́ wa orupa vẹ Ijerusarẹmị, ẹ̀ẹ vị ọnọrụ, ẹ̀ẹ daka vị anẹẹ.

1 Itimoti 6:13

Ọ́vịdị Ohomorihi anaā sịị Ụhwẹẹ yị avaba ịsa, ọnịrị Ijeesu Ikirisiti ana jẹẹ ọvịdị Ịpọntụsị Ipayireti, dị ọ sị sị ọtụtụrụma kà ịrẹyị, m mee hú wu ụvọ aanị nị.

2 Itimoti 2:9

Agụvị enube ọyịza ọnọọ, m maa sịị rị ụya aanị, dị a hyakụ sị ẹba tụ́ mị anka ọza ana na mẹ̀ ịsa odivi avọọ nị. Ama mâ yẹ ka ọza ọyị zụ sị ẹba tụ́ ịrẹyị Ohomorihi.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Ọdọvịdị 15:12

Ịjọnọọ dị Anijuda, aza Ịsamịsịnị kà a yị ọ ka vị ẹnị vẹ ka ẹnị ẹ va tụ ọ obo dị ẹnị ẹ sị ọ ne chire Anihwirisiti nịnị ụvọ. Dị Ịsamịsịnị ka yị wa ka ẹ hị́ eku yị ọnị ka ẹ yị vị ẹnị ụvọta e si ka ẹnị ẹ va wụ ọnị.