Imatiwu 27:1 - IWE ỌNỊNỊ

¹ Ịnị ẹnẹnẹ viri-viri, avaba ohirẹsụ ẹbanyị irehi Ohomorihi beri ọdọvịdị Aniju nịnị ê gẹ eyi Ijeesu ka à wụ ọọ.

Imatiwu 27:1 Iomraidhean Croise

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ahẹ Ụgama 31:13

Maa wụ́ aza ọrụrụ-ọrụrụ mèe cheechee kú mị dị ẹnịnị ee chire mi angwa eyi ụvọnị-ụvọnị ẹ yaa gẹ eyi amị ka ẹnị ẹ̀ dọ mị ụhwẹ.

Ahẹ Ụgama 71:10

Wâ yẹ ka ọnịvị amị ene ee sì ka ọnị ẹ̀ wụ̀ mị vị ana aa gẹ eyi amị.

Imika 2:1

Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Ịmaakị 15:1

Ịnị ẹnẹnẹ viri-viri, ohirẹsụ ẹbanyị irehi Ohomorihi beri ọdọvịdị nịnị ẹnịrị ọzwọzọda nịnị ne beri avaba ọmọkarẹyị nịnị ê gẹ eyi, dị ẹ sụ́ Ijeesu orupa, dị ẹ vàa tụ́ ọvịdị, dị ẹ sị ọọ ne chire Ipayireti ụvọ nị.

Iruuku 13:1

Ịnị ụmẹ ọnọọ, â nyị aza ẹnyị ana yà ịzọọ. Dị ẹ kà a yị Ijeesu, Ípayireti mẹmẹ wụ̀ Anigariri ẹnyị, ẹ màa mẹ ịsọvọ hi Ohomorihi nị.

Iruuku 22:66

Éyi mẹ̀ yị sị nị kẹnẹ, dị ọdọvịdị aza ẹnẹẹ ọnịrị ohirẹsụ ẹbanyị irehi Ohomorihi ne beri ọzwọzọda nịnị kụ́ gụ nị, dị ẹ sị Ijeesu nọ ini ikootu ẹnịnị nị. Dị ẹ ka:

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.

Odeyi 5:21

Ẹ mẹ̀ vavọọ wụ́, ẹnẹnẹ viri-viri dị ẹ na ngụ ini irehi Ohomorihi, dị ẹyaa zụ̀ aza ịsa nị. Ohirẹsụ ọbanyị irehi Ohomorihi beri aza ana yà beri ọ, ệ vẹ, dị ẹ hị́ avaba anikootu gụ ọnịrị avaba ọdọvịdị Anisirẹrị nịnị nị. Dị ẹ tụ́ ka à na kụ́ wa hụụnị otumare vẹ nị.

Ọdọvịdị 16:2

Anigaza nịnị mẹ wụ́ ka Ịsamịsịnị ya ịdị ọsẹrẹka ọnọọ, dị ẹnịnị wara ẹngụ na tẹ̀ ee zi ọ ịrahụ ọyịvụrụ oze ọbanyị ana ngụ ẹkụra ọnọọ nị. Dị ẹ ka ẹnị ee be e na ngụ umeyọnị, ẹnị ẹ̀ẹ za a dị ẹnị ẹ wụ̀ ọ.

1 Ịsamụwẹrị 19:11

Dị Ịsọọrụ tụ́ aza nọ ịnị eehi ịda Idevidi ka è ne bè e, dị ẹ̀ wụ ọ ẹnẹnẹ nị Dị Imikari ana vi ose Idevidi va hị́ ọ dị ọ ka ò yi zwe ịrahụ ajịnị, òo nee tù ẹnẹnẹ ụhwọọ, a sị ọ wụ.