Imatiwu 26:70 - IWE ỌNỊNỊ

⁷⁰ Dị Ipita aa kụ́ éyi avaba ẹnịnị nị, dị ọ ka, “Mẹ yị yẹ ịsụ waa kà aanị.”

Imatiwu 26:70 Iomraidhean Croise

Ụhịrẹyị 28:26

Ọnụra kẹnẹ o ro ka ọnị ọ hụ ẹngụ anị nị, ama ọza ana mẹ̀ ịrẹyọyẹ ọ vaa ha nị.

Ụhịrẹyị 29:23

Ọza anaā sịị ẹngụ anị tụ ẹba vị ọnị ụhị nyị. Ama ọza ana ka ẹngụ anị chi vị ọnị a vaa sị ụbanyị yị.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ayịsaya 57:11

Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị?

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Imatiwu 26:51

Dị ọza ọnya ana jẹẹ pe Ijeesu tụ̀ ụhwọ anị, dị ọ sị jị ozi ahụ ohirẹsụ ọbanyị irehi Ohomorihi ụtọ nị.

Imatiwu 26:56

Avaba ẹsẹnị aa mẹ, agụvị ịsị ọnịsẹ nịnị chẹrẹ tụ́ ini Iwe Ohomorihi ọ̀ zụ sẹ.” Dị avaba ezirẹma na a vọ tịtẹ, di e si zwe nị.

Imatiwu 26:58

Ipita ộ saasa Ijeesu ẹ́nẹẹnẹ huuu na ngụ ohweje irehi ohirẹsụ ọbanyị irehi Ohomorihi, dị ọ na yaayịtẹ pe ozi ahụ nịnị ka oni ò re avaba ịsị ẹ vaa mẹ nị.

Imatiwu 26:69

Ípita ọnị mẹ̀ yà ini ohweje, di ozi ahụ ọnẹẹ ọnya ká a vẹ, dị ọ ka, “Aa! Ẹwụ vị ana rẹẹ̄ dụ Ijeesu Anigariri ọnọọ zị bẹẹ!”

Imatiwu 26:71

Di o si hu aa nọ enoze nị. Ozi ahụ ọnẹẹ ọsa ô re Ipita, dị aa kà a yị aza ana jẹẹ ịzọọ ka, “Ọnọrụ ọnọnịị̄ dụ Ijeesu Anịnazarẹtị ọnọọ zị.”

Iruuku 22:57

Dị Ipita ka ireche yọ nị. Ọ kà, “Ọnẹẹ ọnọnị, mẹ yị hyakụ yẹ ọza ọnị ụ waa kà aanị.”

Aniroomi 11:20

Ịzẹyịza yọ. Ẹnịnị ẹ yị sị ayị tụra Ohomorihi, agụvị avọọ Ohomorihi dà wa kwooze nị. Ộ sị ẹwụ nịnị va tụ́ udi ẹnịnị, agụvị ka ẹwụ nịnị ộ sị ayị tụra Ohomorihi. Asị ụ na sị ọnọọ mẹ eyi zịịzị nịnị, ama â vọrọ ka wa nyị angwahi nịnị!

1 Anịkọrịntị 10:12

Agụvị avọọ, ọza ana àa ka ọnị ộ ta jẹẹ, â nyị ka ò sị eyi pe ẹngụ anị, ka ọ va hyẹdụ.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”