Imatiwu 26:53 - IWE ỌNỊNỊ

⁵³ Wéé ro ka mẹ yị nyẹngụ kà a yị Ada amị, dị ọ kụ́ ọkọnị anggẹẹrị nịnị va mị booro aanị?

Imatiwu 26:53 Iomraidhean Croise

2 Ohinọyị 6:17

Erisa ộ mẹ̀ aduwa ka: Ẹwụ Ẹnẹyịmavara, navọ wa ha ozi ahụ amị eyi, di ò re ịsị ẹ̀ yị vịdị re de. Ịzẹyịza Ẹnẹyịmavara ộ ha eyi ozi ahụ Erisa, dị ọ kana eyi, di o re ka umaata ọnịrị ịkẹkẹ-ịrẹkụ ana sị mẹẹ anka ịra avọọ, ẹnịnị mẹ̀ gụ kara Erisa ịnị ataba nị.

Ịdanịyẹrị 7:10

Dị ịra â dà wụụrụ ọvịdị anị nị. Ọkọnị aza ee ku ẹtẹ kụ ọ, dị aza otomiroku ẹnị rẹ jẹẹ ọvịdị anị nị. Ịjị ọmọkarẹyị nịnị sị yaatụ, dị ẹ hụ̀ iwe ana a chẹrẹ ịsa ọnị ọzọza mẹ hi ịnị anị nị.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 4:11

Ịjọnọọ dị Echu kwooze yọ, dị anggẹẹrị nịnị vaa mẹ ozi ahụụ yị Ijeesu nị.

Ịmaakị 5:15

Ẹnịnị ê ve tù Ijeesu, di e re ọza ana vịdị nyị ọkọnị ụhwẹ echu aanị ka ộ yaayịtẹ hẹẹ ịzọọ, ộ sị ịta kú ẹngụ, ọ sị ịrẹyọyẹ nyị nị. Dị angwa ee hí avaba ẹnịnị nị.

Ịmaakị 5:9

Dị Ijeesu họ̀ ọ use ka, “Ị́rẹha awụ rị?” Dị ọ ka, “Ịrẹha amị ọ rị ‘Ọkọnị’ nị, agụvị ka yâ rụrụ.”

Iruuku 8:30

Dị Ijeesu họ̀ ọ ka, “Ị́rẹha awụ rị?” Dị ọ ka, “Ọkọnị”, agụvị ka ụhwẹ echu ọrụrụ o hi ịnị ẹngụ anị nị.

Ịjọọnụ 10:18

Ẹ yị vị ọza aa dọ mị ụhwẹ, ẹmị ụvọta ọ hụrẹ ẹ ụvọ nị. Mâ nyị ụkata ọyịnavọ ụhwẹ amị tịtẹ, ma rẹ nyị ụkata ọyị sị ọọ varẹma. Ọda ana Ada amị mẹ mị ọ vị ọnọọ nị.”

Ịjọọnụ 18:36

Dị Ijeesu tụ́ ohi, dị ọ ka, “Ịjọva ẹmị ọ yị vị ịjọva ẹhẹ ọnọnị. Àa yaanị vị ịjọva ẹhẹ ọnọnị ị́jọva ẹmị yaanị vị nị, ezi ahụ amị yaanị kụ̀ ịrẹkụ, dị Aniju nịnị ẹ yị yaanị zụ za mị. Ama ịjọva ẹmị ọ yị va vị ịjọva ẹhẹ ọnọnị.”

2 Anịtẹsaronika 1:7

Ama ọ vaa sị ụhwọtụụ yị beri ẹwụ nịnị ana aa rị ụya booro aanị, ịhị Ijeesu Ananyị yị ọ̀ọ sị ẹngụ zụ hụrị ẹbẹẹba vẹ beri anggẹẹrị anị nịnị ana nyị ụkata.

Ijudi 1:14

Enọkị ana vị ọnọhụhịmba ịnị ịrẹsụ Adamị ộ vịdị kà ịsẹ ịnị oze aza ẹnẹnị ka: Re, Ananyị yị vaa vẹ beri otomiroku anggẹẹrị ọnịnị anị,