Imatiwu 26:41 - IWE ỌNỊNỊ

⁴¹ Sị eyi pe ẹtẹ, dị ụ waa mẹ̀ aduwa, agụvị asị ụ ngụ ịnị ọyịzamare nịnị! Ịzẹyịza ayị awụ nịnị ee sì ka ọnị ọ̀ mẹ̀ ịsa ozoza, ama ọchẹngụ awụ nịnị vị ọkụmị.”

Imatiwu 26:41 Iomraidhean Croise

Ahẹ Ụgama 119:1

Aza ẹnẹ ẹ̀ yị mā mẹ akụvị dị ẹ yaa saasa ọda Ẹnẹyịmavara, ẹ̀ nyarị ịrẹsụ ọyịza.

Ahẹ Ụgama 119:115

Ẹwụ nịnị aza ana aa mẹ̀ ebira edivi è jesi hụrẹ mi eyi di me re oze saasa ọda oni Ohomorihi amị mẹ.

Ahẹ Ụgama 119:117

Navọ wa sị ụvọ za mị dị ma zụ há, ịjọnọọ mị va zụụ saasa ọda ọnị ụ mẹ nị.

Ahẹ Ụgama 119:32

Mẹ yị vaa sị ọda awụụ tụ́ aruvore, agụvị ka mâ yẹ ka ụ vaa mẹ ka maa yẹ ịrẹyịị hu avọọ.

Imatiwu 24:42

Agụvị avọọ wee zí nịnị, agụvị ka wẹ yị yẹ ụmẹ ana Ananyị yị aa sịị vẹ.

Imatiwu 25:13

Agụvị avọọ, wee zí nịnị, agụvị ka wẹ yị yẹ ụmẹ oni Ozi ọza onigirima vaa sị vẹ nịnị.”

Imatiwu 26:38

Dị ọ kà a yị wa ka, “Ayodu aa vaa wụ̀ mị. Jẹẹ ịzẹnị nịnị, di u we pe mi sị eyi pe ẹtẹ nịnị!”

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Ịmaakị 14:38

Sị eyi pe ẹtẹ, dị ụ waa mẹ̀ aduwa, agụvị asị ụ ngụ ịnị ọyịzamare nịnị. Ịzẹyịza, ayị awụ nịnị ee sì ka ọnị ọ̀ mẹ̀ ịsa ozoza, ama ọchẹngụ awụ nịnị vị ọkụmị.”

Iruuku 11:4

Navọ wa vagu yi ịnị ịvị ayị; agụvị ka ẹ yị rẹẹ̄ vagu ọza ana àa rị ịvị ayị. Asị ụ zẹẹ ka à zama yị re!’ ”

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Iruuku 22:40

E mè si tù ịzọọ, dị ọ kà a yị wa ka, “Waa mẹ̀ aduwa nịnị, agụvị asị ụ ngụ ịnị ọyịzamare nịnị!”

Iruuku 22:46

Dị Ijeesu kà a yị wa ka, “Sị ẹ vẹ dị ụ waa sụ ara nịnị? Kwẹẹtẹ, wa mẹ̀ aduwa nịnị ka ụ va ngụ ịnị ẹzamare nịnị!”

Iruuku 8:13

Aza ẹnẹnị vị ana rẹ yà anka ihu ana hụrẹ tụ́ ịrẹsụ ịda. Aza ẹnẹẹ mẹ̀ wụ́ ịrẹyị ọnọọ, ệ wụsẹ sị ịrajẹ dọ ọ. Ama agụvị ka ịrẹyị ọnọọ o yi re aha ha ẹpa ngụ ịnị ayị ẹnịnị, ệ dọ ọ tụ́ ịnị ayị chee; ịjị ẹzamare vẹ, dị ẹ và hụụnị anị nị.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

1 Anịkọrịntị 16:13

Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị!

1 Anịkọrịntị 9:27

Maa sị ẹngụ amịị dọ avaba ụya, maa sị ụvọọ za ẹngụ amị, agụvị asị ọ na sị vị ka ẹmị ana aa kà enube ọyịzaa yị ọza, áamị ọ̀ sị vị osusu.

Anigaratiya 5:24

Aza ana vị aza Ijeesu ẹ raà sị avaba ebira edivi ẹnẹẹ ẹnẹ ẹ vịdịị mẹ kwooze beri avaba ariro odivi ẹnịnị; ẹ raà kanyị ọọ za ọchị apavahị.

Anẹhwẹsọsị 6:18

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.