Imatiwu 26:26 - IWE ỌNỊNỊ

²⁶ Ẹ́nịnị màa rị ịsa, dị Ijeesu sị Ịbụrẹẹdị, dị ọ mẹ̀ aduwa tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Dọ dị ụ wa rị ọọ nịnị, ọsọnị ọ vị ẹngụ amị nị.”

Imatiwu 26:26 Iomraidhean Croise

Imatiwu 14:19

Dị ọ ka aza ẹnẹẹ ẹ̀ yaayịtẹ ịnị avị ohwoohu nị. Dị ọ sị Ịbụrẹẹdị ẹẹhị beri ivovo ẹẹva ẹnẹẹ, dị ọ sị eyi tụ́ ẹba, dị ọ kụ́ Ohomorihi avọ tụ́ ọọ nị. Dị ọ dà Ịbụrẹẹdị ẹnẹẹ yị ezirẹma anị, dị ezirẹma anị sị yị aza ẹnẹẹ nị.

Imatiwu 26:27

Dị ọ rẹ sị ako anaa sị ká eche tịtẹ nị; dị ọ kụ́ Ohomorihi avọ, dị ọ sị yị wa nị, dị ọ ka, “Avaba awụ nịnị ò hú ịnị anị!

Ịmaakị 6:41

Ịjị ẹ sị yaayịtẹ, dị Ijeesu sị Ịbụrẹẹdị ẹẹhị ọnịrị ivovo ẹẹva ẹnẹẹ nị. Ộ kụ̀rà eyi tụ́ ẹba re ihinẹba, dị ọ kụ́ Ohomorihi avọ nị. Ộ dà Ịbụrẹẹdị ọnọọ yị ezirẹma anị ka ẹnịnị ẹ̀ gà ẹ yị aza ẹnẹẹ. Dị ọ rẹ gà ivovo ẹẹva ẹnẹẹ yị avaba aza ẹnẹẹ bẹẹ nị.

Iruuku 22:17

Dị Ijeesu sị ako ana a sị ká eche tịtẹ, dị ọ kụ́ Ohomorihi avọ, dị ọ sị yị wa, dị ọ ka ẹ̀ gà a hú nị:

Iruuku 24:30

Dị Ijeesu yaayịtẹ pe wa ka ẹnị ẹ̀ rị ịsa nị. Dị ọ sị Ịbụrẹẹdị, dị ọ mẹ̀ aduwa tụ́ ọọ, dị ọ dà a, dị ọ sị yị wa nị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Odeyi 20:7

Ịnị ẹkụhị ịpaapa ọsẹ, ọdọwụ nịnị ệ kụ́ gụ ka ẹnị ẹ̀ rị ịsọyịrị Ananyị yị. Ịpọọrụ ee sì ka ọnị ọ̀ na eyinẹhẹ anị. Dị ọ kà ịrẹyị Ohomorihi yị aza ẹnẹẹ pooro ne tù agẹvịrahụ nị.

1 Anịkọrịntị 10:4

di e re hú enyi oni Ohomorihi sị yị wa ini oze ohyozirenu nị. Ẹnịnị ê hú enyi ana hụụnị ịrẹta ana aa dụ wa ịrẹma-ịrẹma. Ịrẹta ọnọọ ọ vị Ikirisiti nị.