Imatiwu 24:9 - IWE ỌNỊNỊ

⁹ Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Imatiwu 24:9 Iomraidhean Croise

Ụhịrẹyị 29:27

Aza ọyịza vị anaā nyị ịhyẹrẹ aza edivi, avọọ aza edivi ẹnị mẹ rẹẹ̀ nyị ịhyẹrẹ aza ọyịza nị.

Ịdanịyẹrị 11:33

Ẹnị ọdọvịdị ẹnịnị ana yẹ ịrẹyị vaa mẹ ka aza ọrụrụ-ọrụrụ ẹ̀ yẹ́ ịsị aa na. Ịnị ịrẹkụ ọnọọ aza ẹnyị ẹnịnị vị ana vaa wụ̀, dị a rị aza ẹnyị ịra. Ẹnyị vị ana vaa sị ụkata dọ ịsị ẹ nyị, dị a zá aza ẹnyị ẹnịnị hi ịnị ẹngwa.

Imatiwu 22:6

Dị ana vọ za ezi ahụ ẹnẹẹ, dị ẹ sị ụya rị wa, dị ẹ wụ̀ wa nị.

Imatiwu 23:34

Dị ma kà a wụ nịnị, mị vaa tụ́ ọnịsẹẹ hi wu nịnị ọnịrị ọyẹrẹyị nịnị beri ọzwọzịsa nịnị, ụ vaa wụ̀ aza ẹnyị ẹnịnị, ẹnyị vị ọnị ụ vaa kanyịị za ọchị apavahị nịnị, ẹnyị vị oni u vee tụ́ ịjapa ini irehi ahẹkẹ Aniju awụ nịnị, dị ụ waa dị waa hụrẹ aha ẹnyị naa ngụ aha ọsa.

Iruuku 11:49

Agụvị avọọ, ịnị ịrẹyọyẹ Ohomorihi, ộ kà a ka: ‘Mị vaa sị ọnịsẹ ọnịrị odeyi nịnị ị naa yị wa. Ẹ vaa wụ̀ aza ẹnyị ẹnịnị, dị ẹ sị ụya rị ana vọ!’

Iruuku 21:12

Dị ịsa ẹnẹnị ẹ̀ va mẹ, a vaa za wụ nịnị, dị aa sị ụyaa rị wụ nịnị. A vaa za wụ nịnịị nọ ini irehi Ohomorihi, dị ẹ kụ́ wụ nịnị hi ịnị ẹngwa. A rẹ vaa za wụ nịnịị nọ ịdị ohinọyị ọnịrị ọdọvịdị nịnị agụvị amị.

Ịjọọnụ 15:18

Dị Ijeesu rẹ ka, “Anẹhẹ àaa nyị ịhyẹrẹ awụ nịnị, tamayị ka ẹmị ẹ vịdị nyị ịhyẹrẹ anị nị.

Ịjọọnụ 15:21

Ẹ vaa mẹ avaba ịsa ẹnẹẹ hi wu nịnị, agụvị ka wâ vị áamị nịnị, ịjị ahịka ẹnịnị ẹ yị yẹ Ọza ana tụ́ mị vẹ ẹhẹ.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Odeyi 28:22

Ama ẹnị yaanị sì ka ya wụ́ ịsị Ịpọọrụ ro, agụvị ka ẹnị ẹ́ yẹ ka avaba aha aza yà aa kà ịrẹyị odivii hi ogu ọnọnị nị.”

Odeyi 7:59

E mèe yii tụ́ Isitivini ịrẹta, dị Isitivini aa mẹ̀ aduwa dị ọ ka, “Ijeesu Ananyị yị, dọ ụhwẹ amị!”

1Ipita 4:16

Ama ọza àaa rị ụya agụvị ka ọ́ọ vị ọdọwụ, asị ụhị nyị ọ. Ama ọ̀ọ sị ụgaa yị Ohomorihi, agụvị ka a vaa yẹ ka evere Ikirisiti ọ vị nị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.