Imatiwu 24:6 - IWE ỌNỊNỊ

⁶ Ụ vaa wụ́ ekuku ịrẹkụ nịnị ọnịrị ụha ịrẹkụ nịnị, ama asị ụ zẹẹ ka ayị awụ nịnị ọ̀ vazi! Ẹ yị zụ nyị ka ọ yị vavọọ yà, ama ẹzẹtẹ ẹhẹ ọọ̀ yị vẹ.

Imatiwu 24:6 Iomraidhean Croise

Ahẹ Ụgama 112:7

Ọnị vị ana sị ayị tụra Ẹnẹyịmavara. Ọ̀ọ daka wụ́ enube odivi, angwa o yi vee hi ọ.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 7:4

Ọ kà òo ne si tụ̀ ọ dị ọ̀ kà a yọ ka ò si eyi pè ẹtẹ dị ọ̀ vayị nẹtẹ. Kà a ka asị o hí angwa. Kà a ka asị ayị hụrẹ ẹ ịnẹ agụvị ịrẹyị Irezini ọnịrị Aramị ana vi Iremaraya ana aa kụ́ ayịị hi wu. Ẹnịnị vị ana sị mẹẹ ẹjịjị ịra ẹẹva ana aa tụ́ areyi avọọ.

Ijeremaya 47:6

Ẹwụ nịnị Anihwirisiti ka, kaaa! Ẹnẹyịmavara ọ̀ raa kụ́ ịrẹkụ tu wu nịnị. Ụ ka ịzị ọ vaa maanị tọ̀ wụ nịnị ụnava nee tu? Ịhị ụ vaa nyị ụhwọtụ nịnị da?

Ezikẹẹrị 21:28

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ọọ kà ịsẹ. Ọnị ọ̀ nọọ yị Anaamọnị nịnị anaa kụ Anisirẹrị nịnị ụhụ aanị, ịsị ọnị ọnị Ẹnẹyịmavara Ananyị ụkata hu aa kà. Ọ kà, ọnị ọ̀ kà a yị wa ka, asị ụhwọ tụ̀ a vaa wụ̀ aza. Asị ọ ne, dị a da ịsa sisi ọ ka ọọ za nyoonyo anka ịnyanya avọọ nị.

Imatiwu 2:3

Ịjị Ịhẹrọdị maanị wụ́, ayị anị ọ yị nẹtẹ, ayị avaba Anijerusarẹmị nịnị ẹ́ yị rẹ nẹtẹ bẹẹ.

Imatiwu 24:14

A vaa kà enube ọyịza ịjọva Ohomorihi ịnị avaba ẹhẹ, agụvị dị ọ̀ vị ivenu yị avaba anẹhẹ; ịjọnọọ ọgọnị, dị ẹzẹtẹ ẹhẹ vẹ.

Imatiwu 26:54

Màa vavọọ mẹ, Íwe Ohomorihi mẹmẹ kụkụ vaa sẹ ka ịsị ẹ vaa mẹ yị?”

Iruuku 21:19

Wàa jẹẹ geri-geri nịnị, ọnị ọ vaa mẹ ka wa zụ yara nịnị obooro nị.”

Iruuku 21:9

Ịjị ụ wàa wụ́ ekuku ịrẹkụ irenyi-irenyi nịnị, asị u hí angwa nịnị! Ẹ yị zụ nyị ka ọ yị vavọọ yà; ama ẹzẹtẹ ẹhẹ ọọ̀ yị vẹ.”

Iruuku 22:37

Dị ma kà a wụ nịnị ka â nyị ka ịrẹyị ọnọnị ana a vịdị chẹrẹ tịtẹ aanị, ọ̀ sẹ ị́rẹsụ amị. Ịrẹyị ọnọọ ka: “Â za a ịrịka beri aza ana jịnẹ ọda. Avaba ịsa ẹnẹnị e si nyima aa sẹ ị́rẹsụ amị.”

Ịjọọnụ 14:1

Ijeesu ộ kà a yị ezirẹma anị ka, “Asị ụ zẹẹ ka ayị awụ nịnị ò du! Sị ayị tụra Ohomorihi, dị ụ wa rẹ sị ayị tụra mị nịnị bẹẹ!

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

2 Anịtẹsaronika 2:2

asị ụ na zẹẹ ka ayị awụ nịnị ọ̀ wụsẹ vazi. Asị ụ rẹ zẹẹ ka angwa ò hí wu nịnị, agụvị ka aza aa kà a ka ẹkụhị Ananyị yị o si tu. Aza ẹnyị ẹ zụ kà a ka vị ẹnị vavọọ re ẹtẹ nị. Ọ zụ hwọọ a hị́ ka vị aza ẹnyị aa kà a ka Ohomorihi ọ vavọọ kà a yị ẹnị nị. Aza ẹnyị ẹ rẹ zụ kà a ka ẹyị hyakụ chẹrẹ ẹ tụ́ ini iwe vẹ nị.

Ẹtore 6:4

Dị umaata ovivi ọnya ọnị rẹ jịnẹ tụ́ ẹhẹ nị. Â sị ụkata yị ọza ana tụra a ka ọ̀ kụ́ ịrẹkụ hi ịnị ẹhẹ, dị aza ẹẹ wụ ẹngụ nị. Â sị ụhwọ ọnyaa yọ.