Imatiwu 24:30 - IWE ỌNỊNỊ

³⁰ Ịjọnọọ, dị a nyị apọtẹrẹwa ẹmị Ozi ọza onigirima ẹ́bẹẹba. Dị avaba anẹhẹ aa jị òrèrè, di e re ka ẹmị Ozi ọza onigirima aa vẹ ini eguhi ẹbẹẹba beri ụkata ọnịrị igirima.

Imatiwu 24:30 Iomraidhean Croise

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ịzakaraya 12:11

Ịnị ụmẹ ọnọọ ọyị zị ẹngụ ịnị Ijerusarẹmị vaa banyị huu ọyị zị ẹngụ yị Ihadadirimoni Imegido.

Imatiwu 24:3

Ijeesu ộ nọ ịrẹsụ Ataba Orivi, dị ọ na yaayịtẹ ịzọọ nị. Dị ezirẹma anị tangwa ká a vẹ dị ẹ ka, “Kà ẹ yị ụmẹ ọnị ịsa ẹnẹnị vaa sịị mẹ. Sị ẹ vị apọtẹrẹwa ana vaa sị zụ̀ ka waa vaa vaavẹ, ọnịrị ka ẹhẹ raa vaa ta?”

Imatiwu 24:37

Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị:

Imatiwu 24:39

Ama aza ana vọ ẹ yị yẹ ịsị aa vẹ pooro dị ọhaara enyi ọnọọ vẹ, dị ọ va kụ́ avaba ẹnịnị. Avọọ ọ mẹ̀ rẹ vaa yà, ịhị ẹmị Ozi ọza onigirima àaa vẹ nị.

Imatiwu 26:64

Dị Ijeesu ka, “Ẹmịị yọ nị. Dị maa kà a yị wụ nịnị ka hụrẹ ọyaanị na, u vee re ẹmị Ozi ọza onigirima ka mâ yaayịtẹ éyi ụvọrị Ohomorihi Ochẹtẹngụ. Mị vaa vẹ ini eguhi ẹ́bẹẹba.”

Ịmaakị 13:26

Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Ịmaakị 13:4

“Kà ẹ yị ụmẹ ọnị ịsa ẹnẹnị vaa sị mẹ. Sị ẹ vị apọtẹrẹwa ana vaa sị zụ̀ ka ịsa ẹnẹnị aa vaa mẹ?”

Iruuku 21:27

Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Iruuku 22:69

Ama hụrẹ ọyaanị na, ẹmị Ozi ọza onigirima vaa yaayịtẹ éyi ụvọrị Ohomorihi Ochẹtẹngụ.”

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

2 Anịtẹsaronika 1:7

Ama ọ vaa sị ụhwọtụụ yị beri ẹwụ nịnị ana aa rị ụya booro aanị, ịhị Ijeesu Ananyị yị ọ̀ọ sị ẹngụ zụ hụrị ẹbẹẹba vẹ beri anggẹẹrị anị nịnị ana nyị ụkata.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.

Ẹtore 12:1

 nyị apọtẹrẹwa ọbanyị ọnya ana jịnẹ tụ́ ẹhẹ ẹ́bẹẹba; apọtẹrẹwa ọnọọ yị:  nyị ọnẹẹ ọnya aanị ana sị ọyị mẹ ịta kú ẹngụ, dị ụhwẹ yà iruvo ahụ anị nị. Ô kú ọkẹkẹrẹkụ ọnya ana nyị ụzọmị ẹwụrẹva.