Imatiwu 24:3 - IWE ỌNỊNỊ

³ Ijeesu ộ nọ ịrẹsụ Ataba Orivi, dị ọ na yaayịtẹ ịzọọ nị. Dị ezirẹma anị tangwa ká a vẹ dị ẹ ka, “Kà ẹ yị ụmẹ ọnị ịsa ẹnẹnị vaa sịị mẹ. Sị ẹ vị apọtẹrẹwa ana vaa sị zụ̀ ka waa vaa vaavẹ, ọnịrị ka ẹhẹ raa vaa ta?”

Imatiwu 24:3 Iomraidhean Croise

Imatiwu 13:36

Ijeesu ka aza ẹnẹẹ ẹ̀ẹ na, dị ọnị ngụ ini eehi nị. Dị ezirẹma anị ka a vẹ, dị ẹ ka, “Kà iruvo ụhịrẹyị ebe enee chire tụ́ ịnị aarẹ zụ̀ yị.”

Imatiwu 13:49

Avọọ ọ mẹ̀ vaa yà ịnị ụmẹ ọdịrẹma ẹhẹ nị: Anggẹẹrị nịnị vaa jịnẹ naa kụ́ aza edivi hụụnị aza ọyịza,

Imatiwu 15:12

Dị ezirẹma anị kà vẹ, dị ẹ ka, “Wáá yẹ ka ịrẹyị ọnị ụ kà, ộ kụ́ Anihwarisi nịnị ayị, ẹ mẹ̀ wụ́?”

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 17:19

Ộ da kù chee, dị ezirẹma Ijeesu tangwa ve tù ọọ, dị ẹ ka, “Sị ẹ vẹ dị ẹyị ẹ̀ yị zụ dụ ụhwẹ ọnọọ jịnẹ?”

Imatiwu 21:1

E mèe vee tù Ijerusarẹmị, dị ẹ sị ngụ ẹkụra Ịbẹtị-Ihwegi, ọgụrị Ataba Orivi, Dị Ijeesu tụ́ ezirẹma anị ẹẹva,

Imatiwu 24:27

Ẹmị Ozi ọza onigirima vị ana vaa vaavẹ anka ị́nyanya mẹ̀ẹ̄ rị hụrị eyi ọnị ọyịị̄ zịị hụrẹ na ngụ ịzị ọọ̄ zịị naa ngụ ẹtẹ avọọ.

Imatiwu 24:30

Ịjọnọọ, dị a nyị apọtẹrẹwa ẹmị Ozi ọza onigirima ẹ́bẹẹba. Dị avaba anẹhẹ aa jị òrèrè, di e re ka ẹmị Ozi ọza onigirima aa vẹ ini eguhi ẹbẹẹba beri ụkata ọnịrị igirima.

Imatiwu 24:37

Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị:

Imatiwu 24:39

Ama aza ana vọ ẹ yị yẹ ịsị aa vẹ pooro dị ọhaara enyi ọnọọ vẹ, dị ọ va kụ́ avaba ẹnịnị. Avọọ ọ mẹ̀ rẹ vaa yà, ịhị ẹmị Ozi ọza onigirima àaa vẹ nị.

Imatiwu 24:43

Dị ụ wa yẹ nịnị ka adarehi ọ̀ọ yẹ ụmẹ oni oyi vaa sị vẹ, vị ọ yaanị ee sere ẹtẹ nị, dị ọ yị yaanị zẹẹ ka oyi ọ̀ chaka ọnị irehi.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Iruuku 21:7

Dị ẹnịnị họ̀ ọ ka, “Nda, ye re ụmẹ ọnị ịsa ẹnẹnị vaa sị mẹ? Sị ẹ vị apọtẹrẹwa ana vaa sị zụ̀ ka ịsa ẹnẹnị aa vaa mẹ?”

Odeyi 1:7

Dị Ijeesu kà a yị wa ka, “Ada amị ọ nyị ụkata ẹkụhị ọnịrị ụmẹ nị, ẹ yị nyị áawụ nịnị rị ka wa yẹ ụmẹ ọnọọ nịnị.

Anihiburu 9:26

Àyị vị avọọ, vị ọ yaanị aa rị ụya ụmẹ tụra ụmẹ, ẹ́hẹ mẹ̀ hụrẹ nyima nị. Ama ộ vẹ ịnị ẹhẹ ọnọnị ụpẹ ọnya gene-gene ịnị ụmẹ ẹnẹ ẹhẹ aa vaa ta aanị, ka ọnị ọ̀ sị ẹngụ anị mẹ̀ ịsọvọ, dị ọ̀ kụ́ ịvị aza kwooze.