Imatiwu 24:21 - IWE ỌNỊNỊ

²¹ Agụvị ka ịhị ọnọọ ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị. A mā rẹ vana vavọọ nyị ị́rẹma anị.

Imatiwu 24:21 Iomraidhean Croise

Ezikẹẹrị 5:9

Ka waa mẹ ịsị ana a nyị ọnị ịhyẹrẹ nịnị, ọnị vaa sị ụyaa rị ẹwụ nịnị Anijerusarẹmị ẹtẹẹtẹrẹ. Ọ kà ọnị é yị vịdị vavọọ sị ụya rị wụ nịnị da, ọnị ẹ́ yị ma vàna rẹ vavọọ sị ụya rị wụ nịnị.

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Ijowẹrị 1:2

Batọ ẹwụ nịnị azọkụ; Ẹwụ nịnị ene hi Ijuda ọzọza ọ sị ụtọ pe ẹtẹ. Áá maanị nyị ịrẹyị ana vịdị mẹ̀ da ịnị ụmẹ awụ nịnị, a vị ịnị ụmẹ ohiku awụ nịnị?

Ijowẹrị 2:2

Ịhị ọnọọ vee hozi ruma-ruma, dị eguhi oji piri-piri chaka ku ẹtẹ. Dị ọkọnị akụvarịva gara hi ịrẹsụ avaba ataba mọọmọọmọ. Ọza ẹ yị vịdị re ịnahọ̀yị ọnọnị da, dị ọza ẹ yị mẹ vene re irima anị paa ịnị ẹhẹ nị.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Imatiwu 24:20

Waa mẹ̀ aduwa nịnị ka asị ịrẹyị ẹnẹẹ mẹ ịnị ụmẹ ọgụ, asị ọ rẹ vị ụmẹ ẹkụhị ụhwọtụ!

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Ịmaakị 13:9

Sị eyi pe ẹngụ awụ nịnị! A vaa za wụ nịnị nọ ini ikootu, di e re tụ́ wu nịnị ini irehi ahẹkẹ Aniju nịnị. A rẹ vaa za wụ nịnị naa jẹẹ ọvịdị ohirẹsụ ọnịrị ohinọyị nịnị agụvị amị, agụvị dị ụ wa dọ ivenu amị yị wa nịnị.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

Ẹtore 16:18

Dị ịsa aa sụ́ ịrẹyị, dị apaana ihinẹba aa há dị ịnyanya aa rị vee-vee nị. Dị ẹtẹ henyi jigi-jigi nị. Ẹtẹ ọọ̀ yị vavọọ henyi da, aza mẹ̀ hụrẹ vẹ ẹhẹ. Vị ẹtẹ ọnọọ nyayịnẹ henyi ẹtẹẹtẹrẹ nị.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.