Imatiwu 23:7 - IWE ỌNỊNỊ

⁷ Eē sì ka àa kụ́ ẹnị ini ohu. E reē sì ka avaba aza ẹ̀ẹ hị́ ẹnị Ọga.

Imatiwu 23:7 Iomraidhean Croise

Imatiwu 11:16

Sị mi ve sii juwe aza ene hi ẹhẹ booro aanị kẹ? Vị ẹ sị mẹẹ anka ezi eweyi ana yaayịtẹ ini orere avọọ nị, dị eyee nowuu hị́ anda ẹnịnị,

Imatiwu 23:8

Asị ụ rẹ̀ kà a ka àa hị́ wụ nịnị ‘Ananyị yị’! Ọza ịnya kẹnẹ ọ nyị wụ nịnị nị. Avaba awụ nịnị vị ẹyịnyara.

Imatiwu 26:25

Dị Ijudasi ana vaa sị ọọ chire ọnịvị anị ụvọ ka, “Ọga, ẹmị wáá yọ?” Dị Ijeesu ka, “Ụ mẹ̀ yị kà a, avọọ yọ.”

Imatiwu 26:49

Dị Ijudasi vẹ, di o wuse ne tù Ijeesu, dị ọ kụ́ ọọ, dị ọ ka, “Ọga”, di o kú ọọ irenu nị.

Ịmaakị 10:51

Dị Ijeesu ka, “Si u wee sì ka ma mẹ yị wụ?” Di ogweyi ọnọọ ka, “Ọga amị, mị ka mee re ẹtẹ nọ.”

Ịmaakị 11:21

Ipita ộ tamayị ịrẹyị ọnọọ, dị ọ ka, “Ọga, re! Ọchị oni u chì hi avọọ, ọ sị wụ ọ!”

Ịmaakị 12:38

Íjeesu màa zụ̀ wa ịsa, dị ọ ka, “Sị eyi pe ẹngụ awụ nịnị ịnị ụvọ ọzwọzọda nịnị. Eē sì ka eni èe chire awuru ọgọdọọ zịịzị, dị aza ẹ̀ẹ kụ́ ẹnị ini ohu.

Ịmaakị 14:45

Ịjị Ijudasi vẹ, dị ọ wụsẹ ne tù Ijeesu, dị ọ ka: Nda, di o kú ọọ irenu nị.

Ịmaakị 9:5

Dị Ipita kà a yị Ijeesu ka, “Nda, ộ da zoza ka yâ yà ịzẹnị. Jẹẹ ya jị ajẹngụ ẹẹta tụ́ ịzẹnị: ọnyara ọ̀ọ vị áawụ, dị ọnya vị Ímosiisi, dị ọsa vị Éerija.”

Iruuku 11:43

Ẹwụ nịnị Anihwarisi ẹ sị dà. Uū sì ka wa yaayịtẹ aha ene hu keekere ini irehi Ohomorihi; u reē sì ka aza ẹ̀ẹ kụ́ wụ nịnị ini orere.

Ịjọọnụ 1:38

Dị Ijeesu kana eyi, di o re ka ẹyaa dụ ọnịị vẹ nị. Ộ họ̀ wa ka, “Si u wee sì nịnị?” Dị ẹnịnị ka, “Iraabi, ịzị ụ ra?” (Iruvo “Iraabi” ọ vị “Iticha”.)

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Ịjọọnụ 11:8

Dị ezirẹma anị ka, “Ọga, wáá kụkụ yẹ ka Aniju nịnị vị ene ee sì ka eni è ne wu ịrẹta ịzọọ ịhị ọnọọ? Ụ kụkụ raa nọ ịzọọ?”

Ịjọọnụ 20:16

Dị Ijeesu va kà a yọ ka, “Imeri!” Di Imeri kana eyi, dị ọ kà a ịnị ẹkụra Ihiburu ka, “Iraboni” (iruvo anị ọ vị “Iticha” à vị “Ọzwọzịsa”).

Ịjọọnụ 3:2

Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”

Ịjọọnụ 3:26

Di e ve tù Ịjọọnụ, dị ẹ ka, “Ọga, re, ọza ene ve tù wu ákẹnẹ Ijodani ịhị ọnọọ ọnị ụ dọ ivenu ịrẹyị anị avọọ, ọnị raa mẹ ọyịhwenyii yị aza; dị avaba aza aa nọ ịdị anị nị.”

Ịjọọnụ 4:31

Ịnị ụmẹ ọnọọ, ezirẹma Ijeesu ệ dá ịpẹ yọ ka, “Ọga, rị ịsa de!”

Ịjọọnụ 6:25

Ịjị aza ẹnẹẹ si Ijeesu re ákẹnẹ irehu, dị ẹ kà a yọ ka, “Ho! Ọga, ye re ụmẹ ọnị ụ sị vẹ ịzẹnị?”

Ịjọọnụ 9:2

Dị ezirẹma anị họ̀ ọ ka, “Ọga, ẹnẹ vị ana mẹ ịvị, ana mẹ ka à ma ọnọrụ ọnọnị ogweyi? Ọnị ụvọta wáá yọ nị, à vị aza ana ma a?”