Imatiwu 23:4 - IWE ỌNỊNỊ

⁴ Ẹnịnị vị eneē kune ẹnya ọrata, di e chema a tụra ọza ịza; ama ẹnị e yi vee sì ka ẹnị ẹ̀ hyakụ sị igege kanyị ọ, dị ẹnị è zịna a.

Imatiwu 23:4 Iomraidhean Croise

Ayịsaya 46:1

Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị.

Imatiwu 23:23

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ụ hyakụ aa tụ́ agẹẹwụ avị ịsẹpẹ eweyi-eweyi irenyi-renyi; ama ịsa obooro ọnị ọda kà, wa raà sị eyi jịnẹẹ nịnị, ẹhụụ ọkarẹyị ana vọrọ ọnịrị ayamva beri ẹdọwụ. Â vọrọ ka waa mẹ ẹsẹnị nịnị, dị asị u hí ayị ana vọ nịnị.

Imatiwu 23:3

Agụvị avọọ ịsị ẹ̀ẹ ka wa mẹ, sị eyi pe e dị ụ waa mẹ̀ ẹ nịnị! Ama asị u sị eyi sì wa nịnị, agụvị ka ẹ mā mẹ̀ ịsa ẹnẹẹ ka ọza ọ̀ mẹ.

Iruuku 11:46

Dị Ijeesu ka, “Ẹwụ nịnị ọzwọzọda bẹẹ, ẹ sị dà. Wee kune ẹnyaa tụra ọza nịnị, ama ẹwụ nịnị ụvọta ọ yị sị igege kanyị ẹnya ọnọọ.

Odeyi 15:10

Agụvị avọọ, sị ẹ vẹ di u wee sì ka wa zama Ohomorihi re nịnị, di u wee sì ka we kune ẹnya tụra ezirẹma nịnị, ẹnya oni ohiku ayị nịnị beri ẹyị ẹ̀ yị zụ za?

Odeyi 15:28

Ẹyịrị Ụhwẹ Ọnịnị ô ro o ka ô zoza ka à sị sị ẹnya ọrata tụra wụ nịnị, ẹ̀ yị vị ịrẹyị chee ẹnẹnị kẹnẹ, ana a nyị ka wa sị eyi pe nịnị:

Anigaratiya 6:13

Aza ana hyakụ aa jị ụvẹvẹnẹ, ẹ mā mẹ ịsị ọda kà, ama eyee sì ka wa jị ụvẹvẹnẹ nịnị, dị ẹnị ẹ̀ sịị mẹ eyi ka wáa sị ẹngụ awụ nịnị yị wa.

1 Ịjọọnụ 5:3

Yèe sì ịrẹyị Ohomorihi, ị rẹ vaa saasa ọda anị. Ọda Ohomorihi ẹ́ yị katẹngụ,

Ẹtore 2:24

Ẹwụ nịnị ana vọ ene hi Itiyatira, wẹẹ̀ yị saasa ịsa odivi ọnị ọnẹẹ ọnọọ aa sịị zụ̀ aza nịnị. Wẹẹ̀ yị jị ụvọ ngụ ịrẹyị Echu ana nyịnẹ. Mẹ yị vaa da ẹnya ọsaa tụra wụ nịnị.