Imatiwu 22:9 - IWE ỌNỊNỊ

⁹ Agụvị avọọ nọ ozehinava nịnị; avaba aza oni u wèe re, ụ hị́ wa vẹ nịnị.’

Imatiwu 22:9 Iomraidhean Croise

Ezikẹẹrị 21:21

Ohinọyị Ịbabịrọnị ộ jẹẹ oze ahẹva ịzị asịyẹ jẹẹ. Ê sị ka ọnị ọ̀ yẹ oze ana vọrọ ka ọnị ọ̀ zị. Ô henyi ọpa anị re; ộ họ̀ ori anị nịnị usirẹyị, dị ó tu ụpẹ ọnya dị aa zama ayị uye ana a sị mẹ ịsọvọọ re nị.

Ọbadaya 1:14

Ẹ yị vọrọ ka Anedomi ệ jẹvẹnẹ tụ ịzị oze ahẹva, dị ẹẹ wụ̀ Anisirẹrị nịnị ẹnị usu jị avị eyi nyee, ne tu ka ẹ za aza ẹnyị chire ọnịvị ẹnịnị ụvọ ịnị ẹkụhị ayodu ẹnịnị.

Imatiwu 20:7

Dị ẹ kà a yọ ka agụvị ka ẹ yị nyị ọza ana hị́ ẹnị ụkọrọ yọ nị. Dị ọ kà a yị wa ka: ‘Nọ ịnị ụbazị amị nịnị ka ịsị ẹ̀ẹ vọrọ, mị vaa sịị yị wụ nịnị.’

Imatiwu 22:10

Ịzẹyịza, di ezi ahụ ẹnẹẹ jịnẹ nọ oze, dị ẹ hị́ avaba aza enee re vẹ nị, à hị́ ọza ọyịza, à hị́ ọza odivi. Dị irehi ịzị a yà aa nyị ọnẹẹ aanị vị ohihi yị aza ana aa vaa rị ịsa nị.

Imatiwu 22:8

Di ohinọyị ọnọọ kà a yị ezi ahụ anị ka: ‘Ya sị ịsa mẹ, ama aza ọnị mị hị́, ẹ yị hụ ọọ rị ịsa amị ọnọnị.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Odeyi 13:47

Ọda oni Ohomorihi mẹ yị yị. Ọ kà: “Ma sị wụ nyị ka wa vị ẹtohweyi yị anẹkụra ẹnẹ ẹ̀ yị vị Aniju; dị ụ wa na zụ avaba anẹhẹ oze ana zụ zị dọ wa ha.”

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!