Imatiwu 22:4 - IWE ỌNỊNỊ

⁴ Dị ọ rẹ tụ́ ezi ahụ anị ọsa nị, ka ẹ̀ na kà a yị aza anaa vịdị kà a yị aanị ka, ‘Ma sị ịsa mẹ, ọ! Ma kụ́ imaaru amị wụ ọnịrị ịsụpa anaa pá ka ọ̀ banyị dị à va wụ ọọ. Ma sị avaba ịsa mẹ ta; vẹ ịnị ịrẹyị ọnẹẹ amị nịnị!’

Imatiwu 22:4 Iomraidhean Croise

Inehemaya 9:17

Ẹnịnị ệ sị ịrẹyị Ohomorihi mẹ̀ iribatọ, di e hí ayị avaba ịvọpa oni Ohomorihi mẹ̀ yị wa nị. Ệ sị akamawụ nyị ọdọvịdị yị ẹngụ ẹnịnị ka ọ̀ kụ́ ẹnị varẹma na vị ọrịhị tụ ẹtẹ Ijipiti. Ama Ohomorihi ọ vị anayamva, dị Ọọ̄ ngwayị ọza nị. Ọnị ọọ̄ mẹ̀ ẹvaguu yị ọza dị ọ̀ yị ma hụra kụ ayị nị. Oō sì ịrẹyị ọza ẹnẹmẹhị. Agụvị avọọ, ẹ yị va ịrẹma ẹnịnị,

Ahẹ Ụgama 86:5

Ẹnẹyịmavara, ịsa ozoza ụụ̄ mẹ, dị ụụ̄ rẹẹ vagu ọza nị. Avaba aza ana aa mẹ̀ aduwaa hi wụ vị oni ụụ̄ sì ịrẹyị anị.

Ụhịrẹyị 15:17

Ọza ọ rị ụka ịdị ọza ene sì ịrẹyị anị, ọ mẹ hụụnị ka ọ na rị iya ịdị ọza anaa kụ ayị anị nị.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Imatiwu 21:36

Dị ọ rẹ tụ́ ezi ahụ ọsa ana rụrụ huna ị́ịpaapa, dị aza ana a dà ẹtẹ yị rẹ mẹ wa anka ịpaapa nị.

Imatiwu 22:5

Ama aza ẹnẹẹ ê sị eyi ịyẹyẹ re e, ọzọza o si hu aa jịnẹ; aza ẹnyị ệ nọ aarẹ, aza ẹnyị e si hu aa naa sẹ ohu.

Imatiwu 22:8

Di ohinọyị ọnọọ kà a yị ezi ahụ anị ka: ‘Ya sị ịsa mẹ, ama aza ọnị mị hị́, ẹ yị hụ ọọ rị ịsa amị ọnọnị.

Iruuku 14:17

Ịjị ụmẹ ana vọrọ ka à rị ịsa ọnọọ si tù, dị ọ tụ́ ozi ahụ anị ka ọ̀ na kà a yị aza ana a vịdị sị hị́ ka ẹ̀ vẹ ka a sị ịsa mẹ ta nị.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Aniroomi 8:32

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?