Imatiwu 22:3 - IWE ỌNỊNỊ

³ Dị ọ tụ́ ozi ahụ anị ka ẹ̀ na hị́ aza ana a vịdị kà a yị, ka ẹ̀ vẹ ịnị ịrẹyị ọnẹẹ ọnọọ nị. Ama ẹnịnị ê yi, ẹ yị vẹ.

Imatiwu 22:3 Iomraidhean Croise

Ahẹ Ụgama 68:11

Ananyị yị ọ sị ịrẹyị kà, di Ohomorihi anyẹnẹẹ kụkụ aa kà ana nị

Ayịsaya 30:15

Ẹnẹyịmavara ana vị ohinọyị keekere, Ohomorihi ọnịnị ana Anisirẹrị aa hẹkẹ ka wàa yaanị và hụụnị ebira odivi awụ nịnị dị ụ mẹ ẹngụ awụ nịnị hẹẹ, dị ụ sị ayị tụra ọnị nị, ụ yaanị sị há dị ụ rẹ nyị ụkata nịnị.

Ijeremaya 25:4

Ẹnẹyịmavara ộ tụ ezi ahụ anị, ọnịsẹ nịnị hi wu nịnị pooro, wee yi ka wẹ yị sị ụtọ pe ẹtẹ dị wa wụ nịnị.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ihoseya 11:2

Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ịzẹhwanaya 1:7

Dị ọ ka, ẹnịnị ẹ mẹ hẹẹ ka ẹkụhị ọnị ọnị vaa sị mẹ̀ ọkarẹyị yị wa aa gụrị ẹtẹ. Ọ kà ọnị ô tenyi ẹngụ ka ọnị ọ̀ hụrẹ wa ụvọ, dị ọnịvị ẹnịnị ẹ va hụ wa hụụnị ẹtẹ ẹnịnị.

Imatiwu 21:34

Ịjị ụmẹ ẹtụtụ ee vee tù, dị ọ tụ́ ezi ahụ anị nọ ịda aza ẹnẹ ana a dà ẹtẹ yị, ka ẹ̀ na dọ ẹtụtụ anị vẹ nị.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 9:15

Dị Ijeesu kà a yị wa ka, “Aza ọza anaa nyị ọnẹẹ ẹ́ẹ́ zụ jị òrèrè ịnị ụmẹ ọnị ọva ọnẹẹ yà pe wa? Ama ẹkụhị aa vẹ anaa vaa sị ọva ọnẹẹ hụụ ịzọọ, ịjọnọọ ẹ vaa ba awẹ.

Iruuku 13:34

“Ijerusarẹmị! Ijerusarẹmị! Ụụ̄ wụ ọnịsẹ nịnị, di u reē ne ọza oni Ohomorihi ọ̀ọ tụ́ hi wu nịnị ịrẹta nị. Wáá yẹ, ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ; ama dụ wẹ yị zẹẹ nịnị.

Iruuku 15:28

Ayị ộ kụ́ ozi ọza ọnọnị ana vị ọzọkụ aanị, dị ọ̀ yị zẹẹ ka ọnị ọ̀ ngụ ini eehi nị. Dị ada anị va jịnẹ vẹ, dị ọ dá ịpẹ yọ ka ọ̀ ngụ eehi nị.

Iruuku 19:27

Ama ọnịvị amị ẹnẹnị ana ka eni e yi sì ka ma vị ohinọyị ẹnịnị aanị, kụ́ wa vẹ ọ́vịdị amị ịzẹnị, dị ụ wa wụ̀ wa nịnị!’ ”

Ịjọọnụ 5:40

Ama wẹ yị zẹẹ ka wa vẹ ịdị amị nịnị, dị ma mẹ ka wa yàra nịnị pooro zịna-zịna.

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Aniroomi 10:21

Ama ini oze Anisirẹrị nịnị Ohomorihi ọ va kà a ka, “Eyinị-eyinị maa sịị tana ụvọ ka ma sị sị anakamawụ ẹnẹnị, anaā và mị ị̀karenu aanị nị.”

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!

1 Ịsamụwẹrị 9:13

Ama ẹnịnị e yi vee nyima ịsọyịrị di orẹtẹ ọnọọ ọ va na ngụ ịzọọ. Ẹ ka orẹtẹ vaa mẹ̀ aduwa tụ́ ịnị ịsa dị aza ana a hị́ vẹ ẹ̀ va rị ọ. Dị ẹ rẹ ka Ịsọọrụ nịnị ẹ̀ẹ na sị ngụ ịnị ẹkụra kẹnẹ, e vee re e dị ọ va nọ aha ịsọvọ na rị ịsa. Dị ẹ rẹ ka Ịsọọrụ nịnị ọ wụsẹẹ na booro aanị ka e vee re e dị ọ va na aha ịsọvọ nị.