Imatiwu 22:15 - IWE ỌNỊNỊ

¹⁵ Anihwarisi nịnị ệ hụụ ịzọọ, dị ẹ na gẹ eyi ka ẹ́nị mẹmẹ va mẹ ka Ijeesu ọ̀ kà ịrẹyị dị ẹnị ẹ̀ za a nị.

Imatiwu 22:15 Iomraidhean Croise

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ahẹ Ụgama 41:6

Ẹnịnị ana ka vị ẹnị ee vee hee mi nị vị ana aa mẹ apẹ Ẹ̀ẹ vẹ, di e yee sì ịrẹyị odivi amị ẹnẹ va naa kà a ngụ ẹhẹẹ zị.

Ahẹ Ụgama 57:6

Ọnịvị amị ee bè mi ka ẹnị ẹ̀ za mị Ayị amị o si du ẹtẹẹtẹrẹ Ọnịvị ẹ raà chị ụsị ka me zina ngụ ọ Ama dị ahịka ẹnị ụvọta ẹ rẹ varẹma horo ngụ ụsị ọnọọ nị.

Ahẹ Ụgama 59:3

Ẹnẹyịmavara, ẹ yị nyị ịsị mị mẹ, ộ Ama wéē re aza edivi ẹnẹnị màa gẹ eyi amị di e yee bè mi.

Ayịsaya 29:21

Aza ene eē cheechee kú ọza, dị ẹ̀ yị mà zẹẹ ka aza, ana mẹ̀ ịsa odivi ẹ̀ rị ụya, di e re yee cheechee kú ọza ẹnị ẹ̀ yi nyị ịsị ọ mẹ ka à jị ịvị yọ vị oni Ohomorihi vaa wụụ vàa ha.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Imatiwu 12:14

Dị Anihwarisi nịnị hụụ ịzọọ, dị ẹ na aa gẹ eyi, ẹ́nị mẹmẹ vaa wụ̀ Ijeesu nị.

1 Anịkọrịntị 7:35

Ọsọnị vị ọnị maa kà, ka ma sị gụ wụ nịnị ụvọ. Ẹ yị vị mee sì ka ma dọ wụ nịnị oro. Ama mee sị ka wa mẹ̀ ịsa ana vọrọ nịnị, dị ụ waa sị avaba ayị awụ nịnị saka-sakaa hẹkẹ Ananyị yị.

Anihiburu 12:3

Roo nịnị dị a re ẹngụ ọza ana vavọọ sị ẹngụ dọ ịsa edivi ọnị ọnịvị nịnị mẹ hi ọ! Agụvị avọọ asị ụ zẹẹ ka ò du wu nịnị eyi, dị ụ wa na hụrẹ ụvọ nịnị!