Imatiwu 21:44 - IWE ỌNỊNỊ

⁴⁴ [Ọza tụra ọza ana àa hyẹdụ nya ịrẹta ọnọnị, vị aa gara nị. Ama ọza ọnị ịrẹta ọnọọ ọ̀ọ hụrẹ nya, vị aa kwọ̀ ọ nẹrẹ-nẹrẹ nị.”]

Imatiwu 21:44 Iomraidhean Croise

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Ahẹ Ụgama 2:9

Ịjọva ọkatẹngụ ụ vaa mẹẹ tụra wa nị di waa chaka waa vaa ha anka ụnọkọ avọọ.

Ayịsaya 28:13

Agụvị avọọ ịsa ọnyọọnya Ohomorihi vaa kịị kà a yị wa nị, dị aa vaa tụra ịrẹyị ọnyaa yị wa pooro. Dị ahịka ịsa ọnị ọ sị zụ̀ wa ẹẹrị ọ raa sịị zụ̀ wa ajịnị nị. Ẹnịnị vị ana vaa na dị ẹ na hyẹdụ, dị ẹ và angga ịrẹma-ịrẹma, dị ẹ tụ̀ ụnava. Avọọ ẹ mẹ̀ vaa ngụ ịnị ịrẹma ọnịvị ẹnịnị, dị ịrẹkụ kụ́ wa na nị.

Ayịsaya 60:12

Anẹkụra ene yi ka ọnị ẹ yị hẹkẹ wu vị ọnị e vee vu ẹtẹ.

Ịzakaraya 12:3

Ama yị ụmẹ ọnọọ o si tù, Ẹnẹyịmavara kà ọnị vaa mẹ Ijerusarẹmị ka ọ rata anka ịrẹta. Ọza ana a sị ọ vị ọnị ọ vaa tọ̀ ụnava. Avaba ẹkụra ene hi ịnị ẹhẹ vaa vabẹ gẹ ịrẹkụ tù ọ.

Imatiwu 21:43

Agụvị avọọ, dị ma kà a wụ nịnị ka a vaa dọ wụ nịnị oze anaa vọrọ ka wa zị ngụ ịzị Ohomorihi yà aa mẹ ịjọva, dị a sị yị anẹkụra ana vaa nyị ẹtụtụ anị.

Imatiwu 21:45

Ịjị ohirẹsụ ẹbanyị irehi Ohomorihi ọnịrị Anihwarisi nịnị wụ́ ụhịrẹyị anị, ẹ sị yẹ ka ẹnị aa kà nị.

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Iruuku 20:18

Ọza ana àa hyẹdụ nya ịrẹta ọnọọ, vị aa gara nị. Ama ọza ọnị ịrẹta ọnọọ ọ̀ọ hụrẹ nya, vị aa kụ̀ ọọ nẹrẹ-nẹrẹ nị.”

Ịjọọnụ 19:11

Dị Ijeesu ka, “Wẹ yị yaanị nyị ụkata ọyịmẹ̀ mị ịsọnyị-ịsọnyị, ẹ̀ yị vị oni Ohomorihi sị ụkata ọnọọ yị wụ. Ọza ana sị mị chire wu ụvọ, ịvị anị banyị hu nị.”

Aniroomi 9:33

 vịdị vavọọ chẹrẹẹ tụ́ ini Iwe Ohomorihi ka, “Re! Mâ sị ịrẹta ọnya tịtẹ Ịzayọnị; ịrẹta ọnị ọzaā tụ́ ahụ ịnị anị ọ vị nị; ịrẹta anaā mẹ ka ọza ọ̀ hyẹdụ ọ rẹ vị nị. Ama ọza ana àa sị ayị tụraa, ụhị ọyị vaa nyị ọọ.”

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.