Imatiwu 21:41 - IWE ỌNỊNỊ

⁴¹ Dị ẹ kà a yị Ijeesu ka, “Vị aa wụ̀ aza edivi ẹnẹẹ ha piti-piti, dị ọ sị ụbazị anị rere aza ẹnẹsa ana vaa sị ẹtụtụ anịị vaa yọ, ụmẹ òo si tù nị.”

Imatiwu 21:41 Iomraidhean Croise

Ahẹ Ụgama 2:9

Ịjọva ọkatẹngụ ụ vaa mẹẹ tụra wa nị di waa chaka waa vaa ha anka ụnọkọ avọọ.

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Ịzakaraya 12:12

Avaba aha aza vaa zị ẹngụ nị. Ịrẹsụ ọzọza ọnịrị ezi ẹnịnị vaa zị ẹngụ: Ịrẹsụ ovwoovu Idevidi ẹnịrị ese ẹnịnị, ịrẹsụ ovwoovu Inatanị ẹnịrị ese ẹnịnị.

Ịzakaraya 13:8

Àa ga aza ana ra hi avaba ẹtẹ ọnọọ tụ́ oze ẹẹta, oze ẹẹva ẹnịnị vị ene vee su, di oze ọnya kẹnẹ ya ra.

Imatiwu 21:34

Ịjị ụmẹ ẹtụtụ ee vee tù, dị ọ tụ́ ezi ahụ anị nọ ịda aza ẹnẹ ana a dà ẹtẹ yị, ka ẹ̀ na dọ ẹtụtụ anị vẹ nị.

Imatiwu 21:40

“Ịjị ọza ana nyị ụbazị ọnọọ ọ̀ọ vẹ, si u ro ka ọ vaa mẹ aza ẹnẹẹ?”

Imatiwu 21:43

Agụvị avọọ, dị ma kà a wụ nịnị ka a vaa dọ wụ nịnị oze anaa vọrọ ka wa zị ngụ ịzị Ohomorihi yà aa mẹ ịjọva, dị a sị yị anẹkụra ana vaa nyị ẹtụtụ anị.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Iruuku 20:16

Vị aa vẹ, dị ọ va wụ̀ aza ẹnẹẹ nị, dị ọ sị ụbazị ọnọọ yị aza ẹnẹsa.” Ịjị ẹ maanị wụ́, dị ẹ ka, “Asị Ohomorihi zẹẹ!”

Odeyi 15:7

Ịjị ẹ da ahankata nyị, di Ipita kwẹẹtẹ, dị ọ ka, “Anda ayị nịnị, wâ yẹ nịnị ka ịnị ụmẹ ọnya o si kù aanị, Ohomorihi ộ nyị mị hụụnị akakana awụ nịnị ka ma na kà enube ọyịza yị Anigiriki nịnị, agụvị dị ẹ̀ zụ dọ wụ́.

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Odeyi 28:8

Ada Ipaburu vị ọnị ọvanggoro ọnịrị ijadijadi za, dị ọ hụtẹtẹẹ nị. Dị Ịpọọrụ ngụ ini eehi ne tù ọọ, dị ọ mẹ̀ aduwa, dị ọ sị ụvọ tụra a, dị ọ mẹ̀ ẹ ụkụ nị.

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.