Imatiwu 20:6 - IWE ỌNỊNỊ

⁶ Ịnị ẹhụụ ụmẹ agogo ẹẹhị oruva, dị ọ rẹ jịnẹ nọ ẹhẹ, di o re ne tù aza ẹnyị ana jẹẹ kẹnẹ-kẹnẹ nị. Dị ọ rẹ kà a yị wa ka: ‘Sị ẹ vẹ dị ụ jẹẹ kẹnẹ-kẹnẹ hụrẹ ẹnẹnẹ nịnị?’

Imatiwu 20:6 Iomraidhean Croise

Ụhịrẹyị 19:15

Onuworo vị ana sụ ara pooro, ọza ẹnẹ nyị ana a mẹ̀ vị ọnị ụngwẹ kụ.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ezikẹẹrị 16:49

Ẹnẹyịmavara kà, ịvị ọnị Isodọmị rị yị: Ẹnịrị ezi ẹnịnị ẹẹ sị ẹngụụ tụ ẹba agụvị ka ẹnịnị ệ nyị ịsọyịrị gwẹtẹ ẹnẹ ẹyaa rị, ọnịrị ka ẹhẹ ộ rọ̀ wa ẹngụ, ẹnịnị ẹ yị nyị ẹngụkata. Ama ẹnịnị ẹ́ yị gụ onosiye nịnị ọnịrị aza ẹnẹ ẹhẹ ẹ̀ yị mẹ yị ụvọ.

Imatiwu 20:5

Dị ọnọrụ ọnọọ rẹ jịnẹ nọ ẹhẹ ịnị ẹhụụ ụmẹ agogo ẹwụrẹva ọnịrị ẹhụụ ụmẹ agogo ẹẹta, dị ahịka avọọ ọ mẹ̀ rẹ mẹ nị.

Imatiwu 20:7

Dị ẹ kà a yọ ka agụvị ka ẹ yị nyị ọza ana hị́ ẹnị ụkọrọ yọ nị. Dị ọ kà a yị wa ka: ‘Nọ ịnị ụbazị amị nịnị ka ịsị ẹ̀ẹ vọrọ, mị vaa sịị yị wụ nịnị.’

Imatiwu 20:9

Ịjị aza anaa dọ ịnị ụmẹ agogo ẹẹhị vẹ, dị a sị Ịnayịra ẹvẹẹva yị wa nị.

Ịjọọnụ 9:4

 nyị ka ya mẹ̀ ụkọrọ Ọza ana tụ́ mị vẹ ẹhẹ dị ọyị ọ̀ va ta. Ọyị vaa ta, ịjọnọọ ọza ọ yị kụkụ va zụụ mẹ̀ ụkọrọ.

Odeyi 17:21

Avaba Anatẹnị ọnịrị azọga ene hi ịzọọ vị eneē sì ka ẹnị ẹ̀ sị avaba ụmẹ ẹnịnị tịtẹ, dị ẹnị ẹ̀ sịị kà ịrẹyị, dị ẹ̀ rẹẹ̄ wụ́ ịtọpa ịsa ọwọọwa ana àa mẹ kẹnẹ.

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.