Imatiwu 20:2 - IWE ỌNỊNỊ

² Ộ dọ yị anụkọrọ ẹnẹẹ ka ọnị vaa sị Ịnayịra ẹẹva yị wa ịnị ụkọrọ ẹkụhị-ẹkụhị. Ịjị ẹ sị dọ, dị ọ kụ́ wa nọ ịnị ụbazị anị nị.

Imatiwu 20:2 Iomraidhean Croise

1 Ohinọyị 18:12

Màa sị huu ịda awụ kẹnẹ, dị ụhwẹ Ẹnẹyịmavara va raà sị wụ nọ ịzị mẹ̀ yị yẹ. Màa na sị ọ kà yị Ahabị, di ò yi rè vee re wu nị, dị ọ za mị dị ọ wụ̀ mị. Wâ yẹ ka hụụnị ozweyi amị mị hụrẹẹ̄ hí angwa Ẹnẹyịmavara nị.

2 Ịtọpa 34:3

Ịnị ịrayị ana tụ́ ọ ịhịnta ọnị Ijosaya rị ohinọyị, ọ mẹ yị vị ozweyi, ó nyima aa hẹkẹ Ohomorihi ohiku anị Idevidi. Ịnị ịrayị ọhụna ana vatụra a, o nyima aa chata irehi ori nịnị ọnịrị ọchị ana bẹ́ mẹ uyi ori ọnẹẹ ana a hị́ Asẹra ọnịrị ori ana vọ.

Ịrẹyị Ọzwọzịsa 12:1

Tamayị ọza ana tụ wụ vẹ ẹhẹ ịnị ụmẹ ozweyi awụ, dị unobo ọ̀ vaa vẹ, ụmẹ ọnị ụ kụkụ vaa kà a ka ẹhẹ ọ sị du wu eyi.

Imatiwu 18:28

Ịjị ozi ahụ ọnọọ gẹdẹ-gẹdẹ sị jịnẹ dị aa na, di oni re ne tù ozi ahụ ọsa ana rị ọọ ụta chee aanị kẹnẹ nị. Dị ọ sị ụvọ hi ọọ ọrọkọ, dị ọ ka: ‘Wẹ̀ yị sị ẹkẹhị amịị mị ajịnị, wẹ yị hụụ ịzẹnị.’

Imatiwu 20:1

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka adarehi ọnya aanị, ana kwẹẹtẹ ẹnẹnẹ viri-viri ka ọnị ọ̀ na dọ anụkọrọ, dị ẹ̀ va mẹ̀ ụkọrọ yị ọnị ịnị ụbazị anị.

Imatiwu 20:13

Dị adarehi ọnọọ tụ́ ọza ịnya ẹnịnị ohi, dị ọ ka: ‘Ọta amị, wáá yẹ ka mẹ yị mẹ wụ ịsa odivi?’ Aanịka ẹ yị vị ụkọrọ Ịnayịra ẹẹva ẹkụhị ẹ́mịrị ẹwụ vịdị kà a tụ́?

Imatiwu 20:3

Ịjị ọ rẹ naa mẹ ẹhụụ ụmẹ agogo ịhịna, dị ọ jịnẹ nọ ẹhẹ, di o ne tù ka aza ẹnyị jẹẹ kẹnẹ-kẹnẹ ini ohu nị.

Imatiwu 20:9

Ịjị aza anaa dọ ịnị ụmẹ agogo ẹẹhị vẹ, dị a sị Ịnayịra ẹvẹẹva yị wa nị.

Imatiwu 22:19

Sị ẹkẹhị ana aā tụ́ụ yị mị, dị a re!” Dị ẹ sị ẹkẹhị enyusẹ ọnyaa yọ nị.

Imatiwu 9:37

Dị ọ kà a yị ezirẹma anị ka, “Ịsa ịnị aarẹ ọ sị rụrụ tụ́ ịnị aarẹ, ama ọnụkọrọ ẹyị vavọọ rụrụ.

Ịmaakị 12:15

Yáá tụ́ ọọ, à vị asị ị rẹ̀ tụ́ ọọ?” Ama Ijeesu ộ yẹ ka ọbọ ẹyaa mẹ nị. Dị ọ kà a yị wa ka, “Sị ẹ vẹ dị ụ waa zama mịị re nịnị? Sị ẹkẹhị enyusẹ ọnyaa mị di a re di me re e!”

Iruuku 1:15

Ọzọbanyị ọ vaa vị ini eyi Ananyị yị nị. Ọ yị va nyayịnẹ ẹ hú eche vụrụ-vụrụ, ọ̀ daka vị eche ọkatẹngụ. Hụụnị ịnị ịnẹ ọnyị anị Ụ́hwẹ Ọnịnị vaa dọ avaba ayị anịị hụrẹẹ vẹ nị.

Iruuku 10:35

Eyinẹhẹ anị, ọ màa na, dị ọ sị Ịnayịra ẹẹna yị adarehi ọnọọ, dị ọ ka ọ̀ọ tẹsị anị. Ọ kà ịsị ọ̀ọ vana mẹ ịhị tụ́ ịrẹsụ anị, ọnị ọ̀ọ vẹ, oni vee sí ọọ yọ.”

Iruuku 20:24

Sị ẹkẹhị enyusẹ ọnyaa mị, di a re nịnị! Ẹnị uhwoto anị ọnịrị ịrẹha anị yà ịnị anị aanị?” Di e tụ́ ohi dị ẹ ka, “Óohinọyị Aniroomi yọ nị.”

2 Itimoti 3:15

Wa rẹ yẹ ka, ụ mẹ̀ hụrẹ vị ozweyi, ụ hụrẹ yẹ Iwe Ohomorihi nị. Ọ zụ mẹ ka wa yẹ ịrẹyị, ana vaa mẹ ka wa sị ayị tụra Ijeesu Ikirisiti, dị ọ̀ dọ wụ há.

Ẹtore 6:6

Dị mị wụ́ ịrẹyị ẹnyị aanị anka ọngwẹ avọọ ịnị akakana ịsa ẹẹna ẹnẹẹ ana nyị ụhwẹ nị. Dị ọ ka: Akụ ẹnya ọnya vị Ịnayịra ẹẹva, apaapa ẹnya ẹẹta rẹ vị Ịnayịra ẹẹva. Asị ụ zẹẹ ka angwẹ ọnịrị eche ẹ̀ zwọ!

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.

1 Ịsamụwẹrị 2:26

Ịsamụwẹrị ọnị vị ana aa yịị hụ. Aza ê sì ịrẹyị anị, avọọ Ẹnẹyịmavara ọnị mè re sì ịrẹyị anị nị.

1 Ịsamụwẹrị 3:1

Ịjị ọ dà kù, Ịsamụwẹrị ọ sị vịra. Eri ọ yà ahụ anị dị aa mẹ̀ ụkọrọọ yị Ẹnẹyịmavara nị. Ịnị ụmẹ ọnọọ Ẹnẹyịmavara ọ mā vavọọ hụra pè ọza kà ịrẹyị. Ọ yị rẹ zẹẹ sị ẹtẹ yị ọza re.

1 Ịsamụwẹrị 3:21

Ẹnẹyịmavara vanaa sịị sị ẹngụụ zụ̀ Isiro. Ịzọọ ọ vịdị yà sị ẹngụ zụ̀ Ịsamụwẹrị di o pè e kà ịrẹyị nị. Ịsamụwẹrị ọ̀ọ́ kà ịrẹyị, ẹ yị nyị Anisirẹrị ana aā kà a ka ọnị ọ yị dọ.