Imatiwu 20:16 - IWE ỌNỊNỊ

¹⁶ Avọọ ọ́dịrẹma mẹ̀ vaa vị ọdọvịdị, dị ọdọvịdị vị ọdịrẹma nị.”

Imatiwu 20:16 Iomraidhean Croise

Imatiwu 19:30

Ama aza ọrụrụ-ọrụrụ ana vị ọdọvịdị booro aanị, ẹ vaa vị ọdịrẹma; dị aza ana vị ọdịrẹma na vị ọdọvịdị.”

Imatiwu 21:31

Ye re ana mẹ̀ ịsa ana ada anị sì ịnị ẹnị ẹyịva avọọ?” Dị ẹ kà a yọ ka, “Ọnịpaapa yọ nị.” Dị Ijeesu kà a yị wa ka, “Ịzẹyịza m maa kà a wụ nị: Aza edivi ọnịrị ọsẹrẹka nịnị vaa vịdịị ngụ ịzị Ohomorihi yà aa mẹ ịjọvaa tụ́ wụ nịnị.

Imatiwu 22:14

Ọza ọrụrụ-ọrụrụ a hị́ nị, ama chee a nyị nị.”

Imatiwu 7:13

“Zị oze dẹẹrẹ ọnọọ ngụ eehi nịnị! Agụvị ka oze ana na ngụ ịzị aza yàā vu ẹtẹ, ộ gana, oze anị aa ba mị ba mị aanị. Aza ana zị oze avọọ ệ rụrụ ẹtẹẹtẹrẹ.

Ịmaakị 10:31

Aza ọrụrụ-ọrụrụ ana vị ọdọvịdị booro aanị, ẹ vaa vị ọdịrẹma; dị aza ana vị ọdịrẹma, na vị ọdọvịdị.”

Iruuku 14:24

Dị ọ rẹ ka: ‘Dị ma kà a wụ nịnị, avaba aza ana a vịdị hị́ avọọ, ẹ yị nyị ana vaa sị ịrarẹẹ dá ịsọyịrị amị.’ ”

Iruuku 15:7

Dị ma kà a wụ nịnị ka avọọ gẹdẹ-gẹdẹ ị́rajẹ ọyịjẹ mẹ̀ yà ẹbẹẹba agụvị ọnịvị ikonya ene ro ịnẹ varẹma hu aza ọ jị ọnya ha ịnị ẹchẹhị ana vị ọnịzẹyịza, ẹnẹ ẹ̀ yị nyị ka è ro ịnẹ varẹma nị.”

Iruuku 7:47

Dị ma kà a wụ, ịvị anị ana rụrụ a raà vagu ọ ịnị anị. Ịrẹyị amị ọnọọ maanị sì aanị, ọ́ sị zụ̀ ka a raà vagu ọọ ịnị ịvị anị. Ọza ana àa vagu chee, vị ene sì ịrẹyị ọza chee.”

Aniroomi 5:20

Ọda ộ vẹ, agụvị ịsa odivi ọ̀yị mẹ ọ̀ọ banyị hu avọọ. Ama ịzị ịvị ọ̀ọ yà aa banyị, ịzọọ áyamva Ohomorihiī banyịị tụ́ụ hu nị.

Aniroomi 8:30

Aza oni Ohomorihi sị nyị tịtẹ, dị ọ rẹ hị́ wa nị. Aza ọnọọ vavọọ hị́, dị ọ rẹ jị ịhị yị wa nyị. Aza ọnị ọ vavọọ jị ịhị yị, dị ọ rẹ sị ụbanyị yị wa nị.

Aniroomi 9:30

Sị ị vaa kà aanị? Ya zụ kà a ka Anigiriki, dị è yi re sì ka ẹnị ẹ̀ jị ịhị yị ẹngụ ẹnịnị, Ohomorihi ọ raà jị ịhị yị wa, agụvị ka ệ sị ayị tụraa.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.