Imatiwu 20:12 - IWE ỌNỊNỊ

¹² di ẹ ka: ‘Ọdịrẹma ẹnẹnị vị ana mẹ̀ ụkọrọ agogo ọnya kẹnẹ, dị ụ mẹ ka ẹyị ana sị ịrẹma tụ́ ịnị ọyị hụrẹ ẹnẹnẹ, ẹyịrị wa ẹ̀ vị ẹbẹẹbẹ nị.’

Imatiwu 20:12 Iomraidhean Croise

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Ịmarakayị 1:13

Dị Ẹnẹyịmavara ana vị Ochẹtẹẹngụ kà, aza ẹnẹẹ ka ịsọvọ anị o ku du eni eyi, dị ẹyaa jị ọ agụ nị, dị ẹyaa sị ịsụpa ẹnẹ sị ụkata-ụkata dọ ọza ọnịrị ịsụpa ene che ahụ beri ịsụpa ọnị ẹngụ aa zị va mẹ̀ ịsọvọ yị ọnị nị. Éé ro ka ọnị va dọ ẹngụ ịsọvọ ẹnịnị ọnọọ nị?

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

Imatiwu 20:11

Ịjị ẹ sị ọọ dọ, dị ẹyaa rị ihuhuu hi adarehi ọnọọ nị,

Iruuku 12:55

Wèe re re ka ahị aa tụ́ hụrẹ eyi ụvẹtẹẹ vẹ, dị ụ ka ẹtẹ vaa ngụra nịnị; ịzẹyịza, dị ọ vavọọ yà.

Aniroomi 3:27

Sị ị kụkụ nyẹngụ si wo oto aanị? Ẹ yị nyị! Sị ẹ vẹ di yè yi nyengu wo oto? Ye yi nyẹngụ wo oto, agụvị ka vị ị sị ayị tụra Ohomorihi kẹnẹ nị, ẹ yị vị agụvị ka yaa saasa ọda

Aniroomi 3:30

agụvị ka Ohomorihi vị ọnya. Ọnị ọ vaa jị ịhị yị Aniju nịnị nị, agụvị ka ệ sị ayị tụra a.

1 Anịkọrịntị 4:11

Pipooro ve tù ọyaanị, ụngwẹ vị ana aa yịị kụ́ yị, dị enyi raa kụ̀ yị. Yẹ yị rẹ nyị ịta kú ẹngụ, aza vị ene ee tụ́ yi. Yẹ yị hyakụ nyị aha ana a vọrọ ka ya ra.

Anẹhwẹsọsị 3:6

Ịrẹyị ọnọọ yị: ka Anigiriki, ẹnịrị Aniju vee duduu nyị tụ́ ịnị ịsa oni Ohomorihi sị kà ka ọnị vaa sịị yị aza anị ẹnẹ ẹnịrị Ijeesu Ikirisiti sị vị ọnya. Ini oze enube ọyịza, Aniju ọnịrị Anigiriki kụkụ sị vị ọnya nị.

Ijemiisi 1:11

Ọyị ọ̀ọ sị hụrẹ, dị aa há nganganga nị, dị ọ za avaba ododo, dị ọ wụ̀ wa, dị ẹ sụ̀ và ha, dị avaba uzoza anị ta saka-saka. Avọọ gẹdẹ-gẹdẹ ọzọbanyị mẹẹ̄ hụrẹ ẹhẹ ụvọ ịnị ụmẹ ọnị ọ ta ngụ ini echi ẹhẹ ee zwe nị.