Imatiwu 2:6 - IWE ỌNỊNỊ

⁶ Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Imatiwu 2:6 Iomraidhean Croise

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

2 Ịsamụwẹrị 5:2

Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

1 Ịtọpa 2:51

Ozi ụpọhụva anị Ịsarịma, ọ vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtị-Ịgada nị.

1 Ịtọpa 5:2

Ama ịrẹsụ ezi Ijuda ẹ vana nyị ụkata hu nị. Dị ahịka ẹnị ẹ vanaa mẹ ohinọyị yị avaba ịrẹsụ ana vọ nị).

Ẹzịra 2:21

Anịbẹtịrẹhẹmị vị ẹchẹhị tụra ohurẹẹta (123).

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Ịrịka 24:19

Dị Anisirẹrị nịnị kụkụ aa mẹ ohinọyị tụra wa ịrẹsụ, di e vu aza ana vọ ẹtẹ.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịjọọnụ 21:16

Dị Ijeesu rẹ kà a yọ ụpẹ ọhụva ka, “Ịsayịmọnị, ozi Ijona, wéé sì ịrẹyị amị?” Dị Ipita rẹ ka, “Hịịn, Ananyị yị, wâ yẹ ka mê sì ịrẹyị awụ de.” Dị Ijeesu rẹ kà a yọ ka, “Waa tẹsị ezi atẹmẹ amị o!”

Ịjọọnụ 7:42

Áá vi Iwe Ohomorihi kà a ka ịpa evere Idevidi Íkirisiti vaa hụrẹẹ vẹ nị; dị ahịka Ịbẹtịrẹhẹmị a yà ma a nị. Ịzọọ Ídevidi vịdị ra nị.”

Anẹhwẹsọsị 1:22

Ohomorihi ọ raà kụ́ avaba ịsa ve hi agada Ijeesu ka ọ̀ vị ohirẹsụ ẹnịnị. Ọ rẹ mẹ ka Ikirisiti ana nyị avaba ịsa ọ̀ vị ohirẹsụ anịragụ anị bẹẹ.

Anikorasi 1:18

Ijeesu ọ vị ohirẹsụ anịragụ Ohomorihi anka ị́rẹsụ ọza maà sị oze zụ̀ ẹngụ ana vọ. Anịragụ Ohomorihi vị ana jẹẹ yị ẹngụ Ikirisiti. Ọnị ọ vị ọọnyị nị. Ọnị ọ vị ọnịpaapa ana ha kwẹẹtẹ hụụnị isu agụvị dị ọ̀ nyị ẹbẹẹba avaba ịsa nị.

Anihiburu 7:14

Yâ yẹ ka Ananyị yị vị ana chị hụụnị ovwoovu Ijuda vẹ. Imosiisi ọ yị hị́ ịrẹha anovwoovu ọnọọ, àaa kà ịrẹyị ini oze ohirẹsụ irehi Ohomorihi.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 2:27

anka Áda anị mẹ̀ sị ụkata yị ọnị. Ọ vaa sị okutẹ enyusẹ mẹ ịjọvaa tụra wa. Dị aa chaka wa, a mẹ̀ẹ chaka ụnọkọ rugu-rugu avọọ.

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.