Imatiwu 2:5 - IWE ỌNỊNỊ

⁵ Dị ẹ ka Ịbẹtịrẹhẹmị ịnị ẹtẹ Ijudiya yọ nị, agụvị ka avọọ ọnịsẹ mẹ chẹrẹ ẹ tịtẹ ka:

Imatiwu 2:5 Iomraidhean Croise

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 2:4

DỊ Ịhẹrọdị hị́ avaba ohirẹsụ ẹbanyị irehi ahẹkẹ Aniju ẹnịrị ọzwọzọda Aniju nịnị gụ nị. Dị ọ họ̀ wa use ka: ịzị a ka a vaa ya ma Ikirisiti, Ohinọyị oni Ohomorihi nyị ka ọ̀ dọ aza ha nị.

Ịjọọnụ 7:42

Áá vi Iwe Ohomorihi kà a ka ịpa evere Idevidi Íkirisiti vaa hụrẹẹ vẹ nị; dị ahịka Ịbẹtịrẹhẹmị a yà ma a nị. Ịzọọ Ídevidi vịdị ra nị.”

Ijosuwa 19:15

Ẹkụra ẹnẹnị vị ana ya ịnị ẹtẹ ẹnịnị: Ịkatatị, Ịnaharari, Isimironi, Ịdaara, ọnịrị Ịbẹtịrẹhẹmị; avaba ẹnịnị vị ẹkụra ẹbanyị-ẹbanyị ẹwụrẹva beri ẹkụra eweyi-eweyi ana kara wa.

Ọdọvịdị 17:7

 nyị ozi Anireevi ọnya ịnị ẹkụra Ịbẹtịrẹhẹmị ịnị ẹtẹ Ijuda dị ọ vị ozi ịnị abara Ijuda nị.

Iruutu 1:1

 nyị ụmẹ ọnya aanị ọnị Anisirẹrị nịnị ệ yị nyị ohinọyị, dị ahịka aza irenyi-irenyi ệ mẹ ọdọvịdị ẹnịnị nị. Ụmẹ ọnọọ ụngwẹ vavọọ sị kụ̀ ịnị ẹtẹ Anisirẹrị nị.  nyị ọnọrụ ọnya aanị ịjọnọọ ịnị ẹkụra Ịbẹtịrẹhẹmị ini ẹtẹ Ijuda. Ộ kụ́ ose anị ọnịrị ezi anị ẹẹva hụrẹ Ịbẹtịrẹhẹmị nọ ịnị ẹtẹ Imowabi.

Iruutu 1:19

Dị ẹnị ẹyịva vavọọ zị va ngụ Ịbẹtịrẹhẹmị nị. Ịjị ẹ na ngụ ẹkụra ọnọọ, di ẹtẹ aa sụ́ ịrẹyị hyịwụụ nị. Di anẹẹ ẹnẹ hị́ ịzọọ yee họ̀ use ka, “O! ayoo! Inawomi wáá yịị yị?”

Iruutu 2:4

Ẹ mẹ̀ vavọọ hi ịzọọ, di e vene re ka Ibowazị ộ hụrẹ ịnị ubooro Ịbẹtịrẹhẹmị aa vẹ nị. Dị ọ kụ́ anụkọrọ ẹnẹẹ nị, dị ọ ka, “Ẹnẹyịmavara ọ̀ yà pè wụ nịnị.” Dị ẹnịnị va ụkụ yọ ka, “Ẹnẹyịmavara ọ navọ ò zee wu.”

Iruutu 4:11

Dị avaba aza ene hị́ ịzọọ beri azọkụ nịnị ka, “Ee, avaba ayị vị onivenu. Ẹnẹyịmavara ọ̀ navọ ọnẹẹ ana aa vẹ ịnị eehi awụ aanị ọ̀ ma ozi anka Irechẹrị ọnịrị Iriya. Ozi Irechẹrị ọnịrị Iriya ẹ mẹ ka irehi Isirẹrị ọ̀ yara. Ẹnẹyịmavara ọ̀ va sị wụ tụ ẹbẹẹba ịnị ịrẹsụ Ehwirati, dị wa va ngụ ịrẹyị ịnị ẹkụra Ịbẹtịrẹhẹmị.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”