Imatiwu 2:16 - IWE ỌNỊNỊ

¹⁶ Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.

Imatiwu 2:16 Iomraidhean Croise

Oyinyima 39:14

di o nowu hị́ ezida anị ana vọ nị. Dị ọ kà a yị wa dị ọ ka: Ee re ọga ẹnịnị mẹ̀ na sị Anihiburu ọnọnị vẹ ka ọ̀ va mẹ̀ ụhị nyị ẹnị. Ọ kà vị ọ ngụ tù ọnị ka ọnịrị ọnị ọ̀ọ sụ nọ. Ọ kà di ọnị ve nowu tụ́ ẹhẹ ka à ba ọnị owu nị.

Oyinyima 39:17

Ọva anị mẹ̀ vẹ, dị ọ rẹ vavọọ kà a yọ nị. Dị ọ ka: Ọrịhị Anihiburu ọnị ọ na sị vẹ ọ ngụ tù ọnị ka ọnị ọ̀ va mẹ̀ ụhị nyị ọnị nị.

Oyinyima 49:7

Ohomorihi vaa sị ụyaa rị wu nịnị agụvị ọyịkụ awụ nịnị ọnọọ, agụvị ka ọyịkụ awụ nịnị vi ịrịịra ọnịrị ọyịkụ odivi. Ohomorihi vị ana ha wụ nịnị hị́, dị ọ gara evere awụ nịnị hị́ ịnị ẹtẹ Isirẹrị.

2 Ohinọyị 8:12

Ihazayẹrị ộ họ̀ Erisa ka, sị ẹ vẹ dị ee sụ ùnè? Di Erisa ka, agụvị ka ọnị ộ yẹ ka ịsa ọ vaa sị Anisirẹrị nịnị mẹ, e yi vee zoza ọ ka vị́ ọ vaa rị ịzị Anisirẹrị nịnịị tẹẹ hi ịra, dị ọ wụ ezwọọmụha ẹnịnị ha nị. Ezweyi-ezweyi ẹnịnị vị ọnị ọ vaa sẹ̀ wa rugu-rugu. Ọnịrẹẹ ẹnịnị vị ọnị ọ vaa há ịnẹ, dị ọ wụ̀ wa.

Ijoovu 12:4

Ọ kà ẹnịnị ẹ̀ daka ee nyi ọnị unyi booro aanị, ẹ yị nyị ịsị ọnị mẹ. Agụvị avọọ ọnị ọ mẹ̀ aduwa dị Ohomorihi wụ ọnị nị.

Ụhịrẹyị 28:15

Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ.

Ụhịrẹyị 28:17

Ayị ọza ana wụ̀ ọza ọ yị vaa nẹtẹ, ọ vaa doodo zị pooro dị o su nị. Asị a nyị ọza ana gụ ọ ụvọ.

Ayịsaya 26:21

Ẹnẹyịmavara ee chii hụrẹ ẹbẹẹba ịda anịị vẹ, dị ọ̀ va sị ụya rị aza ene hi ịnị ẹhẹ agụvị ebira odivi ẹnị ẹ yaa mẹ. Aza ana vịdị were wụ̀ ọza dị ọza ọ̀ yị yẹ vi oni iruvo ẹnịnị vaa tụ́ ẹhẹ. Aza ana a vavọọ wụ di e nē wa hi ịnị ẹtẹ vaa jịnẹẹ tụ́ ẹhẹ.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ịdanịyẹrị 3:13

Ọsọnị ohinọyị wụ́ kẹnẹ dị ayị anị nyima aa dọva nị. Dị ọ wụ̀sẹ mẹ ọda ka a na kụ́ aza ẹnị ẹyịta ẹnẹẹ va yị ọnị nị.

Ihoseya 10:14

Avọọ, ịrẹkụ vaa chị tụ́ wa, di e wú avaba aha ọyị tẹ̀ ẹnịnị. Dị ọnịvị ẹnịnị pa ịva yị wa anka Isarimani ana vị ohinọyị Imowabi mẹ mẹ̀ anẹkụra Ịbẹtị Abẹrị avọọ, dị ahịka ezi ẹnịrị ọnyị ẹnịnị vi ene tụ́ chọ̀kọ-chọ̀kọ a mẹ wụ́ wa.

Ịrịka 22:29

Dị Ịbaraamị tụ ịkẹrịkẹtẹ ohi ka agụvị ka ọ jị ọnị ụra. Ọnị ọ̀ọ nyị ụhwọ ọnị yaanị wụ̀ ọ tụ ịzẹnị booro aanị nị.

Ịrịka 24:10

Ịjị Ịbarakị vavọọ wụ́, dị ọ nyayịnẹ du ayị hi Ịbaraamị, dị ọ sị ụvọ nya ọsa, di o nowu, dị ọ kà ọnị hị́ ọ ka o chi hi ọnịvị anị, dị vana kụkụ aa mẹ̀ aduwa yị wa nị.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 2:17

Avọọ ị́sa ọnị ọnịsẹ ana aā hị́ Ijeremaya kà mẹ̀ sẹ nị.

Imatiwu 2:7

Dị Ịhẹrọdị tangwa were hị́ ọyẹrẹyị ẹnẹẹ nị. Dị ọ tangwa họ̀ wa ka ye re ụmẹ ọnị ụzọmị ọnọọ sị chị nị.

Ẹtore 12:4

Omu anị ô tura achẹta ụzọmị ẹbẹẹba, dị ọ jị wa va nya eteesu nị. Di uye odivi ọnọọ jẹẹ ọvịdị ọnẹẹ ana aa vaa ma ozi aanị, ka ọnị ọ̀ za ozi anị rị, ọ̀ọ ma a kẹnẹ nị.

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Ọdọvịdị 16:10

Ịjọnọọ, dị Iderira kà Ịsamịsịnị ka aa jị ọnị ụra, dị ẹ yị kà ịzẹyịza yị ọnị nị. Ọ kà Ịsamịsịnị ọ̀ ka ịzẹyịza yị ọnị a mẹmẹ zụ́ sụ ọọ dị asị ọ kụkụ nyị ụkata.