Imatiwu 2:13 - IWE ỌNỊNỊ

¹³ Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ.

Imatiwu 2:13 Iomraidhean Croise

1 Ohinọyị 11:17

A mẹ̀ vavọọ a wụ̀ aza, di Ihadadi ọnịrị Anedomi ẹnyị si zwe hụụ ịda ozi ahụ ada Ihadadi na ngụ Ijipiti nị. Ụmẹ ọnọọ Ihadadi vi ozweyi kiiki aanị.

1 Ohinọyị 3:5

Isoromọnị mẹ̀ yà Igibiya ịzọọ ẹkụhị ọnya, dị Ẹnẹyịmavara sị ẹngụ zụ̀ ọ ịnị ụra ịrahụ nị. Di Ohomorihi ka, “Huse ịsị wee si ka ma sị wụ!”

Ijoovu 33:15

Ịrahụ vị ana ka ịrẹyị ịnị ụra ọnịrị ịnị etore irenyi-irenyi.

Ijoovu 33:17

Ohomorihi vị anaa vavọọ ka a agụvị e ro ịnẹ hụụnị ebira odivi ẹnịnị, dị asị ẹ rẹ sị ẹngụ tụ ẹba.

Ọyịkụra 1:22

Di Ihwarawo kụkụ va mẹ ọda dị ọ kà a yị avaba aza anị dị ọ ka, “Avaba ozi ọnọrụ anị Anihiburu ọ̀ọ ma è ne ne wa ngụ irehu Ịnayịrị. Ama à navọ ozi ọnẹẹ ẹnị ẹ̀ẹ ma.”

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Imatiwu 2:12

Ohomorihi ộ ka wa ọnọ ịnị ụra ka à sị ẹ varẹma nọ ịdị Ịhẹrọdị; agụvị avọọ, dị ẹnịnị zị oze ọsa, dị ẹyaa nọ eehi ẹnịnị nị.

Imatiwu 2:14

Dị Ijosẹẹhụ kwẹẹtẹ, dị ọ sị ozi ọnọọ ọnịrị ọnyị anị ịrahụ, dị ẹ nọ Ijipiti nị.

Imatiwu 2:16

Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.

Imatiwu 2:22

Ama ịjị Ijosẹẹhụ wụ ka Achẹrọsị ọ dọ ada anị Ịhẹrọdị ịrẹsụ ịnị ẹtẹ Ijudiya nị, angwa ô hí ọ ọyị nọ ịzọọ. Ohomorihi ộ kà a ọnọ ịnị ụra, dị ọ tangwa na yà Igariri nị.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 10:7

Dị anggẹẹrị ene ee pe e kà ịrẹyị, si hu nị. Dị Ịkọnẹrịyọsị hị́ ezi ahụ anị ẹẹva beri isoja ọnya ana rẹ nyị ahẹkẹ, ana aa mẹ̀ ụkọrọ yị Ịkọnẹrịyọsị ọnị ụvọta.

Odeyi 12:11

Dị Ipita sị yẹ ịsị ẹ mẹ, dị ọ ka, “Booro aanị, ma sị yẹ ka ịzẹyịza yọ. Ananyị yị ọ raà tụ́ anggẹẹrị anị ka ọ̀ va dọ mị hụụnị ụvọ Ịhẹrọdị ọnịrị avaba ịsa ana Aniju nịnị ro ka ẹnị vaa mẹ.”

Odeyi 12:7

Kẹnẹ, dị anggẹẹrị Ohomorihi vana va jẹẹ ịzọọ dị ẹtẹ hweyi ini irehi ẹngwa nị. Dị anggẹẹrị ọnọọ sị ụvọ nya Ipita ịza, dị ọ ha a, dị ọ ka ọ̀ wụsẹ kwẹẹtẹ nị. Dị ẹba ẹnẹẹ wụsẹ ngwara hụụnị ụvọ Ipita nị.

Odeyi 16:36

Dị ọga anịnẹngwa kà a yị Ịpọọrụ ka, “Ọmọkarẹyị ệ tụ́ vẹ ka à hụrẹ ẹwụrị Isira ụvọ. Agụvị avọọ waa na ịnị ẹngwọọrọ nịnị!”

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Odeyi 7:19

Ohinọyị ọnọọ ô vene ohiku ayị nịnị, dị ọ chamayị yị wa nị. Dị ọ ka ada ayị nịnị ẹ̀ kụ́ ezi eweyi ẹnịnị hi ẹhẹ, agụvị di è sú nị.

Ijosuwa 3:13

Obobooro ọnị ohirẹsụ irehi Ohomorihi nịnị ana za apoti oto Ẹnẹyịmavara, ana nyị avaba ẹhẹ mẹ jị ahụ ngụ irehu Ijodani kẹnẹ, enyi ene si chi vẹ vaa za jẹẹ. Dị ọ za gụ jẹẹ anka ọza o rere jị akata yị enyi avọọ nị.

Ijosuwa 3:17

Dị aza ana za apoti oto Ẹnẹyịmavara jẹẹ ịnị akana irehu Ijodani pooro dị avaba Anisirẹrị jịnẹ ẹ ta nị.

Ijosuwa 4:10

Ẹnị ohirẹsụ irehi Ohomorihi ana za apoti oto ọnọọ vị ana saasa ọda Ẹnẹyịmavara ọnị Imosiisi ka yị Ijosuwa. Ẹnịnị vị ana a jẹẹ ịnị akakana irehu pooro dị avaba Anisirẹrị jịnẹ irehu ọnọọ ne tu akẹnẹ anị.

Ijosuwa 4:18

Obobooro ọnị ohirẹsụ ẹnẹẹ jịnẹ tụ ẹhẹ dị irehu ọnọọ vana kụ́ ọhaara dị o hi na ka abobo anị anka ọ mẹ vịdị ya nị.

Ẹtore 12:14

Dị a sị avaka ọkasịmẹ ọbanyị ẹẹva yọ ka ò si hira nọ aha anị ịnị ụnọmị nị. Ịzọọ a vaa yàa pá a mẹ ịrayị ẹẹta rị ẹjịjị, dị asị ẹwụ ọnọọ zụ kanyị ọọ nị.

Ẹtore 12:4

Omu anị ô tura achẹta ụzọmị ẹbẹẹba, dị ọ jị wa va nya eteesu nị. Di uye odivi ọnọọ jẹẹ ọvịdị ọnẹẹ ana aa vaa ma ozi aanị, ka ọnị ọ̀ za ozi anị rị, ọ̀ọ ma a kẹnẹ nị.

Ẹtore 12:6

Dị ọnẹẹ ọnọọ zwe na ngụ ịnị ụnọmị, ịzị Ohomorihi tenyi tịtẹ yọ ka à yà pá a pooro dị ọ̀ mẹ ẹkụhị akahị tụra ịrẹka ộ tụra ẹbẹẹta nị (1,260).