Imatiwu 2:12 - IWE ỌNỊNỊ

¹² Ohomorihi ộ ka wa ọnọ ịnị ụra ka à sị ẹ varẹma nọ ịdị Ịhẹrọdị; agụvị avọọ, dị ẹnịnị zị oze ọsa, dị ẹyaa nọ eehi ẹnịnị nị.

Imatiwu 2:12 Iomraidhean Croise

Oyinyima 31:24

Ịnị ịrahụ, di Ịrabanị anakẹbẹẹba Imesopotemiya ra ụra re Ohomorihi nị. Di Ohomorihi kà a yọ dị ọ ka, “Mẹ hẹẹ, ọ ka asị a nyị ịsị ọ mẹ Ijekọvụ vụrụ-vụrụ.”

Ọyịkụra 1:17

Ama anẹẹ ana aā mẹ ọgụvọọ yị anẹẹ Anihiburu aanị ẹnị ệ nyị angwahi Ohomorihi. Ẹnịnị ẹ yị sị ịrẹyị ohinọyị Anijipiti mẹ̀ ụkọrọ. Èe re ka ozi ana aa ma vị ọnọrụ, ẹnịnị ẹ yị wụ̀ ọ.

Ịdanịyẹrị 2:19

Ịrahụ ọnọọ dị Ohomorihi sị ụra ọnị ọza ẹ yị yẹ́ aanị zụ Ịdanịyẹrị nị. Ịdanịyẹrị sị ụga yị Ohomorihi ana nyị ẹbẹẹba,

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Imatiwu 2:13

Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ.

Imatiwu 2:19

Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị,

Imatiwu 2:22

Ama ịjị Ijosẹẹhụ wụ ka Achẹrọsị ọ dọ ada anị Ịhẹrọdị ịrẹsụ ịnị ẹtẹ Ijudiya nị, angwa ô hí ọ ọyị nọ ịzọọ. Ohomorihi ộ kà a ọnọ ịnị ụra, dị ọ tangwa na yà Igariri nị.

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Iruuku 2:26

Ộ vịdị sị zụ̀ ọ ka o yi vee sú pooro di ò re Ikirisiti oni Ohomorihi aa tụ́ụ vẹ ẹhẹ.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 4:19

Dị Ipita ọnịrị Ịjọọnụ tụ́ ohi dị ẹ ka, “Ẹwụ nịnị ọ̀ kà a dị a re, ọ́ọ́ vọrọ ini eyi Ohomorihi ka ya wụ́ ịrẹyị awụ nịnị huna ịrẹyị Ohomorihi?

Odeyi 5:29

Dị Ipita ọnịrị odeyi ana vọ tụ́ ohi, dị ẹ ka, “Â nyị ka ya wụ́ ịrẹyị Ohomorihi hu ọ́ọza.

1 Anịkọrịntị 3:19

Ịsị anẹhẹ aa hị́ ịrẹyọyẹ vị ụra ini eyi Ohomorihi. Áa vịdị chẹrẹẹ tụ́ ini Iwe Ohomorihi ka, “Ohomorihi ọ raà za ọyẹrẹyị nịnị ini irikichi ẹnịnị.”

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Anihiburu 8:5

Ohirẹsụ irehi Ohomorihi ẹnẹẹ vị ọnị ụkọrọ ẹnịnị aa sịị zụ̀ ịsa obobooro ana yà ẹbẹẹba. Yáa yẹ ka ịnị ụmẹ oni Imosiisi aa vaa jị ajẹngụ Ohomorihi, Ohomorihi óo hú ọọ ụvọ ka ò re ka ọnị ọ́ọ mẹ avaba anị anka ịsị ọnị sị zụ̀ ọọ gẹdẹ-gẹdẹ ị́rẹsụ ataba.