Imatiwu 2:1 - IWE ỌNỊNỊ

¹ Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 2:1 Iomraidhean Croise

Oyinyima 10:30

Ẹtẹ ẹnị ẹ ra hi ịnị anị ộ hụrẹ Imesa ózee ẹkụra Isepara na ngụ ịnị ataba ene hi eyi ịzị ọyịị̄ zịị vẹ.

Oyinyima 25:6

Ama di o ve sú, ộ kụ́ ịsa mẹ ezi oni ese anị ọsa ma yọ ẹyịza. Dị ọ va ka ẹ̀ hụụnị eehi yị Ayiziiki nị. Ộ ka ẹ̀ nọ ẹkụra ana yà oze ọnị ọyịị̄ zịị vẹ.

Oyinyima 41:8

Ịjị eyi sị nị̄, ayị anị ọ yị nẹtẹ. Di ọ va tụ́ na hị́ avaba ọvavo ene hi Ijipiti ọnịrị ọyẹrẹyị, dị ọ kà ụra ọnị ọ ra zụ̀ wa nị. Ama ẹ yị va nyị ọza ikonya ana zụ kà iruvo ụra ẹnẹẹ yị Ihwarawo.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

1 Ohinọyị 4:30

Isoromọnị ộ yẹ ịrẹyị huna avaba ọnị ene hi ịzị ọyịị̄ zịị hụrẹ. Ọ rẹ yẹ ịrẹyị huna avaba Anijipiti.

1 Ịtọpa 2:51

Ozi ụpọhụva anị Ịsarịma, ọ vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtị-Ịgada nị.

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imatiwu 1:25

Ama ọ yị yẹ ahwaahụ anị pooro dị ọ ma ozi ịpaapa anị ọnọrụ, dị ọ sị́ ịrẹha yọ ka ọnị ọ rị Ijeesu nị.

Imatiwu 2:16

Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.

Imatiwu 2:19

Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị,

Imatiwu 2:3

Ịjị Ịhẹrọdị maanị wụ́, ayị anị ọ yị nẹtẹ, ayị avaba Anijerusarẹmị nịnị ẹ́ yị rẹ nẹtẹ bẹẹ.

Imatiwu 2:5

Dị ẹ ka Ịbẹtịrẹhẹmị ịnị ẹtẹ Ijudiya yọ nị, agụvị ka avọọ ọnịsẹ mẹ chẹrẹ ẹ tịtẹ ka:

Imatiwu 2:7

Dị Ịhẹrọdị tangwa were hị́ ọyẹrẹyị ẹnẹẹ nị. Dị ọ tangwa họ̀ wa ka ye re ụmẹ ọnị ụzọmị ọnọọ sị chị nị.

Iruuku 1:5

Ịnị ụmẹ ọnya aanị ọnị Ịhẹrọdị vị ohinọyị Ijudiya, â nyị ohirẹsụ irehi Ohomorihi ọnya ana aā hị́ Ịzakaraya. Ini ogu Abija Ízakaraya yà nị. Ose anị vị ozi Eerọnị, ịrẹha anị ọ rị Erizabẹẹtị nị.

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Iruuku 2:15

Ịjị anggẹẹrị ẹnẹẹ sị hụụ ịdị ẹnịnị varẹma nọ ẹbẹẹba, di oseratẹmẹ ẹnẹẹ kà a yị ẹngụ ka, “À vẹ vị ya yịị nọ Ịbẹtịrẹhẹmị booro aanị, di ye ne re ịsa ana mẹ, oni Ohomorihi Ananyị yị va kà yị aanị.”

Ịjọọnụ 7:42

Áá vi Iwe Ohomorihi kà a ka ịpa evere Idevidi Íkirisiti vaa hụrẹẹ vẹ nị; dị ahịka Ịbẹtịrẹhẹmị a yà ma a nị. Ịzọọ Ídevidi vịdị ra nị.”

Ọdọvịdị 17:7

 nyị ozi Anireevi ọnya ịnị ẹkụra Ịbẹtịrẹhẹmị ịnị ẹtẹ Ijuda dị ọ vị ozi ịnị abara Ijuda nị.