Imatiwu 19:16 - IWE ỌNỊNỊ

¹⁶ Ẹkụhị ọnya ọza ịnya ộ vẹ ịda Ijeesu, dị ọ kà a yọ ka, “Ọga ọyịza, sẹ vị ịsa ozoza ana a vọrọ ka ma mẹ, dị ma nyẹngụ yàra pooro zịna-zịna ị́da Ohomorihi?”

Imatiwu 19:16 Iomraidhean Croise

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Imatiwu 19:15

Dị ọ sị ụvọ tụra wa, dị ọ hụụ ịzọọ nị.

Imatiwu 19:26

Ijeesu ô re wa, dị ọ ka ọza ọ rẹ ẹ̀ yị zụ mẹ̀ ẹ nị, ama Ohomorihi ọ zụ mẹ̀ ẹ, agụvị ka ẹ yị nyị ịsị Ohomorihi ọ̀ yị zụ mẹ.

Imatiwu 19:29

Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Ịjọọnụ 10:28

Maa mẹ ka ẹnịnị ẹ̀ yàra pooro zịna-zịna; e mē vene vu ẹtẹ paa, ẹ yị nyị ọza ana rẹ nyẹngụ dọ wa hụrẹ mị ụvọ.

Ịjọọnụ 12:25

Ọza ene èe sì ịrẹyị ụhwẹ anị, vi ee vú ọọ nị; ama ọza ene èe hí ayị ụhwẹ anị ịnị ẹhẹ ọnọnị, ọnị ụ́hwẹ anị vaa yàra nị, dị ọ yàra ịdị Ohomorihi pooro zịna-zịna.

Ịjọọnụ 3:15

agụvị aza ana àa sị ayị tụra mị, asị e kuku vu ẹtẹ, ama dị ẹ̀ zụ yára ị́dị Ohomorihi pooro zịna-zịna.”

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ịjọọnụ 5:39

Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

Ịjọọnụ 6:47

“Ịzẹyịza m maa kà a wụ nị, ọza ana àa sị ayị tụra mị, Ohomorihi ọ raà mẹ ka ọ̀ yàra pooro zịna-zịna da.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Odeyi 16:30

Dị ọ kụ́ wa jịnẹ tụ́ ẹhẹ, dị ọ ka, “Nda, sị a vọrọ ka ma mẹ dị ma zụ há nịnị?”

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Aniroomi 5:21

Yê re ka iswọọza ộ sị zụ̀, ịvị mẹmẹ nyị ụkata. Avọọ gẹdẹ-gẹdẹ ị́hị oni Ohomorihi jị yị ọza ọnị mẹ̀ rẹ sị zụ̀, ayamva Ohomorihi ọnị mẹ̀ rẹ nyị ụkata nị. Dị ọ rẹ mẹ ka aza ẹ̀ yàra ị́dị anị pooro zịna-zịna agụvị Ijeesu Ananyị yị Ikirisiti nị.

1 Itimoti 1:16

Agụvị avọọ Ohomorihi va vayị amị nị, agụvị dị Ijeesu Ikirisiti ò re oze sị zụ̀ aza ka ọnị ọ́ọ nyị isuuru ẹtẹẹtẹrẹ, ịnị ka ộ nyị isuuru yị ẹmị ene divi hu avaba aza. Ọnọọ vaa mẹ ka aza anaa vanaa sị ayịị tụra, dị ọ̀ mẹ ka ẹ̀ yàra pooro zịna-zịna, ẹ̀ zụ kọ ịrẹyọyẹ hụụnị anị.

1 Itimoti 6:12

Re ka waa vụ̀ ịrẹvụ ẹdọwụ! Re re ka ụvọ awụ óo kú ka wa yàra ị́da Ohomorihi pooro zịna-zịna! Agụvị avọọ Óhomorihi hị́ wụ nị. Wáa sị irenu dọ ka wáa sị ayị tụra Ijeesu éyi aza ọrụrụ-ọrụrụ.

1 Itimoti 6:19

Ẹ̀ẹ vavọọ aa mẹ, dị ẹyaa kụ́ ịsaa tẹẹ yị ẹngụ ẹnịnị ana ahịka ọ vaa vị ịsa ẹtẹẹtẹrẹ yị wa ụhwọọ, agụvị dị ụvọ ẹnịnị ò zụ kú ẹhẹ obooro.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Ịtayịtọsị 3:7

Ohomorihi ộ jịhịị yị ini oze ayamva anị, agụvị avọọ ị vaa yara ị́dị Ohomorihi pooro zịna-zịna. Ịsị yaa tụra eyi anị ọ vị ọnọọ nị.

1 Ịjọọnụ 1:2

Ịrẹyị ọnọọ anaā mẹ ka ọza ọ̀ yara ộ sị ẹngụ zụ̀ gedebee; Yê ré e, dị ị raa dọ ivenu ani nị. Ị raa kà a wụ nịnị ini oze ịrẹyị ọnọọ anaā mẹ ka ọza yara ịdị Ohomorihi pooro zịna-zịna. Ịrẹyị ọnọọ ana vịdị yà ịdị Ohomorihi Ada ayị ộ sị ẹngụ zụ̀ yị.

1 Ịjọọnụ 2:25

Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ijudi 1:21

Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna.