Imatiwu 18:9 - IWE ỌNỊNỊ

⁹ Àa vị eyi awụ ọ mẹ ka wa mẹ ịvị nị, tụ̀ ọọ ne ta! Ộ dahi ka wa nyị eyi ọnya dị ụ wa yàra pooro, hu ka wa nyị eyi ẹyịva, di è ne wu ngụ ini ẹkụra.”

Imatiwu 18:9 Iomraidhean Croise

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Imatiwu 18:8

Agụvị avọọ, àa vị ụvọ awụ, à vị ahụ awụ ọ mẹ ka wa mẹ ịvị nị, jị wa ne ta! Ộ dahi ka wa vị ọjavụ dị ụ wa yàra pooro, hu ka wa nyị ụvọ ẹyịva, àa vị ahụ ẹyịva, ama di è ne wu ngụ ịnị ịra ene è yi mē mi pooro.

Imatiwu 19:17

Dị Ijeesu kà a yọ ka, “Sị ẹ vẹ dị waa hị́ mị ‘Ọga ọyịza’? Ẹ yị nyị ọza ọyịza ikonya vụrụ-vụrụ, ẹ̀ yị vị Ohomorihi ọnịnya kẹnẹ. Ama wèe sì ka wa yàra pooro zịna-zịna, sị ụvọ za ọda!”

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Imatiwu 5:29

Eyi ụvọrị awụ ọ̀ọ mẹ ka wa mẹ ịvị, tụ̀ ọ kwooze, di u we ne e ta! Agụvị ka ọ́ọ gụụ wụ ka ọchẹngụ awụ ọnya ọ̀ dà vú hu ka è ne ẹwụ ụvọta ngụ ẹkụra.

Ịmaakị 9:47

Àa vị eyi awụ ọ mẹ ka wa mẹ ịvị nị, tụ̀ ọọ ne ta! Ộ dahi ka wa sị eyi ọnya ngụ ịzị Ohomorihi yà aa mẹ ịjọva, hu ka wa nyị eyi ẹyịva, dị ụ wa ngụ ini ẹkụra,

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Anihiburu 4:11

Agụvị avọọ, à vẹ yaa sịị vụrị, dị ya zụ ngụ ịnị ụhwọtụ ọnọọ. Asị a nyị ọza ana na mẹ akamawụ anka ohiku ayị nịnị.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.