Imatiwu 18:4 - IWE ỌNỊNỊ

⁴ Agụvị avọọ, ọza ana àa kà ẹngụ anị chí anka ozi ọnọnị, ọza ọnọọ o hu keekere ịzị Ada ayị ẹbẹẹba yà aa mẹ ịjọva nị.

Imatiwu 18:4 Iomraidhean Croise

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Imatiwu 18:1

Ụmẹ ọnọọ gẹdẹ-gẹdẹ di ezirẹma Ijeesu kà vẹ, dị ẹ ka, “Ẹnẹ hu keekere ịzị Ohomorihi yà aa mẹ ịjọva?”

Imatiwu 18:3

dị ọ ka, “Ịzẹyịza m maa kà a wụ nịnị, ẹ̀ yị vị ụ vara ebira awụ nịnị dị ụ wa yà anka ozweyi avọọ, wẹ yị vaa ngụ ịzị Ada ayị ẹbẹẹba yà aa mẹ ịjọva nịnị vụrụ-vụrụ.

Imatiwu 18:5

Ọza ana àa dọ ẹngụ ozweyi ọnọnị pe ẹngụ agụvị ịrẹha amị, ẹmị ọ rẹ dọ pe ẹngụ avọọ nị.”

Ịmaakị 10:43

Ama ẹ yị vọrọ ka áawụ nịnị ọ̀ vavọọ yà. Ọza ene èe sì ka ọnị ọ̀ nyị ụbanyị ịnị awụ nịnị, â vọrọ ka ọ̀ọ hẹkẹ wụ nịnị.

Ịmaakị 9:34

Ẹnịnị e yi tụ́ ohi, agụvị ka ẹ màa vẹ óze, ê pe ẹngụ nyị ahankata ka ene hu ịnị ẹnịnị.

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Iruuku 9:48

Dị ọ kà a yị wa ka, “Ọza ana àa dọ ẹngụ ozweyi ọnọnị pe ẹngụ agụvị amị, ẹmị ọ rẹ dọ pe ẹngụ avọọ nị. Ọza ana àa dọ mị pe ẹngụ, ọza ana tụ́ mị vẹ ẹhẹ, ọ rẹ dọ pe ẹngụ avọọ nị. Ọza ana ka ẹngụ anị chi hu ịnị awụ nịnị, oni o hu keekere nị.”

Ijemiisi 4:10

Kà ẹngụ awụ nịnị chi ọvịdị Ohomorihi Ananyị yị, ka ọ vaa sị wụ nịnịị tụ́ ẹba!

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.