Imatiwu 18:3 - IWE ỌNỊNỊ

³ dị ọ ka, “Ịzẹyịza m maa kà a wụ nịnị, ẹ̀ yị vị ụ vara ebira awụ nịnị dị ụ wa yà anka ozweyi avọọ, wẹ yị vaa ngụ ịzị Ada ayị ẹbẹẹba yà aa mẹ ịjọva nịnị vụrụ-vụrụ.

Imatiwu 18:3 Iomraidhean Croise

Ahẹ Ụgama 131:2

M maanị mẹ ẹngụ amị hẹẹ ozinụvọ ọnị ọnyị anị sị rị ụvọ avọọ nị. Avọọ m mẹ tangwa za ẹngụ amị hẹẹ nị.

Ayịsaya 6:10

Ọ kà ma mẹ ka azị aza ẹnẹẹ kụkụ tẹsị ịrẹyị anị, dị asị ẹ kụkụ zụ wụ́ ịrẹyị dị asị ẹ rẹ kụkụ zụ sị eyi ẹnịnị re ẹtẹ. Ọ kà ẹnịnị èe sị eyi ẹnịnị re ẹtẹ, dị ẹ na sị ịrẹyị wụ́ nị, ẹ nyayịnẹ vara ebira ana vaa mẹ ka a dọ wa ha.

Imatiwu 13:15

Agụvị ka ụmatẹsị yà ịnị ayị aza ẹnẹnị. Ẹnịnị ẹ raà sị ịsa kú ụtọ ẹnịnị, di e re kú eyi ẹnịnị oku nị. Agụvị ka ẹ̀ yị vị avọọ, ẹ va sị eyi ẹnịnị re ẹtẹ, dị ẹ sị ụtọ ẹnịnị wụ́ ịrẹyị, dị ẹ sị yẹ ịnị ayị ẹnịnị, ịjọnọọ dị ẹ sị và ká Ohomorihi vẹ, dị Ohomorihi sị wa mẹ ụkụ.’

Imatiwu 18:2

Ijeesu ộ hị́ ozi ọnya, dị ọ sị ọọ jẹẹ ịnị akakana ẹnịnị nị,

Imatiwu 18:4

Agụvị avọọ, ọza ana àa kà ẹngụ anị chí anka ozi ọnọnị, ọza ọnọọ o hu keekere ịzị Ada ayị ẹbẹẹba yà aa mẹ ịjọva nị.

Imatiwu 19:14

Ama dị Ijeesu kà a yị wa ka, “Navọ ezi eweyi nịnị ẹ̀ vẹ ịda amị, asị ụ dọ wa oro, agụvị ka ẹngụ ẹnịnị ẹ nyị ịzị Ada ayị ẹbẹẹba yà aa mẹ ịjọva nị.”

Imatiwu 19:23

Ịjọnọọ dị Ijeesu kà a yị ezirẹma anị ka, “Ịzẹyịza m maa kà a wụ nịnị nị, ọ vaa daa tụ́ akanyaa yị ọnyẹkẹhị nịnị kẹnẹ, dị ẹ̀ zụ ngụ ịzị Ada ayị ẹbẹẹba yà aa mẹ ịjọva.

Imatiwu 5:18

Ịzẹyịza, mị kà wụ nịnị nị, pooro dị ẹbẹẹba ọnịrị ẹhẹ ọ̀ ta, ẹ yị nyị ikonya ịnị ọda ana vaa jịị ha vụrụ-vụrụ. Avaba anị saka-saka ọ vaa sẹ nị.

Imatiwu 5:20

Maa kà a wụ nịnị ka ẹ̀ yị vị ịzẹyịza awụ nịnị huna ọ́ọzwọzọda nịnị ọnịrị Áanihwarisi nịnị, wẹ yị va nyẹngụ ngụ ịzị Ada ayị ẹbẹẹba yà aa mẹ ịjọva nịnị.”

Imatiwu 6:16

“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Imatiwu 6:2

Agụvị avọọ, wàa mẹ ẹyịza, asị ụ nọọ ẹngụ awụ, anka ónogevegeve nịnị mẹ̀ẹ̄ mẹ ini irehi ahẹkẹ Aniju ọnịrị ini orere ka aza ẹ̀ẹ ga ẹnị. Ịzẹyịza mị kà wụ nị, ẹ sị ọgụ ẹnịnị dọ da.

Imatiwu 6:5

Wàa mẹ̀ aduwa, asị ụ mẹ̀ anka ọmọzakụyẹ nịnị. Eē sì ka ẹnị ẹẹ̄ jẹẹ ini irehi ahẹkẹ Aniju ọnịrị ini oreree mẹ̀ aduwa ka aza è zụ re ẹnị. Ịzẹyịza, mị kà wụ nịnị nị, ẹ sị ọgụ ẹnịnị dọ da.

Ịmaakị 4:12

agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ yẹ ịsị ẹyaa wụ́, agụvị asị e ro ịnẹ varẹma, dị Ohomorihi ọ̀ va na vagu wa ịnị ịvị ẹnịnị.”

Iruuku 13:24

“Sị vụrị dị ụ wa zị oze dẹẹrẹ ngụ eehi nịnị! Dị ma kà a wụ nịnị ka aza ọrụrụ vee sì ka ẹnị ẹ̀ ngụ eehi, dị ẹ̀ yị zụ ngụ ọọ.

Iruuku 22:32

Ama ma raà mẹ̀ aduwa yị wụ ka asị ẹdọwụ awụ jị wụ ụvọ. Ịjị ụ wàa sị và ká mị vẹ, dị ụ waa sị ụkataa yị ẹyịnyara awụ ana vọ!”

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịjọọnụ 3:5

Dị Ijeesu rẹ ka, “Dị ma kà ịrẹyị ịzẹyịza yị wụ, ẹ yị nyị ọza ana zụ ngụ ịzị Ohomorihi yà aa mẹ ịjọva, ẹ̀ yị vị a sị enyi ọnịrị Ụhwẹ Ọnịnị tenyi ọọ ma.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 28:27

Agụvị ka arịmatẹsị yà ịnị ayị ẹnịnị, ụtọ ẹnịnị o si gu, eyi ẹnịnị o re si gu. Agụvị ka ẹ va sị eyi ẹnịnị re ẹtẹ, dị ẹ sị ụtọ ẹnịnị wụ́ ịrẹyị, dị ayị ẹnịnị sị ịrẹyị yẹ, dị ẹ zị và ká Ohomorihi vẹ, dị ọ sị wa mẹ ụkụ.”

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.