Imatiwu 18:12 - IWE ỌNỊNỊ

¹² Si u ro ịnị ịrẹyị ọnọnị nịnị? Ọza ọ̀ọ nyị atẹmẹ ẹchẹhị, dị ọnya ịnị ẹnịnị nyeeyi nị, wéé ro ka ọyị vaa navọ ọ jị ọnya ha ịnị ẹchẹhị ana vọ hi ẹtẹ, di ò nee sì ene nyeeyi aanịị ngụ ịnị ataba zịịzị?

Imatiwu 18:12 Iomraidhean Croise

1 Ohinọyị 21:17

Ịnị ụmẹ ọnọọ dị Ẹnẹyịmavara na kà a yi Erija ana vi Anitisibi dị ọ ka

Ahẹ Ụgama 119:176

Me si nyee eyi anka atẹmẹ ene vu avọọ. Navọ we ve sì ẹmị ozi ahụ awụ, agụvị ka me yi hí ayị ọda ọnị ụ mẹ.

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ezikẹẹrị 34:16

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Ezikẹẹrị 34:28

Ẹnịnị ẹ́ yị ma vana vị ịsọyịrị yị anẹkụra-ẹkụra nịnị. Uye edivi ẹ́ yị ma vana na wa rị. Ẹnịnị vaa ra ẹngwọọrọ-ẹngwọọrọ; dị ẹ́ yị nyị ọza ene kuku ee chire wa angwa.

Ezikẹẹrị 34:4

Wẹ́ yị tẹsị ẹnị ana tụ ọkụmị nịnị, ẹnẹ ẹngụ aa zị, wẹ yị tẹsị ẹnịnị ka ẹngụ ẹnịnị ọ̀ ta. Ẹnị ẹnẹ che ahụ, wẹ yị jị ịsa hi ọ yị wa ka ọ̀ vị. Ẹnị ana ha ngụ avị, dị e sị vu, wé yị ne sì wa, dị wa kụ́ wa vavẹ nịnị. Ama dị wa chamayịị yị wa nịnị nị.

Ezikẹẹrị 34:6

Atẹmẹ ọnị ẹ́ kụkụ naa ngụ ịrẹsụ ataba-ataba zịịzị. Ẹnịnị ẹ kụ gara hi avaba ẹhẹ. Ẹ́ yị nyị ọza ene ne sì wa.

Imatiwu 12:11

Dị Ijeesu họ̀ wa use ka, “Àa nyị ọza awụ nịnị ana nyị atẹmẹ ọnya, dị ọ hụrẹ ne ngụ ịkangga ịnị ẹkụhị ụhwọtụ yọ? Aanịka wẹ yị vaa sị ọọ jịnẹẹ tụ́ ẹhẹ nịnị?

Imatiwu 18:13

Òo si oo re, ịzẹyịza m maa kà a wụ nị, ọ vaa jẹ ịrajẹ anịị huna ọ jị ọnya ha ịnị ẹchẹhị ana vọ ene è yi nyeeyi.

Imatiwu 21:28

“Si u ro ịnị ịrẹyị ọnọnị nịnị? Ọnọrụ ọnya yà ịzọọ, ộ nyị ezi anọrụ ẹẹva. O ne tù ọnịpaapa, dị ọ kà a yọ ka: ‘Nọ ịnị ụbazị amị, dị ụ wa na mẹ̀ ụkọrọ ịzọọ ajịnị!’

Imatiwu 22:42

dị ọ ka, “Si u ro ini oze Ikirisiti nịnị; ẹnị ọ vị ozi anị?” Dị ẹnịnị ka, “Ozi Idevidi ọ vị nị.”

1 Anịkọrịntị 10:15

Mâ yẹ ka wâ yẹ ịrẹyị nịnị; ẹwụ ụvọta ọ̀ daka zama ịrẹyị ọnị maa kà aanị re!

1Ipita 2:25

Vị ụ vịdị sị mẹẹ anka atẹmẹ ene vú nịnị avọọ nị, ama booro aanị wa zị vavẹ ịdị Ọza ene ee sere wu nịnị, dị ọ raa tẹsị awụ nịnị.