Imatiwu 17:7 - IWE ỌNỊNỊ

⁷ Dị Ijeesu vẹ, dị ọ sị ụvọ kanyị wa, dị ọ ka, “Kwẹẹtẹ asị u rè hí angwa nịnị!”

Imatiwu 17:7 Iomraidhean Croise

Ịdanịyẹrị 10:10

Kẹnẹ dị ọza ịnya vana sị ụvọ gẹ ọnị nị. Dị ọnị sị ụvọta ọnịrị idinku ka ẹtẹ dị ọnị aa dọ ẹgahị nị.

Ịdanịyẹrị 10:18

Dị ịsa ọnya ana sị mẹ anka ọza avọọ rẹ va sị ụvọ kanyị ọnị dị ọ mẹ ka ọnị ộ nyị ụkata nị.

Ịdanịyẹrị 8:18

Ọ kà, ọ́ maa ka ịrẹyịị yị ọnị dị ọnị va eyi ku ẹtẹ dị ara vavọọ dọ ọnị nị. Ama dị ọ́ za ọnị, dị ọ sị ọnị vọrọ jẹẹ nị.

Ịdanịyẹrị 9:21

Ọnị mẹ vavọọ aa yị mẹ̀ aduwa, dị ọnị vene ré Igebirẹẹrị ọnị ọnị vịdị ré ịnị ẹtẹ ịpaapa ọnị ọnị ré nị. Dị o hira hẹẹ ve tu ọnị nị. Ụmẹ anaā sịị mẹ̀ ịsọvọ oruva ọ vavọọ sị vẹ nị.

Imatiwu 14:27

Dị Ijeesu wụsẹ kà ịrẹyị yị wa nị, dị ọ ka, “Và ayị nẹtẹ nịnị! Ẹmịị yọ nị, asị u hí angwa nịnị!”

Imatiwu 17:6

Ịjị ezirẹma anị wụ́, ệ và eyi ku ẹtẹ, angwa ô hí wa ẹtẹẹtẹrẹ.

Imatiwu 17:8

Ịjị ẹ kụ̀rà eyi tụ́ ẹba, e yi kuku re ọza ọnyọọnyị, ẹ̀ yị vị Ijeesu ọnịnya kẹnẹ.

Iruuku 24:5

Dị anyẹnẹẹ ẹnẹẹ ê hí angwa, dị ẹ kà eyi ngụ ẹtẹ nị. Dị aza ẹnị ẹyịva ẹnẹẹ ka, “Sị ẹ vẹ di u wee sì ọza ireyi-ireyi ịnị akakana oku nịnị?

Odeyi 9:6

Kwẹẹtẹ, dị ụ wa nọ ịnị ẹkụra ọsọọ; a vaa kà a wụ ịsị a vọrọ ka wa mẹ.”

Ẹtore 1:17

Ịjị mi re e, dị mị hyẹdụ nya ẹtẹ ọ́vịdị anị anka oku avọọ nị. Dị ọ sị ụvọrị anị tụra mị, dị ọ ka, “Asị ụ hí angwa; ẹma vị ọnịpaapa ọnịrị ọdịrẹma nị.