Imatiwu 17:6 - IWE ỌNỊNỊ

⁶ Ịjị ezirẹma anị wụ́, ệ và eyi ku ẹtẹ, angwa ô hí wa ẹtẹẹtẹrẹ.

Imatiwu 17:6 Iomraidhean Croise

1 Ịtọpa 21:16

Idevidi ô re anggẹẹrị ọnọọ ka ọ jẹẹ ịnị ahị. Ộ sị ụhwọ rị ụvọ enee ve sii vu Ijerusarẹmị ẹtẹ. Dị Idevidi ọnịrị azọkụ-azọkụ Anisirẹrị ana kụ́ ịta anaā sịị zị ẹngụ, dị ẹ ku ẹtẹ nị. Avaba ẹnịnị vị ana kụ́ ịta ana aa sịị̄ zị ẹngụ hi ẹngụ.

Ezikẹẹrị 3:23

Ịzẹyịza, ọnị ộ nọ inozi ịnozi ịzọọ, dị ọnị re ụbanyị Ẹnẹyịmavara anka ọnị mẹ vịdị re e ụtọ irehu Icheba nị. Ezikẹẹrị ka ọnị me re e, dị ọnị và eyi ku ẹtẹ nị.

Ezikẹẹrị 43:3

Ọ kà ẹtẹ ọnị ọnị ré aanị vị ana sị mẹẹ anka ẹngụ ọnị ọnị ré ụmẹ ọnị Ohomorihi sị ve vú Ijerusarẹmị ẹtẹ. Ô re vene ẹngụ ẹtẹ ọnị ọnị ré ụtọ irehu Ịchẹẹba ụmẹ ọnya aanị. Dị ọnị ne ẹngụ anị nyẹtẹ, dị ọnị và eyi ku ẹtẹ nị.

Ịdanịyẹrị 8:17

Ịzẹyịza dị Igebirẹẹrị kà pe ọnị nị. Ọ mẹ kà pe ọnị, angwa ô hí ọnị, dị ọnị hyẹdụ va eyi ku ẹtẹ nị. Ama dị ọ kà a yị ọnị ka, ọnị ozi ọza, ọnị ọ̀ yẹ́ ka ẹtẹ ọnị ọnị re aanị vị ịrẹyị ụmẹ ọnị ẹhẹ àaa vaa ta.

Ireevi 9:24

Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Imatiwu 17:7

Dị Ijeesu vẹ, dị ọ sị ụvọ kanyị wa, dị ọ ka, “Kwẹẹtẹ asị u rè hí angwa nịnị!”

Odeyi 22:7

Dị mị hyẹdụ nya ẹtẹ nị. Dị mị wụ́ ọngwẹ ọnya, dị ọ kà a mị ka: ‘Ịsọọrụ, Ịsọọrụ! Sị ẹ vẹ dị waa sị ụyaa rị mị?’

Odeyi 26:14

Dị avaba ayị hyẹdụ và hi ẹtẹ nị.” Dị mị wụ́ ka ọngwẹ ọnya ộ kà ịrẹyịị mị ịnị ẹkụra Ihiburu, dị ọ ka: “Ịsọọrụ, Ịsọọrụ, sị ẹ vẹ dị waa sị ụyaa rị mị? Wáá yẹ ka ịrẹyị ọkatẹngụ ọ vị nị ka waa gụ ahụụ chire ikeyi?”

2Ipita 1:18

Yâ wụ́ ọngwẹ ọnọọ, ẹyịrị ọ mẹ̀ yà ịrẹsụ ataba ọnịnị.

Ọdọvịdị 13:20

Ịjị ịra ịsa ịsọvọ ọnọọ a daa va hịrẹ, dị Imanowa ọnịrị ose anị vavọọ ee ree, kẹnẹ dị anggẹẹrị Ẹnẹyịmavara ọnọọ vana saasa ịra ọnọọ vahịrẹ nị.

Ọdọvịdị 13:22

Dị Imanowa ka ẹ yị ose anị ka, ọ yẹ ka vị ẹnị ẹ ve su anị nị agụvị ka vị ẹnị sị Ohomorihi re anị nị.