Imatiwu 17:5 - IWE ỌNỊNỊ

⁵ Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Imatiwu 17:5 Iomraidhean Croise

Ijoovu 38:1

Ẹnẹyịmavara ộ ka ịrẹyị Ijoovu hụụnị opomi

Ahẹ Ụgama 81:7

Ohomorihi ka ụ maà rị ụya, di u nowu va za ọnịnị nị, ọnị ộ ba wụ nịnị owu. Ọ kà ọnị yà ịzị opomi yà aa tụ́, dị ọnị tụ́ wụ nịnị ohi nị. Ọ rẹ ka ọnị ộ zama wụ nịnị re ini okuha Imeriba.

Ọyịkụra 19:19

Di ọpanyị aa sịị sụ ịrẹyịị hu avọọ nị. Di Imosiisi aa kà ịrẹyị di Ohomorihi ee tụ́ o ohi nị.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 42:21

Ayị Ẹnẹyịmavara ô hine, agụvị ịsa ana vọrọ ọnị ọọ̄ mẹ̀. Ộ sị ụbanyị yị ọda anị, dị ọ mẹ ka ọ nyị igirima nị.

Imatiwu 12:18

“Ọnịtụ amị ọnị mị nyị yị. Mée sì ịrẹyị anị, ayị amị ô hine tù ọ. Mị vaa mẹ ka Ụhwẹ Ọnịnị amị ọ̀ dọ avaba ayị anị. Ọ vaa naa nọọ yị anẹhẹ ka mị vaa mẹ̀ ọkarẹyị yị wa.

Imatiwu 17:6

Ịjị ezirẹma anị wụ́, ệ và eyi ku ẹtẹ, angwa ô hí wa ẹtẹẹtẹrẹ.

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Ịmaakị 1:11

Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”

Ịmaakị 9:7

Dị eguhi ọnya aanị dà và kú wa nị. Dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, waa wụ́ ịrẹyị anị nịnị!”

Iruuku 3:22

Dị Ụhwẹ Ọnịnị chí vẹ anka arivadi avọọ, dị ọ và kú ọọ nị. Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Ịjọọnụ 5:37

“Ada amị ụvọta ana tụ́ mị vẹ ẹhẹ ọnị ọ rẹ dọ ivenu tụ́ ịnị ịrẹyị amị. Wẹẹ̀ yị wụ́ ọngwẹ anị nịnị da, weè yi re re e nịnị, ọ mẹmẹ yà.

Odeyi 1:9

Ịjị ọ maanị sị ịrẹyị kà yị wa, dị Ohomorihi sị ọọ nọ ẹbẹẹba nị. Ẹ́nịnị mèe yii re e, di eguhi vú ọọ hi wa eyi nị.

Odeyi 7:37

Imosiisi ọnọọ ộ kà a yị Anisirẹrị ka Ohomorihi vaa tụ́ ọnịsẹ ọnyaa hi wa anka ọ mẹ̀ tụ́ ọnị. Dị ọ ka anda awụ nịnị ọ vaa vị nị.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 18:15

Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị.

Iwe Ọhụhị Imosiisi ana aa hị́ Ọyịvatụrọda 18:19

Àa nyị ọza ẹnẹ ẹ̀ yị wụ́ ịrẹyị amị ọnị ọnịsẹ ọnọọ sị ịrẹha amị kà, ẹmị ụvọta vaa sị ụyaa rị ọza ọnọọ.

Iwe Ọhụhị Imosiisi ana aa hị́ Ọyịvatụrọda 5:22

Ọda ẹnẹnị Ẹnẹyịmavara kà yị avaba ịragụ awụ nịnị ịnị ataba Ịsịnayị. Ô na owu ka ịnị akakana ịra, ọnịrị eguhi ne beri etohozi nị. Ịjị ịrẹyị anị taa ka, dị ọ̀ chẹrẹ tụ ịnị ịrẹta ẹẹva ọnị ộ sị yị Imosiisi ụvọta nị. Imosiisi ka.

Anikorasi 1:13

Ohomorihi ộ dọ yị hụụnị ụkata ịrahụ, ọ raà sị yị va ngụ ịzị Ozi anị oni o sì ịrẹyị anị yà aa mẹ ịjọva.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.

Ẹtore 14:14

Máa kana eyi, di mi re eguhi ọvwọọvụ ọnya nị. Dị ọza ịnya aanị ana yà anka ozi ọza avọọ, yaayịtẹ ịrẹsụ eguhi ọnọọ nị. Dị ọ sị ọkẹkẹrẹkụ igooru ọnya aanị kú nị. Dị ọ sị ụhwọ ọnya aanị ana rẹ rị ụvọ nị.