Imatiwu 17:3 - IWE ỌNỊNỊ

³ Di e vene re ka Erija ọnịrị Imosiisi ệ vẹ nị. Dị ẹnịrị Ijeesu aa kà ịrẹyị nị.

Imatiwu 17:3 Iomraidhean Croise

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

Ịmarakayị 4:5

Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.

Imatiwu 17:2

Dị a vara Ijeesu ẹngụ éyi ẹnịnị nị. Dị eyi Ijeesu aa za nyanga-nyanga anka ọyị avọọ nị. Dị awuru anị aa vwẹtẹ sẹnẹ-sẹnẹ kẹnẹ nị.

Imatiwu 17:4

Dị Ipita kà a yị Ijeesu ka, “Ananyị yị ộ da zoza ka yâ yà ịzẹnị. Wèe sì, jẹẹ ya jị ajẹngụ ẹẹta tụ́ ịzẹnị; ọnyara ọ̀ọ vị áawụ, dị ọnya vị Ímosiisi, dị ọsa vị Éerija.”

Ịmaakị 9:4

Di e vene re ka Erija ọnịrị Imosiisi ệ vẹ nị. Dị ẹnịrị Ijeesu aa kà ịrẹyị nị.

Iruuku 1:17

Ụkata Erija ọnịrị ebira anị ọ vaa nyị nị. Ọnị ọ vaa dọ ọvịdị Ananyị yị nị. Ọ vaa mẹ ka ada ọnịrị ezi è ze. Dị ọ rẹ mẹ ka anakamawụ nịnị ẹ̀ varẹma va zị oze ọnịrẹyịzẹyịza. Dị ọ re tenyi aza ẹngụ tịtẹ yị Ananyị yị.”

Iruuku 16:16

“Ọda Imosiisi ọnịrị ịrẹyị ọnịsẹ nịnị ẹ́ jẹẹ pooro ve tù ụmẹ Ịjọọnụ ọhwọzenyi. Hụrẹ ụmẹ ọnọọ a hụrẹ aa kà enube ọyịza ka Ohomorihi aa mẹ ịjọva nị. Ọzọza aa vụrịị sị ụkataa ngụ ọọ.

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Iruuku 9:33

Ịjị aza ẹnẹẹ sị hụụ ịdị Ijeesu, dị Ipita kà a yị Ijeesu ka, “Nda, ộ da zoza ka yâ yà ịzẹnị. Jẹẹ ya jị ajẹngụ ẹẹta tụ́ ịzẹnị: ọnyara ọ̀ọ vị áawụ, dị ọnyara vị Íimosiisi, dị ọsa vị Éerija.” Ipita ọ yị yẹ ịsị aa kà.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Iwe Ọhụhị Imosiisi ana aa hị́ Ọyịvatụrọda 18:18

Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa.

Iwe Ọhụhị Imosiisi ana aa hị́ Ọyịvatụrọda 34:10

Ẹ yị vana nyị ọnịsẹ ịnị Isirẹrị anka Imosiisi. Ọnịrị Ẹnẹyịmavara vana gẹ ka ịrẹyị eyi-eyi.