Imatiwu 16:21 - IWE ỌNỊNỊ

²¹ Hụrẹ ụmẹ ọnọọ, dị Ijeesu aa kà a yị ezirẹma anị ka â nyị ka ọnị ọ̀ nọ Ijerusarẹmị, dị azọkụ nịnị beri ohirẹsụ ẹbanyị irehi Ohomorihi ọnịrị ọzwọzọda nịnị ẹ̀ sị ụya rị ọnị ẹtẹẹtẹrẹ, dị ẹ̀ wụ ọnị, ịhyẹgwẹta anị, dị Ohomorihi ọ̀ rẹ ha ọnị hụụnị isu.

Imatiwu 16:21 Iomraidhean Croise

Inehemaya 12:7

Isaru, Amọọkị, Ihirikaya ọnịrị Ijedaya ọsa. Aza ẹnẹnị ẹ vị ọdọvịdị ohirẹsụ irehi Ohomorihi beri ọnọgụvọ ẹnẹnị ịnị ụmẹ Ijesuwa.

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Imatiwu 16:22

Dị Ipita hị́ ọọ nọ oboka ọnya, dị aa tụ́ ọọ ohuvọ nị, dị ọ ka, “Ọchọnọyịrẹsụ awụ, Ọga! Ịsị ụ waa kà aanị, ọ yị vaa mẹ wụ!”

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 17:12

Dị ma kà a wụ nịnị Erija ọ zị vẹ da, ama ẹnịnị ẹ yị yẹ ẹ; dị ẹ mẹ̀ ịsa ene zé wa eyi hi ọọ nị. Avọọ ẹ́mị Ozi ọza onigirima mẹ̀ rẹ yị vaa rị ụya ịnị ụvọ ẹnịnị nị.”

Imatiwu 17:9

E mèe chíi hụụnị atabaa vẹ, di o hú wa ụvọ, dị ọ ka, “Asị ụ kà ịsa oni u re aanị yị ọza ọnyọọnyị pooro dị ẹmị Ozi ọza onigirima ọ̀ ha hụụnị isu!”

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Imatiwu 26:2

“Wâ yẹ nịnị ka uhurenyi aa rị Eche ọyịparahu nị. A vaa sị ẹmị Ozi ọza onigirimaa chire ọnịvị amị ụvọ, dị ẹ kanyị mị za ọchị apavahị.”

Imatiwu 26:47

Íjeesu mẹ̀ yị yà ịnị ịrẹyị aa kà, dị Ijudasi, ọnya ini ezirẹma ẹwụrẹva vẹ nị. Ộ wara aza saasa ẹngụ vẹ; aza ẹnẹẹ ệ kụ́ ụhwọ beri arubebe za. Ohirẹsụ ẹbanyị irehi Ohomorihi ọnịrị azọkụ nịnị ẹ tụ́ wa vẹ nị.

Imatiwu 27:12

Ohirẹsụ ẹbanyị irehi Ohomorihi ọnịrị ọdọvịdị nịnị ệ kụ́ ịrẹka za a, ama o yi tụ́ ohi.

Imatiwu 27:63

Dị ẹ ka, “Ọga, yâ tamayị ka ovenọza ọnọọ mẹ̀ yà ẹhẹ, ộ kà a ka ịhyẹgwẹta ọnị ọnị sú, ọnị rẹ vaa haa kwẹẹtẹ.”

Imatiwu 28:6

Ọ yị kụkụ yà ịzẹnị, agụvị ka a sị ọọ ha kwẹẹtẹ, anka ọ mẹ̀ vịdị kà a. Vẹ ịzẹnị, di u we ve re ịzọọ vịdị yà nịnị!

Ịmaakị 8:31

Dị Ijeesu nyima aa zụ̀ wa ịsa nị, dị ọ ka, “Ẹmị Ozi ọza onigirima mị vaa rị ụya ẹtẹẹtẹrẹ. Ọdọvịdị nịnị ẹnịrị ohirẹsụ ọbanyị irehi Ohomorihi nịnị beri ọzwọzọda nịnị vee yi mii tịtẹ. A rẹ vaa wụ̀ mị, ama ịhyẹgwẹta anị mị vaa haa hụụnị isu.”

Ịmaakị 9:12

Dị Ijeesu ka, “Ịzẹyịza, Erija ọ vịdị vẹ nị, ka ọnị ọ̀ va sị avaba ịsa tụ́ udi anị. Ama sị ẹ vẹ dị a maanị chẹrẹ ẹ ka Ozi ọza onigirima vaa rị ụya irenyi-irenyi, di e re yi ọọ tịtẹ?

Iruuku 17:25

Ama â nyị ka ma vịdị rị ụya ọrụrụ-ọrụrụ da, dị anụmẹ ọnọnị è yi mi tịtẹ.

Iruuku 24:46

Dị ọ kà a yị wa ka, “Â vavọọ chẹrẹ ẹ tụ́ ini Iwe Ohomorihi. Agụvị avọọ â nyị ka Ikirisiti ọ̀ rị ụya, dị ọ ha hụụnị isu ịhyẹgwẹta anị.

Iruuku 9:31

Ẹnịnị ệ vavọọ ve tù Ijeesu ini igirima, dị ẹyaa kà a yọ, ọ mẹmẹ vaa hụụnị ẹhẹ Íjerusarẹmị, anka Óhomorihi mẹ̀ mẹ eto anị.