Imatiwu 16:16 - IWE ỌNỊNỊ

¹⁶ Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 16:16 Iomraidhean Croise

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Ahẹ Ụgama 42:2

Mee sì wu ẹtẹẹtẹrẹ Ohomorihi ana yàra Eyi awụ vị ana nyayịnẹ aa tụra amị Ohomorihi, ịhị ụ ka mee nee re oze dị ma vẹ ini eehi awụ dị ma va hẹkẹ wụ?

Ịdanịyẹrị 6:26

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ.

Imatiwu 1:16

Ijekọvụ ọ ma Ijosẹẹhụ, ọva Imeri ana ma Ijeesu ana aā hị́ Ohinọyị oni Ohomorihi nyị ka ọ̀ dọ ọza ha nị.

Imatiwu 14:33

Dị aza ene hi ịnị ẹpa va ku ẹtẹ, dị ẹ ka, “Ịzẹyịza, Ozi Ohomorihi ụ vị nị.”

Imatiwu 16:15

Dị Ijeesu ka, “Ẹwụ nịnịị yọ, ẹnẹ ẹwụ nịnị sị ọọ hị́ ka mâ vị?”

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Imatiwu 4:3

Dị ọzamọzare ọnọọ ka a vẹ, dị ọ ka, “Àa vị Ozi Ohomorihi ụ vị nị, mẹ ọda ka ịrẹta ẹnẹnị ẹ̀ vara akara!”

Ịmaakị 14:61

Dị Ijeesu kú irenu, di ò yi tụ́ ohi nị. Dị ohirẹsụ ọbanyị irehi Ohomorihi rẹ ka, “Ẹ wáá vị Ikirisiti, Ozi Ohomorihi nị?”

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Ịjọọnụ 11:27

Di Ịmata ka, “Hịịn, Ananyị yị, mâ dọ wụ́ ka ẹwa vị Ikirisiti ọnọọ ana vị Ozi Ohomorihi ana a kà a ka ọ vaa vẹ ẹhẹ nị.”

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 6:57

Ada amị ana yàra pooro zịna-zịna ọ tụ́ mị vẹ ẹhẹ nị. Ini oze anị ẹ́mị rẹ zị yàra pooro zịna-zịna nị. Avọọ gẹdẹ-gẹdẹ, ọza ana àa rị ọchẹngụ amị, ọnị rẹ vaa yàra pooro zịna-zịna ini oze amị.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Ịjọọnụ 6:69

Ya sị dọ wụ́, ya rẹ sị yẹ ka ẹwa vị Ọza Ọnịnị Ohomorihi nị.”

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 8:36

Ẹ màa na óze, e ve tù aha ọnya aanị, ịzị enyi yà. Di osuretu ọnọọ ka, “Enyi yọ, sị a vọrọ ka ọ̀ za mị ka asị a mẹ̀ ọyịhwọzenyi mị?”

Odeyi 8:37

[Dị Ihwiripi ka, “Wàa sị avaba ayị awụ dọ wụ́, a zụ mẹ̀ ọyịhwọzenyi wụ.” Dị ọnọrụ ọnọọ ka, “Mâ dọ wụ́ ka Ijeesu Ikirisiti ọ vị Ozi Ohomorihi nị.”]

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

Aniroomi 1:4

Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.

2 Anịkọrịntị 1:19

Ijeesu Ikirisiti ana vị Ozi Ohomorihi ẹnẹ ẹmịrị Isirivanọsị beri Itimoti kà ịrẹyị anịị wụ nịnị, ayị vị ọza hịịn eyiye ọ vị. Ọ̀ọ kà a ka “hịịn”, “hịịn” ọ vị nị.

2 Anịkọrịntị 3:3

Ọzọza ộ yẹ ka, vị ụ sị mẹẹ nịnị anka iwe ọnị Ọza oni Ohomorihi nyị mẹ ohinọyị ka ọ̀ dọ yị ha chẹrẹ, dị ahịka ẹyị o pe e chẹrẹ ẹ nị. Ẹ yị vị ịsa a sị inyiiki chẹrẹ ọ vị. Ẹ yị rẹ vị ịnị ọparị a chẹrẹ ẹ tụ́. Ama Ụhwẹ Ohomorihi ana yára a sị chẹrẹ ẹ tụ́ ịnị ayị ọza nị.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

1 Itimoti 3:15

agụvị mèe ne kù, dị iwe ọnọnị ọ̀ navọ ka wa yẹ, a mẹ̀ vọrọ ka aza ẹ̀ẹ mẹ̀ ebira ịnị akakana aneehi Ohomorihi ana vị ịragụ Ohomorihi ana yára. Aneehi Ohomorihi vị ohinẹ ọnịrị ohyẹtẹ ana za ịzẹyịza jẹẹ nị.

1 Itimoti 4:10

Agụvị avọọ, ị vụrị aa mẹ̀ ụkọrọ nị, agụvị ka yáa sị eyi tụra Ohomorihi ana yára. Ọnị ọ vị Ọdọzaha avaba aza nị, hu keekere, aza ana hyakụ sị ayị tụraa.

Anihiburu 10:31

Ọza ọ̀ọ hyẹdụ ne ngụ ịnị ụvọ Ohomorihi ana yára, ọza ọnọọ ọ sị dà.

Anihiburu 12:22

Ịzị ẹwụ nịnị vẹ aanị vị ịnị Ataba Ịzayọnị, ọnịrị ịnị ẹkụra Ohomorihi ana yára. Ịzọọ aā hị́ Ijerusarẹmị ini ihinẹba nị. Anggẹẹrị ọrụrụ-ọrụrụ ọnị ọza ọ̀yị yẹ ịrịka vị ene hi ịzọọ.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

1 Ịjọọnụ 4:15

Ọza ana àa há irenu anị kà a ka Ijeesu vị Ozi Ohomorihi, ọnịrị Ohomorihi vị ọnya; Ohomorihi ọnịrị ọza ọnọọ ọ sị vabẹ.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

1 Ịjọọnụ 5:5

Ẹnẹ zụ́ nyị ehuna ịsa edivi ẹhẹ ọnọnị? Ọza ana dọ ka Ijeesu vị Ozi Ohomorihi kẹnẹ yọ nị.

Ẹtore 7:2

Me re re anggẹẹrị ọsa ana hịrẹ hụrị eyi ọnị ọyịị̄ zịị hụrẹ vẹ. Dị ọ sị ịsa oni Ohomorihi ana yára sịị̄ sị ụvọọ tụ́ ịnị ịsa rị ụvọ nị. Dị ọ nowu hị́ anggẹẹrị ẹẹna ana a sị ụkata yị ka è du ẹhẹ ọnịrị eku ha nị.