Imatiwu 16:13 - IWE ỌNỊNỊ

¹³ Ijeesu ộ nọ ọgụrị ẹkụra Ịsẹsarịya-Ihwiripi. Dị ọ họ̀ ezirẹma anị ka, “Ẹnị aza sị ọọ hị́ ka ẹmị Ozi ọza onigirima ọ́ọ vị?”

Imatiwu 16:13 Iomraidhean Croise

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Imatiwu 12:32

Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọọ ịnị anị. Ama ọza ana àa kà ịrẹyị odivi hi Ụhwẹ Ọnịnị, ọza ọyị vaa vagu ọọ ịnị ẹhẹ ọnọnị ọnịrị ịnị ẹhẹ ana aa vẹ.”

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Imatiwu 12:8

agụvị ka ẹmị Ozi ọza onigirima ọ vị ọga ẹkụhị ụhwọtụ nị.”

Imatiwu 13:37

Dị Ijeesu tụ́ ohi, dị ọ kà a yị wa ka, “Ọza ene chire ihu ozoza vị ana jẹẹ yị Ozi ọza onigirima.

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

Imatiwu 15:21

Ijeesu ộ hụụ ịzọọ, dị aa nọ ọgụrị ẹkụra Ịtaya ọnịrị Ịsịdọnị nị.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Imatiwu 9:6

Ama mee sì ka wa yẹ nịnị ka Ozi ọza onigirima ộ nyị ụkata ọyị vagu ọza ịnị ịvị anị ịnị ẹhẹ ọnọnị.” Dị ọ kà a yị oswẹngụ ọnọọ ka, “Kwẹẹtẹ, sị odooro awụ, dị waa nọ eehi awụ!”

Ịmaakị 10:45

agụvị ka emi Ozi ọza onigirima ẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Ịjọọnụ 12:34

Dị ọkọnị aza ẹnẹẹ tụ́ ohi, dị ẹ ka, “Yâ wụ́ ka ọda ayị ộ kà a ka vị Ikirisiti vaa yà ịzọọ pooro zịna-zịna nọ! Sị ẹ vavẹ dị ẹwụ ka a vaa sị Ozi ọza onigirimaa tụ́ ẹba? Ẹnẹ va vị Ozi ọza onigirima ọnọọ?”

Ịjọọnụ 3:14

A vaa nyị ka à sị ẹmị Ozi ọza onigirimaa tụ́ ẹba, anka Ímosiisi mẹ̀ sị ẹwụ tụ́ ẹba ịnị ụnọmị ịyẹẹyẹ avọọ,

Ịjọọnụ 5:27

Ọ rẹ raà sị ọda yị Ozi anị ka ọ̀ọ mẹ̀ ọkarẹyị, agụvị ka ọnị ọ vị Ozi ọza onigirima nị.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 7:56

Dị Isitivini ka, “Re! Mee re, íhinẹbaa mẹ̀ na hi ẹtẹ, di Ozi ọza onigirima jẹẹ éyi ụvọrị Ohomorihi nị!”